Foydali Facts

2022-09-01 12:32:14 ҚУРТ тушган ОЛМА ҳикмати.

Луқмони Ҳакимнинг фарзанди ўзига номақбул дўстларни улфат билибди. Улар билан борди келдини кўпайтириб бориши хар қандай ота сингари Луқмони Ҳакимнинг ҳам ғашини келтирибди. Бир куни у ўғлини чақиртириб:
- Болам, дўстни бўлгани яхши, аммо дўст танлашда адашиб қолма. Ҳозирги дўстларингни ҳулқи яхши эмас. Сенга ёмон таъсир кўрсатишлари мумкин - деб насиҳат қилибди.
Ўғли эса ўзига ишонч билан:
- Отажон, сиз менга кучли тарбия бергансиз, панд-насиҳатларингиз хар доим қулоғим остида туради, дўстларимнинг ёмон ҳулқлари менга асло таъсир кўрсатмайди, ҳавотир олманг - деб чиқиб кетибди.
Шу аснода Луқмони Ҳаким боғдорчилик ишлари билан ўғлини ёрдамга чақирибди. Қараса ўғли бутун олмаларни алоҳида, кам сонли бўлсада қурт тушган олмаларни эса алоҳида саватга жойлаябди экан. Ҳаким ўғлига барча олмаларни бир савтга жойлайберишини тайинлаб ўз ишида давом этибди.
Вақт ўтибди, зарур бўлганда олмалар қўйилган жойга бориб қарашса барча олмаларга қурт тушиб бутуни кам қолган экан.
Луқмони Ҳакимнинг ўғли отасга эътироз билдириб:
- Отажон, олмаларни қўшиб теришимни буюриб эдингиз, қурт тушган бир икки олмани деб бутун олмаларнинг ҳаммасини қуртга ем қилибмизку - дебди.
Ота эса бир жилмайиб қўйиб:
- Кўрдингми болам, гарчи соғ-бутун олмалар қуртлаганларидан кўра кўпроқни ташкил қилган бўлсада қолганларини ҳам бузибди, уларга ҳам қурт тушурибди. Сен қандай қилиб қалбига қурт тушган улфатларинг билан бир жойда кўп вақтга қоласану улар орасидан соғлом қалб билан қайта оласан - деб айтган экан...!

Ибрат Бекати - шифо излаган қалблар учун маҳсус канал Ochish/sharhlash

2022-08-30 08:26:25 Ҳаёт нима?
- Улкан бир бозор...
Унда жамдир дилкаш, дилозор...

Одамларчи?
- Зўр савдогарлар...
Меҳр сотар, ёки ситамлар...

Умр нима?
- Йил фасллари...
Баҳорда очилиб...., Куз-хазонлари....

Унда вақтчи?
- Шамолдай учқур...
Дами ўткир ҳанжар миллари...

Сабр нима?
- Баланд бир қоя....
Чўққисин забт этмоқ, мушкул бир ғоя...

Тоқатнингчи? - Борми баҳоси?
Унга тенгдир Жаннат сабоси....

Ота-она қандай мўъжиза?
Сув ва ҳаво, улар мўъжиза..!

Дўсту-ёрга берасизми таъриф?
- Қалб ҳақида мумкинми тавсиф?!

Во ажабким, саволлар бисёр...
Шархламоқчи?
Сенда иҳтиёр...

Ибрат Бекати - шифо излаган қалблар учун маҳсус канал Ochish/sharhlash

2022-08-26 05:19:43 Ассалому алайкум ва роҳматуллоҳи ва барокатуҳ!

Азизлар, барчангизга Саййид-ул айём (кунлар саййиди), ҳажжул Масокин (мискинлар ҳажи) бўлмиш Жума айёми муборак бўлсин!
Аллоҳим умрингизга мазмун, ризқингизга барака, танингизга соғлик, руҳингизга осойишталик, қалбингизга хотиржамлик, оилангизга файзу баракот, барчамизга соғ-омонлик ато қилсин.
Аллоҳим оқибатимизни меҳрли, охиратимизни хайрли, икки дунёмизни саодатли қилсин.
Умрингизнинг ҳар куни
АЛЛОҲ МУҲАББАТИ ила ўтсин.

ЖУМА АЙЁМИНГИЗ
МУБОРАК БЎЛСИН, АЗИЗЛАР!

