Hikoyalar

2021-12-16 20:52:22 ​​ ҚИЗ ҚАДРИ
(жуда ибратли ва таъсирли)

Мактабларнинг бирида жуда гўзал муаллима бор эди. Жуда латофатли бўлса-да, ҳануз турмушга чиқмаган, балки умуман оила қуриш нияти ҳам йўқдек эди. Ҳамкасблари ундан: “Нима учун турмушга чиқмагансиз? Ахир жуда гўзал қизсиз?” – деб сўрашди.
У эса шундай деди: “Бир аёлнинг бешта қизи бўлиб, олтиничисига ҳомиладор эди. Эри унга: “Агар бу сафар ҳам қиз бўлса, уни ўз қўлларим билан уйдан чиқариб ташлайман”, – деб таҳдид қиларди. Бахтга қарши аёл олтинчи қизини дунёга келтирди. Эри ҳам сўзининг устидан чиқиб, олтинчи қизни қўлига олиб, Хуфтон намозидан кейин масжид остонасида қолдирди. Бомдод намозидан аввал келиб қараса, чақалоқ қўйиб кетган жойида турибди, уни ҳеч ким олиб кетмабди. Ноилож ота қизни уйига қайтариб келди ва кечгача онаси олдида қолдирди. Хуфтон намозидан кейин чақалоқни яна масжид эшиги олдида қолдириб кетди. Бомдод вақтида яна қизини қайтариб олиб келди. Бу ҳол етти кун давом этди. Онаизор эса етти кун тинимсиз қизи учун Қуръон ўқиб, дуо қилиб ўтирарди. Ота ўз ишидан ўзи зерикиб қизни уйда қолдиришга қарор қилди. Бундан она жуда хурсанд бўлди. Озгина муддат ўтиб она яна ҳомиладор бўлди. Бу сафар ўғил! Лекин катта қиз фарзанд тўсатдан вафот этди. Она иккинчи ўғилни дунёга келтирди. Аммо иккинчи қиз вафот этди. Шу зайл ҳар сафар ўғил туғилса, битта қиз дунёдан кўз юмар эди. Она беш ўғилни дунёга келтирди. Лекин бешта қизини қабрга қўйди. Фақат отаси қутилишни истаган кенжа олтинчи қизгина тирик қолди. Кейин эса онанинг ўзи бу фоний дунёни тарк этди. Ҳозир ўша қиз ҳам, укалари ҳам улғайишган. Ўша отаси халос бўлишни истаган олтинчи қиз ким эканини биласизларми? Ўша қиз менман. Отам қариб қолган. Унга қарайдиган ҳеч ким йўқ. Мен барча хизматларини қиламан, таом ҳозирлайман, хуллас нима парвариш бўлса ўзим қиламан. Турмушга чиқмаслигимнинг асосий сабаби ҳам мана шу. Бешта укам эса отамни зиёратига келиб турадилар. Қайси биридир, бир ойда бир, яна қайсиси икки ойда бир “қораси”ни кўрсатиб кетади. Отам эса менга нисбатан гўдаклигимда қилган ишларидан пушаймон бўлиб ҳар куни йиғлайдилар... Ochish/sharhlash

2021-12-16 20:52:21 Сут сотувчи Имом

Усмонлилар давлати қулагандан сўнг Туркия жанубидаги Қаҳрамонмараш шаҳрига франция босқинчилари бостириб киради. У пайтда туркиялик аёллар ёпинчиқ ўраб, ҳижобда юрардилар. Ёпинчиқда, ҳижобда юрган аёлларни кўрган француз генерали аёлларга қарата «Халифалик давлатингиз кетди. Бугун сизлар франция ҳукуматининг қўл остидасизлар, ҳижобни ечинглар» дейди. Муслималар ҳижобни ечишдан бош тортадилар.

Малъун генерал бир аёлнинг ҳижобини ечиш учун қўлини чўзганда, ўша ерда турган сут сотувчи мусулмон эркакнинг ҳамияти қўзиб, муслима синглисини ҳимоя қилиш учун тўппончани шартта олади-да, малъун генерални отиб ташлайди.

