Маҳаллаларда янги ташкил этилган ёшлар етакчилари учун семинар | Фарғона вилояти ҳокимлиги
Маҳаллаларда янги ташкил этилган ёшлар етакчилари учун семинарлар ўтказилмоқда
Бугун Фарғона шаҳридаги Шодиёна МФЙ ҳамда Қўштепа туманидаги Нурафшон МФЙ мисолида маҳаллаларда янги ташкил этилган ёшлар етакчилари учун намунавий семинар ташкил этилди.
Семинарларга ёшлар ишлари агентлигининг маҳаллалардаги вакиллари, Ўзбекистон ёшлар иттифоқи шаҳар ва туман кенгаши етакчилари жалб қилинди.
Унда вилоят ҳокимининг ўринбосари Файзулло Қосимов иштирок этди ва ёшлар етакчиларининг асосий вазифалари ҳақида иштирокчиларга батафсил тушунча берди.
Тадбирлар давомида 14-30 ёш тоифасидаги ёшлар ўртасида спортнинг футбол, воллейбол, баскетбол, шашка, стол тенниси каби турлари бўйича мусобақалар шунингдек, китобхонлик йўналиши, маданият ва санъатнинг икки йўналиши, компьютер саводхонлиги бўйича тренинглар ташкил этилди.
Ҳар бир етакчи ёшларга ўзларининг маҳалласидаги ёшлар ўртасида шу каби беллашув ва мусобақаларни мунтазам ташкил этишлари бўйича топшириқ ва кўрсатмалар берилди.
Бундай семинарлар вилоятимизнинг барча шаҳар ва туманларида ўтказилиши режалаштирилган.
Вилоятимизнинг барча шаҳар ва туманларида иш бошлаган 1055 нафар ёшлар етакчиларининг асосий вазифалари “ёшлар дафтари” ва ёшлар дастурларини шакллантириш ва уларнинг ижросини таъминлаш, маҳалладаги ҳар бир ёшлар билан манзилли ишлаб, уларни муаммоларини ҳал этиш, ёшларнинг бўш вақтларини мазмунли ташкил этиш, айниқса “Бешта муҳим ташаббус” ижросини ташкил этиш, ёшларни ватанпарварлик руҳида тарбиялаш, ҳоким ёрдамчилари билан биргаликда ёшларнинг касбий кўникмаларини шакллантириш ва бандлигини таъминлашдан иборат.