Ибрат Бекати - шифо излаган қалблар учун маҳсус канал Ochish/sharhlash

2022-08-24 08:56:35 ​Камбағал эканлиги кўринишидан тайин бўлган киши кўрпа — тўшак сотиладиган дўконга келди. Сотувчидан оиласи учун зарур бўлган энг арзон кўрпаларни сўради. У 6 та кўрпа олиши, ёнида 100 риёли бор эди. Дўкондор:

— Менда, Чинда ишлаб чиқарилганлари бор. Яхши иситади. Унинг донаси 20 риёлдан. Агар 5 та олсангиз 6 чисини текинга бераман, — деди.

Фақир киши 6 чисини ҳадиядек олаётганига жуда хурсанд бўлди. Кўрпаларни олиб кетаркан, Аллоҳ ўнглагани учун кўзларидан қувонч ёшлари тўкиларди. У узоқлашиб бўлгандан кейин, воқеа гувоҳи бўлган дўкондорнинг дўсти сўради:

— Бу ўша сиз энг яхши, энг қиммат, деб ўтган ҳафта 350 риёлдан менга сотган кўрпалардан эмасми? деди.

— Аллоҳга қасам, азиз дўстим, худди ўшандан. Мен сизга унинг устига қўймасдан ўз нархига сотгандим, — деди, савдогар.

— Унда нимага бу кишига бу нархда сотдингиз? — деб сўради.

— Мен Роббим билан савдолашдим, дўстим. Унинг ризосини истаб, мискин киши ва оиласи, қаттиқ совуқ келиши кутилаётган қишда шунга муҳтож бўлишини билганим учун шундай қилдим. Шояд шу билан Роббим мени жаҳаннам иссиғидан асраса. Агар у кишининг иззат нафсига тегмаса, бекорга бериб юборардим, -деди. 

Умму Абдуллоҳ таржимаси

Ибрат Бекати - шифо излаган қалблар учун маҳсус канал Ochish/sharhlash

2022-08-23 16:54:57 КЕРАКСИЗ ҒУРУР

Ҳеч қачон мағрур бўлманг, аксинча камтар бўлинг... Ҳақ бўлсангиз ҳам, ғазаблансангиз ҳам, кўп изтироб чеккан бўлсангиз ҳам баъзан ўрни-ўрни билан бир қадам ташланг... Чунки баъзида ташлаган ўша камтарона бир қадамингиз ҳаётингизда кўпгина нарсаларни изга тушириш аҳамиятига эга бўлиши мумкин... Чунки баъзан ғурурни бир четга суриб отган бир қадамингиз сизни истаган йўлингизга олиб чиқиши мумкин... Унутманг..! Баъзан ғурур ёнғин ичига ўтин билан киришга ўхшайди... Меъёрдан зиёд, ўринсиз ва кераксиз ғурурдан сақланинг... Чунки бундайин ғурур ҳаётни маҳв этади..!

Эрдўған Йилдирим

Ибрат Бекати - шифо излаган қалблар учун маҳсус канал Ochish/sharhlash

2022-08-23 05:40:38 Ассалому алайкум ва роҳматуллоҳи ва барокатуҳ

Сешанба Тонги муборак булсин, Азизлар!

Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин! Ўзи қўллаб, ишларимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшиликлар ва яхшилар дойим ҳамроҳингиз бўлсин!


Ибрат Бекати - шифо излаган қалблар учун маҳсус канал Ochish/sharhlash

2022-08-21 10:26:46 ТИЛАНЧИ ВА ТЎН

Пайғамбаримиз соллаллоҳу алайҳи васалламга бир тўн ҳадя қилинганди, уни Оиша онамиз олиб қўйгандилар. Бир куни бир тиланчи У зотни эшикларини тақиллатиб бирор нима садақа қилишлигини сўради. У зоти бобарокот:
— Эй Оиша! Ўша тўнимни унга берайлик! — дедилар ва у тиланчига бердилар.

Тиланчи у тўнни бозорга олиб бориб баралла:
— Эй одамлар! Расулуллоҳнинг тўнини ким олади? — дея бақира бошлади.
Шу вақт бир кўзи ожиз киши буни эшитиб, ўзини бир қулига:
— Сен бориб, Расулуллоҳнинг муборак тўнларини қанча қиммат бўлса ҳам сотиб ол! — деди.
— Агар улгуриб сотиб олиб келсанг, Аллоҳнинг важҳи учун озодсан!
Ўша қул биринчи бўлиб тўни муборакни сотиб олиб, кўр мавлосига олиб келиб озод бўлди.

