Мьянмада ўтган тунда давлат тўнтарилиши содир бўлди, ҳукумат б | Геосиёсат
Мьянмада ўтган тунда давлат тўнтарилиши содир бўлди, ҳукумат бошқаруви тўлиқ ҳарбийлар қўлига ўтди.
Армия катта генерали Мин Аунг Хлайн вице-президент Мьинт Швени Мьянмада вақтинча президент вазифасини бажарувчи этиб тайинлади. Мамлкатда 1 йил муддатга фавқулодда вазият эълон қилинган.
Ҳарбийлар ўз ҳаракатларини 2008 йилда қабул қилинган давлат конституцияси билан асослашмоқда. Улар собиқ ҳукуматни ноябрь ойида бўлиб ўтган сайлов натижаларини қалбакилаштиришда айблашмоқда.
Шунингдек, қўзғолон ташкилотчилари мамлакат президенти Вин Мин, давлат маслаҳатчиси ва ТИВ раҳбари Аун Сан Су Чжини ва ҳукуматни бошқариб келган «Демократия учун миллий лига» партиясининг бир қатор раҳбарларини қўлга олишган.
АҚШ ҳукумати ушбу воқеалар юзасидан безовталик билдириб, ҳибсга олинган давлат раҳбарларини озод қилишни талаб қилишмоқда.
