Нефтчи ОКМК билан жанговар дуранг ўйнаб, Суперлига пешқадамлигини давом эттирмоқда
Бугун бўлиб ўтган Суперлига 4-тур ўйини доирасида “Нефтчи” Фарғонада Олмалиқнинг ОКМК жамоаси билан дуранг ўйнади: 2:2.
Ўйиннинг 15-дақиқасида меҳмонлар Мартин Боакьенинг голи билан ҳисобни очишди. 31-дақиқада Алексей Ларин бурчакдан оширилган тўпни боши билан дарвозага йўллаб ҳисобни тенглаштирди. 40-дақиқада Хуршид Ғиёсовнинг урган голи натижасида ОКМК биринчи бўлимни кичик устунлик билан якунлади.
Ҳаяжонларга бой бўлган ўйиннинг иккинчи бўлими қизғин курашлар билан давом этди. 66-дақиқада Нурилло Тўхтасинов жарима майдончаси ташқарисидан кучли зарба йўллаб ҳисобни тенглаштирди.
Ушбу дурангдан сўнг “Нефтчи” ҳисобидаги очколар сонини 10 тага етказиб, Суперлига пешқадамлигини давом эттирмоқда.
Fergana.uz
| Telegram | Facebook | YouTube | Facebook | Instagram
| Twitter
