Freyd bilan gurunglar

2022-08-12 16:02:10 “Soyam bilan tanishuv” (II) kursi haqida

Bugun qanday qilib yana-da kuchli, aqlli, muvaffaqiyatli, baxtli boʻlish borasida yoʻl-yoʻriqlar keng tarqalgan. Yorugʻ tomonlarimizni yana-da kuchaytirish, ularga koʻproq ahamiyat berish — hayotimizdan qoniqishni orttiradiganday.

Lekin qorongʻu tomonlarimiz — Soyamiz bilan yuzlashib, uni ozod qilmas ekanmiz, bizni oyogʻimizdan chalayotgan narsalar nimaligini anglamay yashashda davom etamiz. Uyat, qoʻrquv, jirkanish, dahshat hislarini uygʻotuvchi xususiyatlarimiz bilan tanishish, ularga ruxsat berish, yuzaga chiqarish — ruhimizni butunroq, erkinroq qiladi. Barcha tomonlarimizni anglagan holda harakatlanish — yoʻlimizni osonlashtiradi.

Depressiya, tushkunlik, hasad, oʻzingizga ishonchsizlik, ichki tanqidchining kuchliligi, doimiy xavotir, shaxsiy realizatsiya sustligi, energiya kamligi singari muammolardan qiynalayotgan boʻlsangiz, 1—10-sentyabr oraligʻida boʻlib oʻtadigan “Soyam bilan tanishuv” nomli onlayn kursimda qatnashishni va muammolaringizni yangi rakursdan oʻrganishni taklif qilaman.

Bu kursda:
Oʻzingiz bilan, odamlar bilan, olam bilan munosabatlaringiz tushunarli, aniq va yetuk boʻlishida Soya haqida bilimning ahamiyati
Nega siz yomon koʻrgan, istamagan, qoʻrqqan voqealar hayotingizda takrorlanishi
Ichki ziddiyatlaringizni qanday hal qilish va oʻzingizga gʻamxoʻr boʻlish
singari masalalar bilan tanishasiz.

Psixologiya borasidagi bilimlaringiz qay darajada boʻlishidan qat’iy nazar, kursda bemalol qatnashishingiz mumkin. Psixolog boʻlsangiz, Soya haqidagi bilimlar ishingizda albatta asqotadi.

Kurs mavzulari, oʻtkazilish tartibi, narxlar haqida @soyam_bilan_tanishuv kanalida bilib olishingiz mumkin. Ochish/sharhlash

2022-08-12 13:03:16 Bugun 18.00 da "Soyam bilan tanishuv" kursining 2-potogiga qabul boshlanadi.

Barcha tafsilotlarni shu vaqtda e'lon qilaman. Ochish/sharhlash

2022-08-11 12:21:13 Qo'rquv tomonidan boshqarilayotgan, o'zining ojizligiga imkon berishga qodir bo'lmagan (nimaga qo'l uzatmasin, uni ushlashi kerak), birodarlari bilan qo'rquvlarini bo'lisholmaydigan (ular tomonidan uyaltirilmaslik uchun) erkak kompensatsiyaga murojaat qiladi. Qimmat mashinasi, ulkan uyi, yuqori martabasi yoki mansabi bilan maqtanish orqali past ahamiyatini u yoki bu darajada kompensatsiya qiladi. Oliy darajali biznes nonushtalar va boshqalar ustidan hokimiyat ushbu kompleksning tashqi ko'rinishi bo'lishi mumkin, biroq ular haqiqiy kuchning patetik namoyishkorona o'rin bosuvchisidir. Bu mavzuda buyuk amerikalik faylasuf Pirl Beyli yaxshi fikr bildirgan edi: "Ularning o'zi haqidagi tasavvurlari reallikda mavjud emas". Namoyishkorona hokimiyat ortida kompleks yashirinadi, kompleks ortida — qo'rquv. Inson uchun qo'rquvdagi hayvondan ko'ra ko'proq xavf soladigan narsa yo'q.

Jeyms Xollis

@Freyd_bilan_gurunglar Ochish/sharhlash

2022-08-08 11:30:12 Buyuk tabib arxetipi donishmandlik, yaxshilik, g'amxo'rlik va tabiblarga xos boshqa barcha xususiyatlarni o'zida tashiydi. Shuning uchun buyuk tabib arxetipi singari sahovatli, muloyim va yordamsevar bo'lish yaxshi. Ammo ma'lum bir nuqtaga qadar... Undan oshib ketsa, hayotimizga to'siq bo'luvchi ta'sirini ko'ramiz. Ayollarga "hamma narsani yaxshila, hamma narsani tuzat" bosimi — madaniyatlarimizning yuklagan "zarurat"laridan iborat ulkan tuzoqdir.
...

