Fikrim! 📝

2022-07-07 19:48:42 Такбири ташриқ айтишни унутманг

Аллоҳу акбар! Аллоҳу акбар! Лаа илааҳа иллаллоҳу валлоҳу акбар! Аллоҳу акбар ва лиллааҳил ҳамд.

Аллоҳ буюкдир, Аллоҳ буюкдир. Аллоҳ таолодан ўзга илоҳ йўқдир. Аллоҳ буюкдир, Аллоҳ буюкдир ва ҳамд Аллоҳ таоло учундир.

Такбири ташриқ 8 июль бомдод намозидан бошлаб Ҳайитнинг тўртинчи куни, яъни 12 июль аср намозига қадар айтилади:
• 8 июль – 5 маҳал,
• 9 июль – 5 маҳал,
• 10 июль – 5 маҳал,
• 11 июль – 5 маҳал,
• 12 июль – 3 маҳал.

Жами 23 маҳал намозда такбири ташриқни бир маротаба айтиш вожиб амал саналади.

Ушбу такбир хоҳ жамоат билан, хоҳ ёлғиз ўқилган ҳар бир фарз намоздан кейин айтилади.

Аёллар такбири ташриқни махфий айтадилар.

Намозга кечикиб қўшилган киши ҳам намозини тўлиқ қилгандан кейин такбири ташриқни айтади.

Бизни ижтимоий тармоқларда кузатинг!
Telegram | Facebook | Instagram |Youtube | Tiktok Ochish/sharhlash

2022-07-07 17:24:05 Эртага арафа куни:
Рўза тутишни унутманг!
Эртага, 8-июль жума куни зулҳижжа ойининг 9-куни – арафа куни.

Абу Қатода розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Арафа кунининг рўзаси ўзидан аввалги бир йил ва ўзидан кейинги бир йилнинг гуноҳларига каффорат бўлишини Аллоҳдан умид қиламан”, дедилар.

Имом Муслим ривояти Ochish/sharhlash

2022-07-07 17:14:38 #Hadisi_Qudsiy 9

ҚАТТИҚ ҚАЛБГА НАСИҲАТ БЕКОР

«Эй Одам фарзанди! Махлуқларни лаънатламанг, лаънат ўзингизга қайтади. Эй Одам фарзанди! Осмон Исмларимдан бири сабабли ҳавода устунсиз тик турибди. Аммо қалбларингиз эса Китобимдаги мингта ваъз насиҳатим билан ҳам тўғри эмас! Эй инсонлар! Тош сувда юмшамаганидек, ваъз ҳам қаттиқ қалбга таъсирини ўтказа олмайди. Эй Одам фарзанди! Сизлар Аллоҳнинг бандаси эканингизга гувоҳлик бериб, кейин яна қандай Унга осийлик қиласиз? Ўлимни ҳақ деб гумон қиласиз-у, яна уни қандай ёмон кўрасиз? Билмаган нарсангизни тилларингиз билан гапирасиз, Аллоҳнинг наздида улуғ бўлган нарсани арзимас санайсиз». Ochish/sharhlash

2022-07-06 16:22:36 #Hadisi_Qudsiy 8

ТАВБАГА ШОШИЛ

«Эй Одам фарзанди! Мен сизларни бефойда ва беҳудага яратганим йўқ. Мен ғофил эмасман, (ҳолингиздан) хабардорман. Менинг розилигим учун ёқтирмаётган нарсангизга ҳам сабр қил (ишни ўрган)магунча ҳузуримдаги нарса (жаннат)га эришолмайсиз. Тоатимга сабр қилишингиз маъсиятимга сабр қилишдан, гуноҳни тарк қилишингиз дўзах оловидан (қўрқиб) Мендан узр сўрашингиздан, дунё азоби охират азобидан енгилроқдир. Эй Одам фарзанди! Барчангиз адашгансиз. Фақат Мен ҳидоят қилганларгина ундай эмас. Барчангиз ёмонлик қилувчисиз, фақат Мен (ёмонликдан) сақлаганларгина ундай эмас. Менга тавба қилинглар, сизларга раҳм қиламан. Сирларингиз махфий қолмайдиган Зот ҳузурида сирларингизни фош этманглар». Ochish/sharhlash

2022-07-06 16:18:35 Qarshingizda bir kishi yonayotgan bo'lsa, uni qutqarish uchun har qanday qiyin ishdan qochmaysan. Iltimos! Namoz o'qimayotgan kishini ko'rsang, uni qutqarish uchun ham bor imkoniyatingni ishga solgin, chunki Allohga qasamki, u ham yonmoqda!

"Saodatga yetaklovchi hikmatlar" Ochish/sharhlash

2022-07-06 16:18:35 Marhumlar bizning duoladimizni kutib mudom uyg'oqdir.

"Saodatga yetaklovchi hikmatlar" Ochish/sharhlash

2022-07-06 16:18:35 Dunyo aldaydi, zarar beradi va o'tib ketadi.

"Saodatga yetaklovchi hikmatlar" Ochish/sharhlash

2022-07-06 16:18:35 Alloh insonni suv va loydan yaratdi. Ba'zilarining suvi loyidan ko'payib ketib anhorga aylanib qoldi. Ba'zilarining loyi suvidan ko'payib ketib toshga aylanib qoldi.

"Saodatga yetaklovchi hikmatlar" Ochish/sharhlash

2022-07-05 19:41:26 #Hadisi_Qudsiy 7

АМАЛИНГНИ ХОЛИС ҚИЛ

«Эй Одам фарзанди! Эй динор ва дирҳамнинг қуллари! Мен динор ва дирҳамни улар орқали (берган) ризқимни ейишингиз, улар орқали (берган) кийимимни кийишингиз, Менга тасбеҳ айтиб, Мени улуғлашингиз учун яратдим. Кейин сизлар Китобимни олдингизлар ва уни орқага отдингиз. Динор-у дирҳамларни олдингизлар ва уларни бошингизга кўтардингиз. Уйларингизни
баланд этиб, Менинг уйимни пасайтирдингиз. Сизлар на яхши, на озодсиз, балки дунёнинг қулисиз. Сизларга ўхшаганларнинг жамланиши бамисоли таши суваб қўйилган қабрларга ўхшайди. Бу қабрлар ташқарисидан чиройли кўринса-да, ичи хунукдир. Сизлар ҳам ширин
тилларингиз, чиройли феълларингиз билан одамларга яхши бўлиб кўринасизлар-у, (аслида)
тош қалбларингиз ва расво аҳволингиз билан (улардан) узоқлашасиз. Эй Одам фарзанди! Амалингни холис қил ва (ҳожатингни фақат) Мендан сўра. Чунки Мен сенга сўровчилар сўраганидан ҳам кўпроғини бераман». Ochish/sharhlash

2022-07-05 19:39:01 Nafs asov otga o'xshaydi. Sen uni izmingga yuritmasang, u seni izmiga yuritib oladi. U xo'jayin bo'lib qolsa, sen xohlagan tomonga emas, o'zi xohlagan tomoniga yetaklab ketadi.

"Saodatga yetaklovchi hikmatlar" Ochish/sharhlash