Gayratoff

2023-06-22 17:16:57 Sizga qilingan ba’zi yaxshiliklarni faqat yillab o’tib tushunib yetasiz Ochish/sharhlash

2023-06-20 17:12:38 Sovg‘aning betiga qaralmaydi

o'n yoshimda dadam chet eldan pullariga kompyuter sovg‘a qilgandilar. 

Oddiyroq bo‘lgani uchun ko‘p o‘yinlar o‘ynalmasdi, tez-tez buzilib qolaverardi. Biz xafa bo‘lmasdik, chunki mahallada birinchi komp bizda edi. O‘yinlar tortmaganidan, dasturlar o‘rganildi. Buzilaverganidan tuzatishni o‘rganib oldik. 

Birinchi eski telefonim, oddiy noutbukim bilan ham shunday. Hech qaysi biri ideal emasdi.  Sovg‘a bo‘lgani uchun indamay, foyda olaverardim. 

Hayotdan siqilgan, muammolardan charchagan do‘stim. Hayotdan siqilyapsiz degani - hayotingiz bor degani!

Hayot sovg‘a qilib berildimi, kichkina kamchiliklariga siqilavermang. Kamchiliklar yutuq bo‘lishi ham mumkin. Sovg‘aning vaqti tugaganida - shu siqilgan kunlarimiz orzu bo‘lib qoladi. 

Umri tugashini bilgan odam, tog‘ ustida bitta oyoq ustida turib yashashga ham rozi bo‘lardi degandi Tolstoy. 

Sovg‘ani betiga qaramang. Qarashga vaqt sarflasangiz, ishlatishga vaqt qolmay qolishi mumkin. Ochish/sharhlash

2023-06-17 11:10:53 Jamiyatga foyda keltirish haqida o’ylayvering. Shu jamiyatni ichida o’zingiz ham borsiz. Ochish/sharhlash

2023-06-14 10:07:30 Yo’qotishdan qo’rqadigan narsang darajasida kuchlisan. Ochish/sharhlash

2023-06-13 03:23:12 Asliyatni ko’ring

Navbat turib yeyilayotgan kabob - o’ldirilgan qo’y go’shtining issiqda toblangani xolos.

Soatlab ko’rayotgan videolarimizni 90%i - reklama va kurslar sotish uchun olingan, qiziqarli va sodda ma’lumotlar yig’indisi xolos.

Maqtanib kiyayotgan kiyimlarimiz - yerdan o’sib chiqqan paxta. Mato qilinib, soatiga 2$ga ishlaydigan Bangladeshliklar tomonidan tikilgan mahsulot xolos.

Bizni kuzatuvchilar soni, bizni yaxshi ko’radiganlar soni emas - bizni misol qilgan holda o’z hayotida o’zgarish qilmoqchi bo’lganlar soni xolos.

Oltin - eskirmaydigan yaltiroq metall, olmos - sinmaydigan tosh, kitob - muallif fikrlarining harflarda ko’rinishi…

Har bir narsani aslini ko’rishni o’rganing. “Bu aslida nima?” degan savol tilingizdan tushmasin. Shunda:

Ko’p vaqt sarflayotgan narsalarimiz aslida sarflashga arzimasligini,

Mana shu arzimaydigan narsalarga, arziydigan umringiz ketayotganini tushunib qolasiz. Ochish/sharhlash

2023-06-11 20:17:57 Bo’lishish payti kelmadimi?

Xursand bo’lishning eng tez usuli - boshqalarni xursand qilish.

Pulga baraka kiritishni sinalgan usuli - ehson qilish. (57-11)

O’rganishning oson usuli - kamroq biladiganlarga o’rgatish (Feynman)

Ishxonada oylikni ko’paytirishni yagona usuli - ko’proq pul keltirishni boshlash.

Nimadur yetishmayaptimi? O’ylab ko’ring, o’sha narsani bo’lishish to'xtab qolmadimi?

Berishni o’ylasangiz, olish haqida o’ylashga hojat qolmaydi. Ochish/sharhlash

2023-06-10 17:41:38 Ko'zdan ketsa dildan ketadi. Ochish/sharhlash

2023-06-08 07:40:53 Cheksiz Imkoniyatlarga ega bo'lmoqchi bo'lsang imkoniyataring qanchalik cheklanganligini bilib ol. Ochish/sharhlash

2023-06-07 09:04:58 Yomonliklarning ko'pi bilmaslikdan qilinadi, ataylab emas.

Ilm oling. Bilmasdan yomonlik qilayotgan bo'lishingiz mumkin. Ochish/sharhlash

2023-06-06 06:12:36 Baxtli bo‘lish - tanlov

Baxt siz uchun nima? Qachon baxtli bo‘lasiz? Allaqachon baxtlimisiz?

Baxtni natijaga bog‘lab qo’ymang:

- O‘qishni bitirib, o‘z yo‘limni topib ketsam, baxtli bo‘laman
- IELTS 8.0 olsam, baxtli bo'laman
- Boy bo‘lib ketib, xohlagan narsalarimni sotib olsam, baxtli bo‘laman
- Uylanib, oilali bo‘lganimdan keyin, baxtli yashashni boshlayman

Hozir esa baxtli bo‘lishga nima xalaqit beryapti?

Oldin hozirgi bor narsalaringiz haqida orzu qilmagan edingizmi?

Natijalarga erishiladi, 1 haftadan keyin yangi mashinangiz oddiy holat bo‘lib qoladi.

Natijalar oddiy holat bo‘lganidan so‘ng, o‘zingiz bilan yolg‘iz qolasiz.

Samurayning borish manzili yo‘q, faqat yo‘li bor. Ochish/sharhlash