Ушбу воқеадан сўнг инқилоб юз беради ва натижада босқинчи французлар юртдан қувиб чиқарилиб, Қаҳрамонмараш вилояти озод этилади.

Кейинчалик сут сотувчига «Сутчи Имом Қаҳрамонмараш вилоятини озод қилган инсон» номли ёдгорлик ҳайкали ўрнатилади. Ҳайкалда ҳижобли аёл, унинг ҳижобига қўл чўзаётган генерал ва уни тўппончада отиб ўлдираётган сут сотувчи тасвирланган.

Сутчи Имом номида университет, вақф ва хайрия жамиятлари ташкил этилган.

Имом ўша инсоннинг исми, сутчи лақабидир.

Бугун сутчи Имомнинг қиссаси мактабларда ўқувчиларга айтиб бериладиган ҳикоялардан саналади.

Нозимжон Ҳошимжон тайёрлади Ochish/sharhlash

2021-12-16 20:52:21 — Сизнинг айбингиз жуда катта, дадажон! Ўша пайтлар мен ақлсиз, ёш бир қиз эдим. Машҳурлик менинг бошимни айлантирди, кўзимни кўр қилди. “Оммавий ахборот воситаларида фақат мана шу мавзулар ҳақида бонг ураётган эди. “Ўша донорликдан ҳомила бўлишим менга бир шуҳрат беради ва карьерамнинг ўсишига олиб келади”, — деб ўйладим. Устига устак ёш эдим. Нима қилаётганимнинг фарқига бормасдим. Ўша пайтда кейинчалик юз берадиган мана шу азобларнинг ҳеч бири — на Жоннинг аҳволи, на ўзимнинг аҳволим — хаёлимга ҳам келмас эди. Сиз эса кейинчалик шунақа бўлиши мумкинлигини менга тушунтира олар эдингиз. Менга шу ишларни қилишда тўсқинлик қилишингиз мумкин эди. Жазманларим билан кайф-у сафо қилиб юрар эканман, сиз донорлик масаласида: “Эркинлик бор, ҳар бир одам эркиндир”, — дедингиз. Онам эса қимор ўйинларидан бош кўтариб, бир марта бўлса ҳам, нима қилаётганимга қизиқмади ҳам. Сиз ҳам шундай қилган эдингиз. Энди эса Жон фақат мени айблаяпти!

*Турк ёзувчиси Омина Шенликўғлининг ўзбек тилига таржима қилиниб нашрга тайёрланаётган «Сўрама: жавоби йўқ» китобидан парча* Ochish/sharhlash

