"Farg‘onaazot" AJ yoshlari

2023-07-06 12:49:14 #Биласизми

Жиноят кодексига кўра, транспорт воситасини олиб қочиш 5 йилдан 10 йилгача озодликдан маҳрум қилиш билан жазоланади.

Шунингдек, транспорт воситасини талон-торож қилиш мақсадида ўғрилик ёки талончилик йўли билан содир этилган бўлса, 10 йилдан 15 йилгача озодликдан маҳрум қилиш билан жазоланади.

Бундан таршқари транспорт воситасини талон-торож қилиш мақсадида босқинчилик йўли билан содир этилган бўлса, 15 йилдан 20 йилгача озодликдан маҳрум қилиш билан жазоланади.

Каналга уланиш
https://t.me/huquqiyaxborot Ochish/sharhlash

2023-07-06 09:48:38

"Farg'onaazot" AJ ga qarashli bolalar sog'lomlashtirish oromgohida korxona yoshlar ittifoqi Kengashi hamda Milliy Gvardiya Farg'ona viloyati Qo'riqlash xizmati bilan hamkorlikda bolalar uchun "Kamondan o'q otish" sport turi bo'yicha musobaqa tashkillandi.

Ushbu musobaqa bolajonlar uchun juda qiziqarli bo'lib 20 dan ziyod ishtirokchilar o'rtasida g'oliblar aniqlandi. G'olib va sovrindorlar Milliy Gvardiya Farg'ona viloyati Qo'riqlash xizmati hamda "Farg'onaazot" AJ kasaba uyushma Qo'mitasi tomonidan diplom va qimmatbaho sovg'alar bilan taqdirlandilar.

Shuningdek oromgohda bolajonlar uchun sport to'garaklari qay darajada yo'lga qo'yilgani ko'zdan kechirildi.

Bunday tadbirlarni kelgusida yanada ko'plab o'tkazilishi belgilab olindi. Ochish/sharhlash

2023-07-06 09:47:53 #Ижтимоий_акция

Иш берувчи қуйидаги ҳолларда ходимни ишдан четлаштириши шарт:

ваколатли давлат органларининг талабига кўра;

алкоголли ичимликдан, гиёҳвандлик ёки токсик модда таъсиридан мастлик ҳолатида ишга келганида ёки ишда бўлганида;

меҳнатни муҳофаза қилиш соҳасида ўқувдан ҳамда билим ва кўникмалари текширувдан ўтмаганда;

мажбурий тиббий кўрикдан ўтмаганда;

ходим ишни бажариши учун тиббий хулосага мувофиқ қарши кўрсатмалар аниқланганда;

тиббий хулосага кўра 4 ойгача вақтинча бошқа ишга ўтказишга муҳтож ходим бошқа ишга ўтишни рад этганда ёхуд иш берувчида бундай ходимга берадиган иш бўлмаганда;

ходим фойдаланилиши шарт бўлган шахсий ва (ёки) жамоавий ҳимоя воситаларидан фойдаланмаганда.

Ходим карантинли ва одам учун хавфли бошқа юқумли касалликлар таҳдиди вақтида жорий этиладиган профилактик эмлашдан ўтишни рад этганда иш берувчи уни ишдан четлаштириши мумкин. Эмлашга ходим соғлиғида қарши кўрсатмалар бўлса ишдан четлаштирилмайди.

Хизмат текшируви ўтказилганда ҳам ходим унга халақит беришига асосли сабаб бўлса, ходим ишдан четлаштирилиши мумкин.

Каналга уланиш
https://t.me/huquqiyaxborot Ochish/sharhlash

2023-07-06 09:28:26 Янги Меҳнат кодексида ишдан бўшатиш асослари – 10 та муҳим қоида

Штат қисқарганида кимлар ишда қолади? Энди 3 ёшгача боласи бор аёлларни иш берувчи ташаббуси билан ишдан бўшатиш мумкинми? Муддатли меҳнат шарномасини муддати тугаганидан кейин бекор қилмаса нима бўлади? Аризани почта орқали юборса бўладими?

Батафсил Ўқиш.

Каналга уланиш @Hudud24official Ochish/sharhlash

2023-07-06 09:28:11 #Ҳуқуқий_ахборот_минбари

“Меҳнат таътиллари” мавзусида эксперт билан суҳбат ўтказилади

Адлия вазирлиги томонидан ўтказилаётган “Меҳнат ҳуқуқларимизни ўрганамиз“ ҳуқуқий акцияси доирасида “Меҳнат таътиллари” мавзусида эксперт билан суҳбат ташкил этилади.

