Мен Эрдўғоннинг мухлиси эмасман, ва умуман деспотизмни ёмон к | Fikrbank - Xurshid Maroziqov kanali

Мен Эрдўғоннинг мухлиси эмасман, ва умуман деспотизмни ёмон кўраман. Лекин Туркий Кенгаш ғояси менда катта таассурот қолдирди. Чунки у минтақадаги бошқа йирик давлатларнинг экспансиясига қарши мувозанат яратади.

Шу кунларда (аниқроғи 11-12 ноябрь) Истанбулда Туркий Кенгаш саммити бўлиб ўтади. Унда Кенгаш Иттифоқ деб ўзгартирилиши кутилмоқда. Бу эса иқтисодий яқинлашувга жиддий эътибор қаратилишини, келгусида эса ягона бозор пайдо бўлишини англатади.

Турклар бу ерга элитага пора бериб, йўлида учраган барча ер ости бойликларию стратегик объектларни тортиб олиш учун келмайди, уларнинг компаниялари ҳам қонунчилик ва техрегламентларни қайта ёзиб, бозорни ўзларига тақсимлай олмайди. Уларда баъзиларга ўхшаб неоколониализм йўқ.

Плюрализм ва кўпвекторли ёндашув. Фақат шунинг учунгина мен бу иттифоқни қўллаб-қувватлайман. Тожикларни ҳам чақириш керак. Шунда ҳаммамизга яхши бўлади.

Aziza Umarova