Кечки овқат. Бир пардали, мусиқали комедия. Иштирок этади: | Foydasi tegib qolar

Кечки овқат.
Бир пардали, мусиқали комедия.
Иштирок этади: Ота-она, Абдураҳмон 9 ёш, Абдулбосит 4 ёш, Муҳаммад 1.5 ёш.
Оила кечки овқат устида жам.

-Бисмиллаҳир Роҳманир Роҳим.
-Ман бунақа овқат ичмайман.
-Қанақа овқат ичасан? Муҳаммад туш пешхонни устидан. Абдураҳмон уканга қара.
-Ман тез овқат ичиб вазифа қилишим керак.
-Қанақа овқат ичасан? Муҳаммад па-па.
-Катишка овқат ейман.
-Аба Муҳаммад овқатни тўкворди.
-Абдулбосит мастава ичсанг кучинг кўпаяди. Майли тегма ўзим тозалаб қўяман.
-Дада сизам овқат есайиз кучиз кўпаядими? Тегмааааа мани совуқ чойимгааааа.
-Аба мангаям берсун, айтинг.
-Абдулбосит акангам озгина ичсин. Сани эсинг кўпку.
-Ооооозгина бераман, укамга бермайман.
-Муҳаммад мана ашша, самалўўўўўт, ҳаааам. Яна битта еволинг. Бақа ке дедим. Адбураҳмон ушлаб кел манга.
-Дада овқатиззи ичиб бўлдизми, кучиззи кўсатингчи. Манам катта бўсам аччиқ ейман.
-Аччиққа тегма ҳозир уканг талашади. Абдулбосит ҳозир ейсан мандан. Абдураҳмон овқатингни охиригача ичиб қўй.
Ана қатиқ тўкилди, сизга теппага опқўйинг дегандимку. Абдураҳмон укангни кийимидан опчиқ. Овқатим ҳам совуди.
-Аба сиз овқат емадиз энди кучиз оз бўлади. Дадам билан манда кўўўўп.
-Мана мани кучим.
-Санга кийим олиб чиқ дедим.
-Алҳамдулиллаҳ.

Шу ёқимли тўпалон ичида бир ўзим овқатимни охиригача ичиб бўлдим, кучим кўўўп. Онаси ҳали бир қошиқ ҳам ичгани йўқ, болалар билан овора. Кучи кам.
Эй Роббимиз, Ўзинг бизга жуфти ҳалолларимиздан ва зурриётларимиздан кўзимиз қувонадиган нарса ҳадя эт ҳамда бизларни тақводорларга йўлбошчи эт.
Фурқон 74.

@menimcha_sunday