Овозли чат 7 июль куни соат 17:00 да Huquqiy axborot телеграм каналида бошланади.

Суҳбат спикери: Муҳаммадамин Каримжонов – Тошкент давлат юридик университети масъул ходими.

Саволларингизни @mehnatpodkast_bot телеграм боти орқали олдиндан ёки тўғридан-тўғри онлайн мулоқот вақтида беришингиз мумкин.

Мазмунан бир-бирига яқин саволларга умумлаштирилган ҳолда жавоб берилади.

Суҳбатнинг ўтган сонларини қуйидаги ҳаволалар орқали кузатишингиз мумкин:

2 июндаги сони | 9 июндаги сони | 16 июндаги сони | 21 июндаги сони.

Каналга уланиш
https://t.me/huquqiyaxborot Ochish/sharhlash

2023-07-05 14:19:11 #Биласизми

Тиббий тез ёрдамни алдаб чақирганлик учун жавобгарлик бор

Ички ишлар органи, ёнғинга қарши хизмат, тиббий тез ёрдам ва бошқа махсус хизматларни қасддан алдаб чақирганлик 330 минг сўмдан 990 минг сўмгача миқдорда жарима солишга сабаб бўлади.

Каналга уланиш
https://t.me/huquqiyaxborot Ochish/sharhlash

2023-07-05 11:31:22 #Конституцияни_ўрганамиз

Конституциямизнинг 29-моддаси: “Ҳар кимга малакали юридик ёрдам олиш ҳуқуқи кафолатланади. Қонунда назарда тутилган ҳолларда юридик ёрдам давлат ҳисобидан кўрсатилади.

Ҳар бир шахс жиноят процессининг ҳар қандай босқичида, шахс ушланганида эса унинг ҳаракатланиш эркинлиги ҳуқуқи амалда чекланган пайтдан эътиборан ўз танловига кўра адвокат ёрдамидан фойдаланиш ҳуқуқига эга.

Гумон қилинувчи, айбланувчи ёки судланувчи айбловнинг моҳияти ва асослари тўғрисида хабардор қилиниш, унга қарши ёки унинг фойдасига гувоҳлик бераётган шахсларнинг сўроқ қилинишини талаб этиш, таржимон ёрдамидан фойдаланиш ҳуқуқига эга.

Қонунни бузган ҳолда олинган далиллардан одил судловни амалга ошириш чоғида фойдаланишга йўл қўйилмайди.

Жиноят учун ҳукм қилинган ҳар ким қонунда белгиланган тартибда ҳукмнинг юқори турувчи суд томонидан қайта кўриб чиқилиши ҳуқуқига, шунингдек афв этиш ёки жазони енгиллаштириш тўғрисида илтимос қилиш ҳуқуқига эга.

Ҳуқуқбузарликлардан жабрланганларнинг ҳуқуқлари қонун билан муҳофаза қилинади. Давлат жабрланганларга ҳимояланишни ва одил судловдан фойдаланишни таъминлайди, уларга етказилган зарарнинг ўрни қопланиши учун шарт-шароитлар яратади”.

Жиноят процессининг ҳар қандай босқичида адвокат ёрдамидан фойдаланиш деганда, адвокат томонидан терговга қадар текширув, суриштирув, дастлабки тергов, биринчи инстанция судида, ҳукмни ижро этиш, апелляция ва кассация тартибида ишларни кўриб чиқишда жиноий таъқибга олинган шахс ҳамда жабрланувчи, гувоҳ ва бошқа шахсларнинг қонуний ҳуқуқ ва манфаатларини ҳимоя қилиниши тушунилади.

Бундан ташқари, мазкур моддада ҳар қандай далил қонуний воситалар ёрдамида олиниши, акс ҳолда, бундай далиллар судда фойдаланилмаслиги белгиланган.

Ушбу модда орқали шахснинг суд ҳукми устидан апелляция ёки бошқа тартибда қайта кўриб чиқиш бўйича талаб қўйиш ҳуқуқи кафолатланган.

Видео:



Каналга уланиш
https://t.me/huquqiyaxborot Ochish/sharhlash

2023-07-05 09:44:43 #Биласизми

Қоида тариқасида, илгари фойдаланишда бўлган рўйхатдан ўтказиш давлат рақами белгиси (РЎДРБ) такроран фойдаланиш учун берилмайди ва белгиланган тартибда йўқ қилинади.