Ayol uzoqlarga ketib, o'zi bilan yolg'iz qolishi va qanday qilib bir arxetipning tuzog'iga tushganini anglashi lozim.

Klarissa P.Estes

@Freyd_bilan_gurunglar Ochish/sharhlash

2022-07-11 13:28:09 Bu yerda muallif fikriga shaxsiy izohimni berib o'tmoqchiman. Proyeksiya — bizga xos bo'lgan, lekin o'zimiz bilmagan xususiyatlarni boshqalarda ko'rishimizdir. Erkaklar boshqalar oldida o'zidagi hokimiyatga intilish istagini anglamasligi mumkin. Psixika buni proyeksiyalaydi — erkaklar bir-birida hokimiyatga intiluvchi, kamsitish istagidagi raqobatchilarni ko'radi. Bu esa ular orasida doimiy zo'riqishli, yuzaki munosabatlarga sabab bo'ladi. Ochish/sharhlash

2022-07-11 13:22:19 Kollektiv psixika darajasida erkaklar har kuni o'zining raqobatga intilishini va raqobatchisida uyat hissini chaqirishni namoyon qiladi; bunday yashirin kurash ilmiy konferensiyalar yoki korporativ majlislar vaqtida, yerda yoki havoda yuz berishi mumkin.

Erkaklar uchrashganida bir-biriga baho beradi, bu paytda hokimiyatga intilishning soyaviy kompleksi yuzaga chiqadi. Soya bizda diskomfort uyg'otadigan yoki o'zimizga kamsituvchi nigoh uyg'otadigan psixikamizning bir qismi bo'lib, u Ego intilishlariga xavf soladi, ammo shu bilan birga qalbimizning izolyatsiyalangan qismi bo'lib qolaveradi. Soyani integratsiya qilishning yagona yo'li — u bilan ishlashdir, yo'qsa psixikaning integratsiyalanmagan qismi boshqa odamlarga proyeksiyalanadi yoki atrofdagilarga xavfli xulq-atvorda shakl ko'rsatadi.

Jeyms Xollis

@Freyd_bilan_gurunglar Ochish/sharhlash

2022-06-28 16:34:17 Erkaklar nafaqat xavfli, kir va qiyin ishlarni qiladi, balki ogʻriqlaridan sukunat va yolgʻizlikda qiynaladi. Soʻrovnomalar natijalariga koʻra, ularning koʻpchiligi aksar ayollar singari, qandaydir iqtisodiy, siyosiy va madaniy normalar uchun qalbini qurbonlikka keltiradi.

Erkaklar endi gʻazabga aylanib qolgan jahlini tan olishi zarur. Bu gʻazab qayerga yoʻnalyapti? Ba’zilarda dipressiya koʻrinishida namoyon boʻladi va butun umr qandaydir ogʻir hisdan qiynalishadi. Boshqalarda — tanasining turli qismlari va organlaridagi somatik kasalliklarda namoyon boʻladi, yoki “oʻziniki va boshqalar”, “gʻoliblar va magʻlublar”ga ajratishdan iborat paranoyyal oʻyinlarga proyeksiyalanadi. Koʻpchilik erkaklar oʻz gʻazabini xotiniga, bolalariga yoki boshqa erkaklarga yoʻnaltiradi.

Jeyms Xollis

@Freyd_bilan_gurunglar Ochish/sharhlash

2022-06-26 11:28:29 Qanday sabab tufayli bólishidan qat'iy nazar, madaniyat ayollarga butun va sog'lom hayotni taqiqlasa, ayollar tushlarida yaralangan hayvonlarni ko'radi.

Klarissa P. Estes

@Freyd_bilan_gurunglar Ochish/sharhlash

2022-06-22 15:09:55 Nartsisstik patsient bilan ishlayotganda terapevt "bilish" majburiyatini his qilishi, haqiqatdan ham unga maqul javoblar topishi mumkin.

Natan Shvarts-Salant

@Freyd_bilan_gurunglar Ochish/sharhlash

2022-06-22 15:04:11 Nevrotik shaxs — zamonasining asosiy muammosidan aziyat chekadi.

Karl Yung

@Freyd_bilan_gurunglar Ochish/sharhlash