Ёзёвонлик Исроил Аҳмедов асаларичилик билан шуғулланиб, дарома | Фарғона вилояти ҳокимлиги
Ёзёвонлик Исроил Аҳмедов асаларичилик билан шуғулланиб, даромад топмоқда
Марказий Фарғона маҳалла фуқаролар йиғинида яшовчи Исроил Аҳмедов асаларичилик фаолиятини 2005 йилда 6 та асалари оиласини боқиш билан бошлаган. Ҳозирда у ҳақиқий асалари мутахассисига айланиб улгурди.
450 та асалари оиласи парваришланиши ҳисобига йилига 2 тонна асал олинади. Йиғилган асалларга ҳаридорлар ҳам нақд. Хонадон эгаси асалдан даромад олиш билан бирга ари оиласини ҳам кўпайтириб сотади. Ари оилалари республикамиз бўйлаб, шунингдек, Россия, Қозоғистон давлатларига ҳам жўнатилади.
– Барча ишни қилишда чин дилдан, кўнгилдан чиқариб, қилиш керак, – дейди Исроил Аҳмедов суҳбат чоғи. – Шундагина яхши натижага эришилади. Асалариларга меҳр бериб қараганимиз учун ҳам Аллоҳ даромадимизга барака беряпти.
Исроил Аҳмедов ҳовлисида бўлар экансиз, асаларилар ҳақида бераётган маълумотларини эшитиб, унинг асаларичиликнинг асл мутахассислигига гувоҳ бўлишингиз табиий.