Бундан қуйидагилар мустасно:

оширилган тўлов ставкалари бўйича автотранспорт воситалари учун РЎДРБ;

харидоргир ҳарф ва рақамлар комбинациясига эга бўлган оширилган тўлов ставкаси бўйича автотранспорт воситалари учун РЎДРБ;

давлат органлари ва ташкилотлари учун жорий этилган алоҳида серияли РЎДРБ.

Каналга уланиш
https://t.me/huquqiyaxborot Ochish/sharhlash

2023-07-05 08:17:48 СУДДА ДАВЛАТ БОЖИНИ ТЎЛАШДАН ОЗОД ЭТИШ

Фуқаролик ишлари бўйича судларда давлат божини тўлашдан қуйидагилар озод қилинади:

1) даъвогарлар — иш ҳақини ундириш тўғрисидаги даъволар ва меҳнат ҳуқуқлари муносабатларидан келиб чиқадиган бошқа талаблар юзасидан;

2) даъвогарлар — алиментлар ундириш тўғрисидаги даъволар юзасидан;

3) даъвогарлар — меҳнатда майиб бўлганлиги ёки соғлиғининг бошқача тарзда шикастланганлиги, шунингдек боқувчиси вафот этганлиги туфайли етказилган зарарнинг ўрнини қоплаш тўғрисидаги даъволар юзасидан;

4) даъвогарлар — қонунга хилоф равишда ҳукм этганлик, жиноий жавобгарликка тортганлик, маъмурий жазо берганлик туфайли жисмоний шахсга етказилган зарарнинг ўрнини қоплаш билан боғлиқ низолар юзасидан;

5) даъвогарлар — жиноят туфайли етказилган моддий зарарнинг ўрнини қоплаш тўғрисидаги даъволар юзасидан; ва бошқалар.

Савол юбориш
@yuristdan_javob_bot

Каналга уланиш
https://t.me/Yurist_Blogerr Ochish/sharhlash

2023-07-05 08:07:20 #Қонунчиликдаги_янгиликлар

Қарзни ўз вақтида тўламаганлик учун жарима миқдори ижро ҳужжатидаги суммадан ошиши мумкин эмас

Президент томонидан имзоланган Қонун (ЎРҚ–851-сон, 04.07.2023 й.) билан айрим қонун ҳужжатларига ижро ҳужжатларини ижро этмаганлик учун солинадиган маъмурий жарима миқдорини белгилашга қаратилган ўзгартиришлар ва қўшимча киритилди

Маъмурий жавобгарлик тўғрисидаги кодексга киритилган ўзгартириш ва қўшимчаларга кўра:

БҲМнинг 10 бараварига тенг ёки ундан ошмайдиган миқдордаги суммани ундириш тўғрисидаги ижро ҳужжатини ихтиёрий равишда ижро этиш учун белгиланган муддатда қарздор томонидан ижро этмаслик:

фуқароларга БҲМнинг 5 бараваригача (1 млн 650 минг сўмгача);
мансабдор шахсларга эса 10 бараваригача (3 млн 300 минг сўмгача) миқдорда жарима солишга сабаб бўлади.

Илгари жариманинг энг кам миқдори қатъий белгиланган бўлиб, фуқароларга БҲМнинг 1 бараваридан, мансабдор шахсларга эса 5 бараваридан бошлаб жарима қўлланилган.

Шунингдек, маъмурий жарима суммаси ижро ҳужжатида ундирилиши белгиланган суммадан ошиши мумкин эмаслиги белгиланди.

Илгари бундай норма мавжуд эмас эди.

Қонунга кўра, Мажбурий ижро бюроси номидан маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо чораларини қўллашга эндиликда қуйидагилар ҳақли:

Ўзбекистон Республикасининг Бош давлат ижрочиси;
Қорақалпоғистон Республикаси, вилоятлар ва Тошкент шаҳрининг бош давлат ижрочилари, уларнинг ўринбосарлари;
Мажбурий ижро бюросининг туман (шаҳар) бўлимлари бошлиқлари.

Илгари маъмурий жазо чораларини қўллаш давлат ижрочиларига тегишли бўлган.

Каналга уланиш
https://t.me/huquqiyaxborot Ochish/sharhlash