Aвтотрейлерда 8 та Cobalt бўлган. UzAuto Motors ҳолат юзасидан маълумот берди.
Ёнғин Москва вилояти ҳудудида автомобилларни мижозга олиб ўтиш вақтида Россия автомобиль ташувчисига тегишли автотрейлернинг салонида содир бўлган. Шундан сўнг, аланга автомобиллар бўлган трейлерга ўтган. Ёнғин оқибатида 8 та автомобилдан 3 таси зарар кўрган. Ҳодиса натижасида ҳеч ким жабрланмаган.
Барча автомобиллар суғурталанган бўлиб, улар россиялик мижозга тегишли бўлган. Ҳозирда зарурий ёнғин-техник экспертизаси ўтказилиб, ёнғиннинг келиб чиқиш сабаблари ўрганилмоқда.
