2022-08-27 15:48:01
Kelajakdagi qizimga xatMen doim yoqimtoygina qizim bo’lishini xohlaganman. Mayli, bitta og’lim ham bo’lsin. Lekin yagona qizimni hatto ismigacha aniqlab qo’yganman —
Sevinch.Sevinch, qizalog’im. Ushbu xatni 2022-yildan yozyapman. Ayni damda O’zbekistonda, g’alati bir insonlar atrofidaman. Bizning bugungi jamiyat qiz farzand o’stirish uchun munosib emas. Surish kerak deb yurgan kam sonli ko’zi ochilganlardan biriman. Sen dunyoga kelguncha men boshqa bir sog’lom jamiyatga bir yo’la qaytib kelmaydigan bo’lib, ketishga va’da beraman.
Jajji yoqimtoyim, senga uzoooq qarab turib, bir kun qaysidir manyak uning eriman deb seni pichoqlab ketishi mumkinligi haqida o’ylab qattiq og’rinaman. Turmushga bergim ham kelmaydi. Afsuski bizda doim shunaqa tresh xabarlar chiqib turadi, bugungidek.
Qo’rqma, men senga beradigan tarbiya va maslahat bunga yo’l qo’ymaydi. Aytganimdek, sog’lom jamiyatda yashashingni ham kafolatlayman. Bu yerlarga kelmasang ham roziman.
Bolalik — biz, ota-onang bilan ajoyib o’tadi katta ehtimol, yoshlikda esa biroz qiyinchiliklarga duch kelishing mumkin, maqsadlar ortidan yugurish degandek. Ammo keyin haqiqiy hayot boshlanadi.
Turmush o’rtoq bu sening tanloving. Hech qachon unutma. Men yoki oying majburlashiga ham, buvang to’yini ko’rsam armonim qolmasdi deyishiga ham, do’st va tanishlaring nima desa ham, yodingda tut: Bu sening tanloving, faqat o’zingniki.
Turmushga chiqishdan oldin, uni sev, ishon, undan ham shuni his qil. O’zaro mustahkam rishta bog’la. Orada hech qanday yolg’on, shubha va umuman hech narsa qolmasin. Buni uddalashingga ishonaman. Bu munosabatlar sovimasligi uchun sen ham harakat qil. Qiziq inson bo’l. Yoqimli. Bilimli. Quvnoq. Har doim shunday bo’l. Taslim bo’lma.
Sening tomiringda oqayotgan qonlar haqida falsafa o’qib boshingni qotirmoqchi emasman. Bu xatni qaysi davrda o’qishing mumkinligi haqida ham taxminan bilaman. Shundan kelib chiqib, qanday xohlasang, shunday yashashingni maslahat beraman. Hech kimga qattiq bog’lanib qolma va o’zingni ojiz sanama. Hatto yoningdagiga nisbatan ham.
Sen hayotingni birinchi qismida – bizning, ikkinchi qismida esa o’z oilangni – yuzisan. Bu katta mas’uliyat. Zavqli daqiqalarni butun bir umrga, tarixga almashma. Xuddi o’zingga o’xshagani bilan birga baxtli yasha!
(Bu birinchi qism, kundaligimni men uchun eng asosiy qismlaridan biri). Balki senga hali ko’p yozarman.
Seni o’zidan ham ko’proq yaxshi ko’ruvchi Dadajoningni unutma :)
27.08.2022 / @ilyosbek
619 viewsFarangiz, 12:48
F