2021-12-16 20:52:20 Oliy o'quv yurtiga kirish uchun imtixon topshirayotgandik. O'qituvchi erkin mavzuda insho yozimishni aytdi. Negadir hayolimga hech narsa kelmasdi. Atrofdagilarni kuzatdim. Biri yurtimizda bo'layotgan bunyodkorliklarni yozar, biri sport olamidagi yutuqlarni maqtasa, yana boshqasi kelajakdagi orzulari haqida to'lqinlanib yozardi. Shunda beixtiyor yonimdagi dugonamning inshosiga ko'zim tushdi. Nimalarni yozyabsan dedim unga. Dugonam chumoli haqida yozyabman dedi. Hayron bo'lib yana so'radim. Nega endi chumoli?! Ahir bunyodkorligu yutuqlarni aytmasang ham hamma ko'radi, biladi. Chumolining mehnati va zaxmati esa ko'zdan panada qolib ketadi. Hayotda ham shunday vaziyatlar ko'p bilsang dedida yozishda davom etdi. Men hamon o'ylanardim. Dugonamning gaplari ta'sirlantirdi meni. O'sha kuni bir amallab inshoni yozib, uyga qaytdik. Kechasi uyqim qochib yana dugonamning gaplari haqida hayol surdim. U paytlari hali go'l ekanman, o'ylaganlarimning mohiyatini endi tushunyabman aslida.
Dugonam aytgandek hayotda ham bunday vaziyatlar ko'plab uchraydi. Mashaqqatli mehnat samarasini ko'ramizu, uning zamirida qancha qiyinchilik yotganini bilmaymiz. Bozor to'la mevayu ekinlarni xarid qilib, rohatlanib yeb olamizda yetishtirgan dexqonni bir bora ham eslab o'tmaymiz. Chiroyli, xashamdor, to'rt devori but uylarda savlat to'kib o'tiramizu, shu uyni qurgan yoinki ta'mirlagan zaxmatkashlarni haqqiga duo ham qilmaymiz. Ming afsuski oramizda shu kabi mehnatdan qo'llari qadoq bo'lgan insonlarni tutgan piyolasini ming yuvib keyin ushlaydigan, chang tortgan ust boshi bilan toza ko'rpachalariga o'tqazishdan or qiladigan, bularga bo'laveradi deb o'zi bugun tandirdan uzilgan nonni yeb, ularga ikki kunlik nonni ravo ko'radigan insonlar ham talaygina. Agar bilsangiz dinimiz bunday qadoq qo'l egalarini ulug'laydilar. Ularning maqomiga sazovor bo'lish har kimga ham emas aslida. Kunu tun qaro terga cho'kib, farzandlar rizqini ostona sanab teradilar. O'zlari yirtiq yamoq kiyimda yursalarda farzandlariga sarasini ilinadilar. Halol mehnat bilan tanalariga diyonatni singdiradilar. Shunchaki ular og'zigayu o'ziga kuchi yetmaydigan insonlarning to'zg'itgan changida qolib ketadilar...
Hayot katta murabbiy ekan. Shunaqangi darslar o'tarkanki, oqni qoradan ajratishga qiynalmay qolarkan kishi...

Munisa Muzaffarovna Ochish/sharhlash

2021-12-16 20:52:20 “Ал-Асқо мажидини қўриқлаётган сўнгги Усмонли аскари бугун вафот этди” – Капрал Хассан хақида хикоя.

1972-йилда Қуддус атрофига саёҳат қилган турк журналисти муқаддас Ал-Ақсо масжидининг кираверишида форма кийган бир чолни учратди. Маълум бўлишича, у харбий хизмати аллақачон тугагани ва хатто, қўмондони вафот этиб кетганига қарамай ўз вазифасида содиқ қолган харбий эди.

1972-йилда турк журналисти Илхан Бардакчи ва унинг дўсти Саид Терзиўғли Қуддусга ташриф буюришди. Сайёҳлар бошқа диққатга сазовор жойлар қаторида таниқли Ал-Ақсо масжидини хам зиёрат қилиш учун бордилар. Улар зинапояда кенг оқ соқолли, узун бўйли чолга дуч келишди. Сайёҳлар ўзлари билан юрган йўлбошчидан унинг кимлигини сўрашганида, у тайинли жавоб беролмади. Аммо унинг айтишича, эсини таниганидан бери хар доим бу чолни Ал-Ақсода ва айнан шу ерда кўрган.

Шунда Бардакчи қария билан саломлашишга қарор қилди ва унинг кимлигини сўради. Қария унинг саломига жавобан шундай деди: "Мен капрал Хассанман, Усмонли қўшини 20-корпус 36-баталони 8-гурух 20-пулемёт взводининг ўнбошчисиман".

Маълум бўлишича, унинг бўлинмаси жангларнинг бирида мағлубиятга учраганидан сўнг ортга чекинади ва инглизлар Қуддусни эгаллаб олишади. Шунда у ва бошқа бир қанча аскарлар қўшин ортини ҳимоя қилиш учун шахарда қолдирилади. Босқинчилар аҳолининг ғазабини қўзғатмаслик учун кичик гурухдан иборат аскарларга тегмасликка қарор қилишади. Усмонли қўшинининг хар жабхада орқага чекиниши хақида хабар келганида 20-пулемёт взводи хам Истанбулга чекиниши керак эди. Аммо капрал Хассан қўл остидагиларга зиёратгохни химоя қилишни давом эттиришни буюрди: "Агар Усмонийлар биринчи қибладан воз кечса, бу рақиб томон учун байрам бўлади!”

