'Иван Иванович! Мен сенга юз ўттиз йил юртим тўрини бердим, юз | Fozilkhon [ Blog ]

"Иван Иванович! Мен сенга юз ўттиз йил юртим тўрини бердим, юз ўттиз йил уйим тўрини бердим — аммо сен билан эл бўлмадим!"

"Назаримда, бу мамлакатнинг қачонлардир бирга бўлган ғоявий ва синфий иттифоқдошларини бирлаштирадиган катта иқтисодий лойиҳаларнинг ҳам бошланишдир" демоқда Кремль олигархиясининг Ўзбекистондаги вакилларидан бири, ўтган 2020 йилда ўзбекистонликлар оммавий қашшоқлашган бир йилда бойликларини 5 млрд.долларга кўпайтирган Алишер Усмонов рус пропагандаси хизматкорларига берган интервьюсида.

Алишер Бурханович учун аниқлик киритиб ўтиш жоиз: Менинг мамлакатим ҳеч қачон ва ҳеч қачон Россия билан на ғоявий ва на синфий иттифоқдош бўлган. Мамлакатни Россия империясига, кейин большевикларга сотган бир гуруҳ ватанфурушлар иттифоқдош бўлган бўлиши мумкин, лекин уларнинг на миллатга ва на мамлакатга алоқаси йўқ.

Тоғай Муроднинг Деҳқонқули таъбири билан айтганда:
Иван Иванович! Мен сенга юз ўттиз йил юртим тўрини бердим, юз ўттиз йил уйим тўрини бердим — аммо сен билан эл бўлмадим!
Иван Иванович! Мен сен билан юз ўттиз йил елкама-елка кун кечирдим, юз ўттиз йил чизган чизиғингдан чиқмадим — аммо сен билан эл бўлмадим!