Gʻarib shoir

2023-03-20 12:45:11 Tush.

Bugun yana kirding tushimga,
Qoʻl ushlashib oʻltirgan edik.
Uygʻonib, soʻng kelgach hushimga,
Eslolmayman nimalar dedik.

Darsxonasi, oʻltirardim jim,
Birdan kirib kelding xonaga.
Bittagina mening oʻtinchim,
Rahm qilgin mendek bolaga.

Asta kelib yonimga qoʻnding,
Qoʻlim yelkalaring quchardi.
Tosh bagʻrimni kiprikla yoʻnding
Va shu qalbim endi uchardi.

Boshim qoʻydim nozik yelkangga,
Tebranardik ishqdan boʻlib mast.
Seni menga Nasib Etganga,
Nolam: Senga yetmasin shikast.

Axir barchasi maʼlum, barchasi aniq,
Men seni sevishim yolgʻondan emas.
Endi ishqim osmoni yanada tiniq,
Musaffo asmonda qushlar pand yemas.

Senda ham boʻlgandir shundayin holat,
Sen ham daftaringga bitgansan joʻshib.
Shuurimda aylanar azaliy niyat:
Alloh taqdirimiz aylasin qoʻshib.

Gʻarib shoir. Ochish/sharhlash

2023-03-11 13:50:14 Meʼyor.

Gʻaflatda qolmagin, birodari aziz.
Meʼyorni ushlagin, meʼyorni saqla.
Oʻzingga-ku ishonching bormi bilmayman.
Hech boʻlmasa ota-onang ishonchin oqla.

Gʻaflatda qolmagin, birodari aziz.
Inson insonligin meʼyor koʻrsatar.
Oʻzingni yomondan saqlayolmasang,
Alloh qilmishing chun seni boʻzlatar.

Gʻarib shoir. Ochish/sharhlash

2023-03-10 20:39:51 Donolar.

Donolar hayotni kuzatolmas jim.
Axir tashvish-u gʻamlarga koʻmilgan dunyo.
Hayotda betashvish yashagandur kim?
Gʻussasiz insonlar - barchasi roʻyo.

Donolar hayotni kuzatolmas jim.
Yolgʻon-u nokaslik toʻlgan dunyoni.
Oddiy xalq qiynalgan, tamagir hokim,
Baʼzi bir ayollar yechgan hayoni.

Donolar hayotni kuzatolmas jim.
Ularda ham hasrat, dard, alam bisyor.
Qalbiga shaytonlar aylaydi hujum,
Ular ham kurashar takror va takror.

Donolar hayotni kuzaturlar jim.
Nima ham kelardi banda qoʻlidan?
Boshga kulfat tushsa, sabr qilar jim.
Nolimoq yarashmas hayot yoʻlidan.

Donolar hayotni kuzaturlar jim.
Sababni goʻzal qilib, natija kutar.
Niyatga yetkazsa, shukur aylar jim,
Shukurning ortidan ziyodga yetar.

Donolar hayotni kuzaturlar jim.
Sukut saqlamoqlik soʻzlashdan qiyin.
Toʻgʻri, sukut qilar yurakni tilim,
Odam qiynaladi soʻzsizlik sayin.

Donolar hayotni kuzaturlar jim
Axir tashvish-u gʻamlarga koʻmilgan dunyo...

Gʻarib shoir. Ochish/sharhlash

2023-03-06 20:55:00 #dialog

- Nima uchun kitob oʻqiysan?
- Hayot tashvishlaridan bir muddatga holi boʻlish uchun. Ochish/sharhlash

2023-03-04 16:40:34 Yoʻllar

Elting meni yiroqqa,
Dala-dasht-u ovloqqa,
Tashlab keling toshloqqa,
Bogʻdodga borar yoʻllar.

Xayollarim betartib,
Koʻngil koʻzyoshin artib,
Tashlab, kelasiz qaytib,
Bogʻdodga borar yoʻllar.

Sogʻinchim ortib borar,
Telba til soʻzdan tonar,
Ruhim dalada qolar,
Bogʻdodga borar yoʻllar.

Ayam qolgan intizor,
Dadam tashvishla bedor,
Soʻzimdan boʻlmang bezor,
Bogʻdodga borar yoʻllar.

Qishloqda odamlar sof,
Bogʻlarni qilay tavof,
Istagim etmang xilof,
Bogʻdodga borar yoʻllar.

Koʻnglimga soling quloq,
Bu koʻngil istar ovloq,
Yetkazing meni tezroq,
Bogʻdodga borar yoʻllar.

Gʻarib shoir. Ochish/sharhlash

2023-03-03 17:41:31 Diydor.

Nasib etdi nihoyat diydor,
Diydoringla koʻzim quvondi.
Bilaman, hislarin senga nomaʼlum,
Diydoringla yurak uygʻondi.