Йиллар ўтиб Хассаннинг барча қуролдош дўстлари вафот этдилар. У умрининг охиригача масжидни қўриқлаган ва 93 ёшида омонатини топширган Усмонли офицер бўлиб қолди.

Нихоят қария тилга кириб, журналистдан ушбу хизмат хақида ўз бошлиғига етказиб қўйишини сўради: "Агар сиз Онадўлига етиб борсангиз ва йўлингиз Токат томонга тушса, у холда мени Ал-Ақсода қолдирган лейтенант Мустафонинг олдига боринг ва унга айтингки, "Қуддусни қўриқлаётган 20-пулемёт взводининг ўнбошчиси Игдирлик Хассан хамон ўз хизмат жойида. У ўз постини тарк этмади, ўз хизматини мукаммал тартибда адо этяпти ва сизнинг дуоларингиздан умидвор”.

Саёҳатдан қайтган Бардакчи хақиқатдан хам Токатга борди, аммо лейтенант Мустафо узоқ йиллар олдин вафот этганди. Бу воқеадан 10 йил ўтгач, 1982-йилда унга Қуддусдан телеграмма келди: "Ал-Ақсо масжидини қўриқлаётган сўнгги Усмонли аскари бугун вафот этди".

Элбек Боймурадов тайёрлади.

Ватанга садоқат надир! Ватан ҳимояси, дийн ҳимояси надир!! Ваъдага, бурчга, қиблага садоқат надир!!! Ochish/sharhlash

2021-12-16 20:52:19 Уч масжид ҳақида

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Кўч боғлаб бориш фақат уч масжидгагина бўлади: Менинг ушбу масжидимга, Масжидул Ҳаромга ва Масжидул Ақсога», дедилар». Бешовлари ривоят қилган.

Шарҳ: «Кўч боғлаб бориш» дегани Аллоҳга қурбат ҳосил қилиш учун тайёргарлик кўриб, кўч кўронини олиб сафар қилиш, дегани.

Демак, зиёратидан савоб умид қилиб, алоҳида ният қилиб сафар қилиши мумкин бўлган масжид учта экан.

Мадинаи Мунавварадаги Пайғамбаримиз Муҳаммад Мустафо соллаллоҳу алайҳи васалламнинг масжидлари.

Маккаи Мукаррамадаги Масжидул Ҳаром.

Қуддус шарифдаги Масжидул Ақсо.

Бу мазкур уч масжиднинг фазли нақадар юксак эканини кўрсатади.
Шу билан бирга бошқа жойларда, масжидларга кўч боғлаб бориш йўқлигини билдиради.

Аллоҳга шукрлар бўлсинким, ҳозирги кунимизда ўн бешинчи ҳижрий асрнинг бошида «Масжидул Ҳаром» ва «Масжидул Набавий»га мусулмонларнинг кўч боғлаб боришлари, улардаги файзу баракотлардан баҳраманд бўлишлари яхши даражада йўлга қўйилган.

Аммо афсуслар бўлсинким, «Масжидул Ақсо» ҳақида бундоқ дея олмаймиз.

Расмда Масжидул Ақсони кўриб турибмиз.

Аллоҳ таоло ушбу масжидга ҳам бориб, ибодат қилишимизни насиб этсин!

Роббимизнинг Ўзи Қуддусни эгаллаб олиб, Масжидул Ақсога кирувчи диндошларимиз йўлига ғов бўлаётган золим яҳудларга кифоя қилсин, Қуддусни ҳам, Ақсо масжидини ҳам тўлалигича яҳудлардан олиб, биз мусулмонларга ато этсин!

Islom.uz маълумотлари асосида Ochish/sharhlash

2021-12-16 20:51:44 Sizningchachi? Ochish/sharhlash

2021-12-16 20:51:44 ОПАЛАРНИ ЙЎҚЛАБ ТУРИНГ...

