ФР| футбол АНАЛИЗИ

2022-09-01 04:29:00 Дарвоқе, бу ўйиндан кейин ҳеч қайси томон ҳакамларнинг қарори бўйича тегишли тартибда протест ёзмаганини алоҳида таъкидлаш керак. Ҳолатни тегишли қўмита мустақил равишда ўрганиб, қарор чиқарган. Ochish/sharhlash

2022-09-01 04:21:18 Ўша эпизодда Шавкат Раҳматов (лайнсмен) қоидага зид ҳаракат борлигини ифодалаганидан кейин Азиз Асимов 11 метрли нуқтани кўрсатди. Вазиятга ВАР аралашиб, Илья Илин бош ҳакам монитор ёнига чақирди. Эпизодни такрор кўриш жараёнида ВАР хонасидаги ҳамкасби билан жиддий тарзда баҳслашган рефери пенальтини бекор қилиб, ўйинни давом эттирди.

Бу тўғри қарор эди. Яъни, ўйин натижасига таъсир қиладиган жиддий хатонинг олди олинди. Аммо Азиз Асимов мана шу баҳсдан кейин 3 та турга дисквалификация қилинган.

Четлатишнинг сабаби тўғрисида изоҳ сўраганимизда ЎзФҲМ тошкентлик арбитр ВАР йўриқномасига амал қилмагани учун жазоланганини билдирди. Қоидага кўра, Асимов ўша эпизодда қанот ҳакамининг ифодаси билан пенальти белгилашга шошилмаслиги, ВАР хонасидаги ҳамкасбини эшитганидан кейингина нуқтани кўрсатиши керак экан.

Хуллас, Қаршида ўйин натижасига таъсир қиладиган ҳеч қандай хато бўлмаган. ФИФА рефериси ВАР йўриқномасидан четга чиққани учунгина 3 та турни ўтказиб юборади.

Шунингдек, бош ҳакамга юқори баҳо қўйган Бахтиёр Тоғаев 4 та турга четлатилган.

ФР| футбол АНАЛИЗИ Ochish/sharhlash

2022-09-01 04:20:17 Асимов дисквалификация қилинган

16-тур доирасида Қаршида ўтган учрашувнинг 84-дақиқасида баҳсли вазият содир бўлганди. Аниқроқ айтсак, "Насаф" футболчилари Анзур Исмоилов тўпни ўз жарима майдони ичида қўл билан ўйнаганини даъво қилишган. (давоми пастда ) Ochish/sharhlash

2022-09-01 00:20:12 Андре Марринер "Энфилд"даги ўйиннинг асосий вақтига 5 дақиқа қўшди. "Ливерпуль" ғалаба голини +8-дақиқада урди. Ochish/sharhlash

2022-08-31 14:46:00 "Динамо" мураббийга эмас, узоқни кўра оладиган, яхшироқ раҳбарга кўпроқ муҳтож. Ochish/sharhlash

2022-08-30 17:45:15 Сўраганлар учун

Рўзиқул ака билан гаплашиб олдик. Кеча томонлар орасида англошилмовчилик юз берган бўлиши мумкин экан. Тажрибали мутахассис ёлғондан қўрқиши, ҳеч кимга туҳмат қилишни истамаслигини билдирди. Мақолада айтилган бошқа масалалар қўмитада кўриб чиқилади.

P/s. Бугун Бердиевнинг профессионаллигига тан бердим. Ўзбек футболида унча-мунча одам энг содда танқидларни ҳам кўтара олмайди. Хафа бўлиб, 1 йилдан бери гаплашмай юрган одамлар бор. Рўзиқул ака ҳаммасини тўғри қабул қилди. Раҳмат. Ochish/sharhlash

2022-08-30 15:34:08 Орамизда ўзини ҳурмат қилмайдиганлар анчагина экан, каналда чат бўлмайди. Мен фанатлардан хафа бўлмайман. Лекин кимнидир ҳақорат қилишлари учун замин ҳам яратиб бермайман. Кимнингдир гапи бўлса, тингловчини қаршисига чиқиб (албатта, бу ишга катта юрак керак) юзига айтсин. Омадлар! Ochish/sharhlash

2022-08-30 14:15:29 Аҳрол Рисқуллаев билан гаплашдим. 37 ёшли рефери Бердиевнинг матбуот анжуманидаги фикрлари асоссиз эканини айтди:

"Ҳеч кимга ВАР ишламади, деганим йўқ".

ФР| футбол АНАЛИЗИ Ochish/sharhlash

2022-08-30 13:39:35 Бердиев жазоланадими?

Ўйин тугаши билан "Насаф" футболчилари ҳакамни ўраб олишди. Бу ерда жуда ҳам жиддий вазият юзага келди. Рўзиқул Бердиев учрашувни бошқарган Аҳрол Рисқуллаевни ҳақорат қилиш билан бирга, унинг қорин қисмига зарба ҳам йўллади.

Бу эпизод тасвири тартиб интизом қўмитасига юборилар экан. Кодексга кўра, "Насаф" устозига нисбатан қуйидаги жазолардан бири қўлланилади:

а) огоҳлантириш;
б) дисквалификация ёки Ўзбекистон Чемпионати, Биринчилиги, Ўзбекистон Кубоги учрашувларини ўтказиш билан боғлиқ расмий вазифаларни бажаришдан номуайян муддатга четлатиш;
в) 500 000 000 сўм миқдоргача пул жаримаси;
г) мураббий лицензиясини бекор қилиш;
д) футбол билан боғлиқ барча фаолият турларидан номуайян муддатга четлатиш.

Вазият жиддийлигини англашингиз учун келтираман. Шавкат Саидов "Машъал" мураббийи Александр Хомяковга нисбатан куч ишлатганидан кейин 1 йил муддатга футболдан четлатилган эди.

ФР| футбол АНАЛИЗИ Ochish/sharhlash

2022-08-30 10:25:23 Бердиевни узоқ муддатлик дисквалификация кутяпти... Ochish/sharhlash