Senga termilmoqqa bezillar yurak,
Negadir oʻzini ayblaydi tinmay.
Balki, yuragingda ham shundayin holat,
Sen ham indamaysan hislarim bilmay.

Mana, bugun seni intizor kutdim,
Kelishingni oʻylab soatlar oʻtdi.
Koʻzim kitobda-yu xayolim senda,
Axir, seni men emas, yuragim kutdi.

Kitobga termilib oʻtirarman jim.
Balki kelgandirsan, balki koʻrgansan,
Bezovta qilmayin bechorani deb,
Qalblar uchrashuvin ortga surgansan.

Men ham ortga qaytdim, xayollar surib,
Yoʻl boʻyi sheʼr uchun qofiya izlab.
Niyatiga yetmagan yurak bechora,
Indamas alamin armonga soʻzlab.

Gʻarib shoir. Ochish/sharhlash

2023-03-01 06:50:39 Bahor.

Bahor kelayotir qoʻshiqlar aytib,
Quyosh uygʻotar daraxt kurtaklarini.
Endi qaldirgʻochlar keladi qaytib,
Ona zamin taqar chechaklarini.

Kurtak - daraxtning erka farzandi.
Avaylab-asradi qish ayozidan.
Yana bahor keldi, gulga aylandi.
Yaproq ham xijolat uning nozidan.

Yerdan bosh koʻtarar lola-yu chechak.
Butun qishni oʻtkazdi zamin bagʻrida.
Sabo birla qoʻshilib xirom etajak,
Shukrona keltirib tole togʻida.

Quyosh ham mahliyo yerning yuziga.
Koʻproq termilmoqni istab qoladi.
Shaydo aylamoqchi uni oʻziga.
Tonggi shuʼla ila koʻnglin oladi.

Qushlar ham boshlashar "Bahor" kuyini.
Joʻr boʻlar bir-birin munojotiga.
Qaytib kelgan qushlar qurar uyini,
Qishlaganlari yetdi mukofotiga.

Xalqimiz boshlaydi toʻyu-bazmni.
Sumalak qilinar takror va takror.
Muborakbod etayin bugun oʻzimni,
Axir bu kunlarga yetmaganlar bor.

Gʻarib shoir. Ochish/sharhlash

2023-02-28 10:58:35 Sen bahorni sogʻinmadingmi?


Abdulla Oripov. Ochish/sharhlash

2023-02-15 14:21:27 Tanbeh.

Ona tili darsi, ustoz dars oʻtar,
Bolalar diqqati tarqagan biroz.
Barcha birdek qoʻngʻiroq ovozin kutar,
Hatto darsdan zerikkan ruchkayu-qogʻoz.

Ustoz buni tushundi, his qildi qalbi.
Bolalar diqqatin tortdi oʻziga.
Eʼlon oʻqiyotgan notiq singari,
Urgʻu bera boshladi har bir soʻziga.

- Tushunib turibman, oson emas bu.
Goʻyoki ignada quduq qaziysan.
Dosh berishing kerak, soʻng xulosa shu.
Ja borsa bir-ikki kilo oziysan.

Menga ham havasmas sizlarni qiynash,
Orzu qilmaganman bunday holatni.
Niyatlar turlicha: oʻqish, yo oʻynash.
Oʻzingni boshingga solma kulfatni.

Qiynalmasang boʻlurmi birlaring ikki?
Togʻlar boʻyin egmas sening poyingga.
Tabiiy, koʻp boʻlsa tanbehu-dakki,
Gohida xas tushar shirin choyingga.

Mayli, hozircha ruhsat, boraqolinglar.
Asosiysi ilmdan yuzingiz burmang.
Qabrga yetguncha ilm olinglar,
Ilm ahllaridan yiroqda yurmang.

Bolalar birma-bir qoʻzgʻalisharkan,
Hammasi bir umrlik nasihat oldi.
Toliblar har yerda qiynalisharkan,
Ustozning gaplari quloqda qoldi.

Ey doʻstim, bu yoʻlda bardavom turgin,
Boʻyin egmagin hech mashaqqatlarga.
Kelajaging tomon viqorla yurgin,
Doimo tayyor tur talafotlarga.

Gʻarib shoir. Ochish/sharhlash

2023-02-10 20:34:14 Toshkentnoma II.

She'rimni o'qib demang: - O'qimay o'la!
Toshkentning havosi gazlarga to'la.
Toshkentga keladiganlardan bir yo'la,
Qishlog'imning havosidan berib yuboring.

Bu yerning havosida tezak isi yo'q,
Yangi yopilgan nonning bezak isi yo'q,
Kelgunicha chidayman bo'lsin ko'ngil to'q.
Qishlog'imning havosidan berib yuboring.

Yelib-yugurganda ham yetolmayapman,
Hech qaysi do'kondan ololmayapman,
Ayamning isini topolmayapman.
Qishlogʻimning havosidan berib yuboring!

Gʻarib shoir. Ochish/sharhlash