ЙИРТИҚ КОВУШ КИЙГАН ОПАМ

- Қишлоққа борсам опамнинг таний олмадим, бечора озиб - тўзиб бир сиқимгина бўлиб қолибди.Опам ўзида йўқ хурсанд, шаҳардан келган укасини ўтқазгани жой тополмай халак...Беихтиёр, фаслнинг сер ёмғир кунида чилп-чилп этиб одимлаётган йиртиқ ковушни оёғига илиб олган опажонимнинг оёқларига кўзим тушиб юрагим эзилиб кетди...
Муаллиф
Меҳрибоним онамдан сўнг,
Деган, мени: Жоним укам.
Қалби сўқир, мен кўзи кўр,
Йиртиқ ковуш кийган опам...

Аҳволинг бир сўрмабмана,
Аянч ҳолинг кўрмабмана,
Кечир, мени о, бечора,
Йиртиқ ковуш кийган опам...

Бунча иссиқ меҳри дилинг,
Изҳори сел - сақов тилинг,
Юзим силар қадоқ қўлинг,
Йиртиқ ковуш кийган опам...

Айланасан минг бошимдан,
Ўргуласан кўз қошимдан,
Ғарибгина қарашингдан...
Йиртиқ ковуш кийган опам.

Қорми сочинг ҳивичида,
Тўрт жияним ташвишида,
Жонин тутган ҳовучида,
Йиртиқ ковуш кийган опам.

Рўзғор дея, тўзиб кетган,
Қоқсуягим, озиб кетган,
Бор йўғини ол, деб, тўккан,
Йиртиқ ковуш кийган опам.

Чўкар, ушлаб биқинини,
Силқиб оғрир буйрагини,
Энди билдим, ман дардингни...
Йиртиқ ковуш кийган опам.

Сезмабманку, сир ютганинг,
Совуқдан дир - дир ўтганинг,
Тавонингдан сув ўтганин...
Йиртиқ ковуш кийган опам.

Уй солибман қатор - қатор,
Тагимда зўр уловим бор,
Унутилган дўст, ҳокисор...
Йиртиқ ковуш кийган опам.

Кел, давлатим ёқиб берай,
Дунёларим оқиб берай,
Тилла тишим қоқиб берай...
Йиртиқ ковуш кийган опам.

Тиними йўқ оворасан,
Қачон сиҳатгоҳ борасан?
Сен онамдан ёдгорасан...
Йиртиқ ковуш кийган опам.

Юр бозорга ипи майин,
Шахона либосга буркайин,
Дийдорлари ғаниматим,
Йиртиқ ковуш кийган опам...

Юрдим бахт деб, иш бўлсина,
Қувдим нақд деб, пул ўлсина...
Билсам, тожим мунисгина,
Йиртиқ ковуш кийган опам.

Дил гавҳарим, топган шоним,
Ожизам, бир тутам жоним,
Мурод суйиб, йиғлар юм - юм...
Йиртиқ ковуш кийган опам.
Қизилтоғ шоири
Муроджон Жўраев Ochish/sharhlash

2021-12-16 20:51:43 ​​ ҚИЗ ҚАДРИ
(жуда ибратли ва таъсирли)