Кўр тўни муборакни қўлларига олиб:
— Эй Роббим... Расулуллоҳнинг ҳурмати билан ва яна қўллларимдаги у зотнинг тўни муборакларини ҳурмати ила мени кўзимни қайтар, бу қоронғулик дунёдан озод қил! — дея дуо қилганди Аллоҳнинг изни ила кўзи кўра бошлади.

Хурсанд бўлган ҳолда тўни муборакни Расулуллоҳ соллаллоҳу алайҳи васалламга кўтариб олиб бориб:
— Эй Аллоҳнинг Расули, бу мендан сизга ҳадя, буни қабул қилинг, — деб, бўлиб ўтган воқеъаларни айтиб берди.
У Зоти бобарокот кулдилар, ҳатто, муборак тишлари ҳам кўриниб кетди.
— Эй, Ойша! Бу тўнни кўринг, бир камбағални бой қилиб, бир қулни озод қилиб, бир кўрни бўлса кўзини қайтариб яна ўзимизга қайтиб келди! - деган эканлар...

P.S.: Бир тўнларида шунча хайр-барокат бўлган зоти шарифнинг ўзларини тасаввур қилаверинг!

Ибрат Бекати - шифо излаган қалблар учун маҳсус канал Ochish/sharhlash

2022-08-19 15:19:54 Асалга келган пашшалар…

Аёлларнинг авратларини беркитиб юришга даъват қилаётган шайхга бир аёл эътироз билдирди:
— Шунинг ўрнига эркаклар кўзларини тийиб олсалар бўлмайдими?!
— Ўйлаб кўринг, бир бети очиқ идишда тўла асалингиз бор, унга келаётган пашшаларни кетказиш учун нима қилган бўлар эдингиз? Хамма пашшаларни кузини ёпармидингиз?
— Идишнинг бетини ёпиб қўярдим.
— Ҳудди шундай, тушунганингизга ташаккур!

Ибрат Бекати - шифо излаган қалблар учун маҳсус канал Ochish/sharhlash

2022-08-16 08:54:42 Бир кун уйда хотин бўлмаса!

Учоқ қалаб тутунга ботманг,
Ёқадиган ўтин бўлмаса,
Ёлғизликда, совуқда қотманг,
Уйда бир кун хотин бўлмаса!

Файз ҳам қочар кошонангиздан,
Ризқ кўринмас остонангиздан,
Ким силайди пешонангиздан,
Уйда бир кун хотин бўлмаса!

Қорнингизни тўқлай олмайсиз,
Кўнглингизни йўқлай олмайсиз,
Мазза қилиб ухлай олмайсиз,
Уйда бир кун хотин бўлмаса!

Баҳорингиз қишдек сезилар,
Еган луқма тошдек сезилар,
Ўнгингиз ҳам тушдек сезилар,
Уйда бир кун хотин бўлмаса!

Қорлар ёғар қовоғингиздан,
Тош чиққайдир товоғингиздан,
Овқат ўтмас томоғингиздан,
Уйда бир кун хотин бўлмаса!

Ўйлаб - ўйлаб ғамга чўкасиз,
Дардингизни кимга тўкасиз?
Кимни жеркиб, кимни сўкасиз?
Уйда бир кун хотин бўлмаса!

Ичолмайсиз чойингизни ҳам,
Сололмайсиз жойингизни ҳам,
Тингламас оҳ-войингизни ҳам,
Уйда бир кун хотин бўлмаса!

Ҳамдам Аллаёр.

Ибрат Бекати - шифо излаган қалблар учун маҳсус канал Ochish/sharhlash

2022-08-14 09:42:54 Бир куни Абу Ҳурайра розияллоҳу анҳуни онаси: «Эй АбуҲурайра!» деб чақириб қолди. Абу Ҳурайра розияллоҳу анҳу: “Лаббай!” деди-ю, “Лаббай!” деган пайтида овози онасининг овозидан бироз баланд бўлиб кетганини сезиб, истиғфор айтишга ўтирди. Кейин бозорга бориб, иккита мамлук қул сотиб олиб, мазкур гуноҳига тавба сифатида уларни Аллоҳнинг йўлида озод қилди.

Бизларнинг ҳолимиз қанчалар аянчлик-а?

Ибрат Бекати - шифо излаган қалблар учун маҳсус канал Ochish/sharhlash