«НОҚулай шаҳар» лойиҳасининг биринчи сонида Тошкент шаҳрида қурилган ва қурилиши айтилаётган йўл ўтказгичлари ҳақида суҳбатлашгандик. Лекин бундай объектлар қурилиши фақат Тошкентда амалга оширилаётгани йўқ. Ўзбекистоннинг турли ҳудудларида, жумладан, Самарқанд шаҳрида ҳам бир нечта шундай хатога йўл қўйилмоқда.
Лойиҳанинг навбатдаги сонида «Газета.uz» журналисти Баҳодир Абдуллаев урбанист Искандар Солиев билан Самарқандда йўл ўтказгич қурилган ва қурилиши режалаштирилган ҳудудларни бориб кўрди ва улар шаҳарга керакми деган саволга жавоб излашди.