Мактабларнинг бирида жуда гўзал муаллима бор эди. Жуда латофатли бўлса-да, ҳануз турмушга чиқмаган, балки умуман оила қуриш нияти ҳам йўқдек эди. Ҳамкасблари ундан: “Нима учун турмушга чиқмагансиз? Ахир жуда гўзал қизсиз?” – деб сўрашди.
У эса шундай деди: “Бир аёлнинг бешта қизи бўлиб, олтиничисига ҳомиладор эди. Эри унга: “Агар бу сафар ҳам қиз бўлса, уни ўз қўлларим билан уйдан чиқариб ташлайман”, – деб таҳдид қиларди. Бахтга қарши аёл олтинчи қизини дунёга келтирди. Эри ҳам сўзининг устидан чиқиб, олтинчи қизни қўлига олиб, Хуфтон намозидан кейин масжид остонасида қолдирди. Бомдод намозидан аввал келиб қараса, чақалоқ қўйиб кетган жойида турибди, уни ҳеч ким олиб кетмабди. Ноилож ота қизни уйига қайтариб келди ва кечгача онаси олдида қолдирди. Хуфтон намозидан кейин чақалоқни яна масжид эшиги олдида қолдириб кетди. Бомдод вақтида яна қизини қайтариб олиб келди. Бу ҳол етти кун давом этди. Онаизор эса етти кун тинимсиз қизи учун Қуръон ўқиб, дуо қилиб ўтирарди. Ота ўз ишидан ўзи зерикиб қизни уйда қолдиришга қарор қилди. Бундан она жуда хурсанд бўлди. Озгина муддат ўтиб она яна ҳомиладор бўлди. Бу сафар ўғил! Лекин катта қиз фарзанд тўсатдан вафот этди. Она иккинчи ўғилни дунёга келтирди. Аммо иккинчи қиз вафот этди. Шу зайл ҳар сафар ўғил туғилса, битта қиз дунёдан кўз юмар эди. Она беш ўғилни дунёга келтирди. Лекин бешта қизини қабрга қўйди. Фақат отаси қутилишни истаган кенжа олтинчи қизгина тирик қолди. Кейин эса онанинг ўзи бу фоний дунёни тарк этди. Ҳозир ўша қиз ҳам, укалари ҳам улғайишган. Ўша отаси халос бўлишни истаган олтинчи қиз ким эканини биласизларми? Ўша қиз менман. Отам қариб қолган. Унга қарайдиган ҳеч ким йўқ. Мен барча хизматларини қиламан, таом ҳозирлайман, хуллас нима парвариш бўлса ўзим қиламан. Турмушга чиқмаслигимнинг асосий сабаби ҳам мана шу. Бешта укам эса отамни зиёратига келиб турадилар. Қайси биридир, бир ойда бир, яна қайсиси икки ойда бир “қораси”ни кўрсатиб кетади. Отам эса менга нисбатан гўдаклигимда қилган ишларидан пушаймон бўлиб ҳар куни йиғлайдилар... Ochish/sharhlash

2021-12-16 20:51:43 Сут сотувчи Имом

Усмонлилар давлати қулагандан сўнг Туркия жанубидаги Қаҳрамонмараш шаҳрига франция босқинчилари бостириб киради. У пайтда туркиялик аёллар ёпинчиқ ўраб, ҳижобда юрардилар. Ёпинчиқда, ҳижобда юрган аёлларни кўрган француз генерали аёлларга қарата «Халифалик давлатингиз кетди. Бугун сизлар франция ҳукуматининг қўл остидасизлар, ҳижобни ечинглар» дейди. Муслималар ҳижобни ечишдан бош тортадилар.

Малъун генерал бир аёлнинг ҳижобини ечиш учун қўлини чўзганда, ўша ерда турган сут сотувчи мусулмон эркакнинг ҳамияти қўзиб, муслима синглисини ҳимоя қилиш учун тўппончани шартта олади-да, малъун генерални отиб ташлайди.

Ушбу воқеадан сўнг инқилоб юз беради ва натижада босқинчи французлар юртдан қувиб чиқарилиб, Қаҳрамонмараш вилояти озод этилади.

Кейинчалик сут сотувчига «Сутчи Имом Қаҳрамонмараш вилоятини озод қилган инсон» номли ёдгорлик ҳайкали ўрнатилади. Ҳайкалда ҳижобли аёл, унинг ҳижобига қўл чўзаётган генерал ва уни тўппончада отиб ўлдираётган сут сотувчи тасвирланган.

Сутчи Имом номида университет, вақф ва хайрия жамиятлари ташкил этилган.

Имом ўша инсоннинг исми, сутчи лақабидир.

Бугун сутчи Имомнинг қиссаси мактабларда ўқувчиларга айтиб бериладиган ҳикоялардан саналади.

Нозимжон Ҳошимжон тайёрлади Ochish/sharhlash