(1789 йил) 14 июль, Франция миллий байрами – Бастилия ишғол эт | Геосиёсат
(1789 йил) 14 июль, Франция миллий байрами – Бастилия ишғол этилган кун.
14 июль – Буюк француз инқиболига, яъни Бастилия қалъаси ишғол этилган кунга бағишланган Франциянинг миллий байрами. 1789 йилнинг 14 июль куни исён кўтарган парижликлар қирол зўравонлигининг рамзи бўлмиш Бастилия қамоқхона-қалъасини ишғол қилдилар. Шу ҳодиса Буюк Француз инқилобининг бошланиши сифатида кўрилади. Айни дамда «Бастилия» сўзи озодлик рамзига айланган. Бастилия (французча la Bastille, тарихий номи la Bastille Saint-Antoine) – 1370-1381 йилларда қурилган қалъа. У ерда кейинчалик асосан давлатга хиёнат қилган жиноятчилар сақланган. 1789 йил 14 июль куни юз берган Буюк Француз инқилоби даврида қалъа инқилобчилар томонидан эгалланиб, орадан кўп ўтмай, бузиб ташланган. Айни дамда бузилган қалъа ўрнида Париждаги ўнлаб кўчалар туташган – Бастилия майдони бор.
