FAYZIOBOD JOME MASJIDI RASMIY

2022-12-30 18:54:54 ҲИКМАТ

Одамий бир тос хамирдек қад билан,
Кўкданам юксак, қуёшдан ҳам баланд. Эпласанг, қочгил ўлимдин Румий


Инсон қадди (бўйи) бир тоғора хамирча бўлса-да, у осмондан ҳам, қуёшдан ҳам юксакдир. Чунки Аллоҳ таоло Ўзининг муқаддас каломида: «Биз (одам)нинг қадрини юксак қилдик, улуғладик», дея тасдиқлаган.

Аслида Аллоҳ инсоннинг иззат-икромини жойига қўйган, уни улуғлаб шарафлаган. Лекин иснон ношукрлиги туфайли ўз қадрини ерга уради, ҳурмат-иззатини тўкиб Аллоҳнинг хузурида ўзини бир пуллик қилади.

@Fayzobod_masjidi Ochish/sharhlash

2022-12-30 18:43:12 ҲИКМАТ

Кўкда ҳар юлдузга бордир гар макон,
Лек бизим юлдузга тордир ҳар макон. ЭПЛАСАНГ ҚОЧГИЛ ЎЛИМДАН Румий

Осмондаги барча юлдузнинг доимий ўз ўрни бор, фақат биз доимий эмасмиз. Яъни, доимий макон эгаси эмасмиз. Ҳолимиз кўчманчиларга ўхшайди.
Лекин ўзимизни юлдузлардек доимий ҳис қиламиз, ёлғон дунёдан ҳақ дунёга сафар қилишни ўйламаймиз ҳам, сафар тадориги қилмаймиз ҳам. @Fayzobod_masjidi Ochish/sharhlash

2022-12-30 18:11:21 ҲИКМАТ

Гул куларми, йиғламас эрса булут,
Йиғламас эрса гўдаклар, қайда сут? Эпласанг, қочгил ўлимдин Румий

Румий ҳазратлари айтмоқчиларки, банда Аллоҳнинг раҳматига эришиш учун дуо ва талабда бўлмоғи лозим. Булут йиғлаб ёмғирли кўз ёшларини тўкади кейин ерда гул очилади, чақалоқ йиғлаб овоз чиқаради кейин онаси унга таом беради. Худди шу каби банда ҳам йиғлаб дуо қилади, Аллоҳга ёлборади, кейин Аллоҳнинг раҳмати, мағфиратига муваффақ бўлади.

@Fayzobod_masjidi Ochish/sharhlash

2022-12-28 12:57:51 http://old.muslim.uz/index.php/jaholatga-qarshi-marifat/maqola/item/34423-eshitgan-narsasini-gapiraverishi-kishining-guno-kor-b-lishiga-kifoya Ochish/sharhlash

2022-12-28 08:16:18 ҲИКМАТ

Гул бутоғи қайда ўсса, гул эрур,
Май хуми ҳар қайда жўшса, май турур. Румий

Гулнинг шохлари қайда ўсса, ўша жойда гул очилаверади, май хумининг ҳам қаерда туришининг аҳамияти йўқ. Қачон хум қайнаса, демак, май ўша жойда тайёр.
Шунингдек, инсон ҳам қаерда, нима билан комиллик касб этса, ўзлигини шарафлай олади, нималарга қодирлигини намоён эта олади.


@Fayzobod_masjidi Ochish/sharhlash

2022-12-27 20:12:51 ИБРАТ

Ажойиб бир нонвой бор эди. Ҳаридорлар калбаки пул беришаётганини била туриб ҳам уларнинг пулини олар ва сўраган нонларини берарди. Ён-атрофидагилар унинг бу одатини билишар ва ҳайрон бўлишарди. Унинг нима учун бундай қилаётганини сабабини ҳеч ким билмасди.
Ниҳоят омонатини топширадиган фурсат етганда нонвой қўлларини очди ва Яратганга: "Эй Роббим, йиллар давомида одамларнинг менга сохта пул берганини ва уларни ранжитмай истакларини бажарганимга Ўзинг шоҳидсан. Мен ҳам бугун хузурингга сохта тоат-ибодат билан бормоқдаман, мени ҳам ранжитмагин!"- дея илтижо қилди.

@Fayzobod_masjidi Ochish/sharhlash

2022-12-27 20:10:59 ​​ИБРАТ

ҲЕЧ ҚАЧОН ХАТО ҚИЛМАЙДИГАН  ОДАМ

Бир куни Алберт Эйнштейн доскада масала ечди:

9 х 1 = 09
9 х 2 = 18
9 х 3 = 27
9 х 4 = 36
9 х 5 = 45
9 х 6 = 54
9 х 7 = 63
9 х 8 = 72
9 х 9 = 81
9 х 10 = 91

Тўсатдан залда тартибсизлик пайдо бўлди,чунки Алберт Эйнштейн битта масалани нотўғри ечган эди:

9 х 10=91.

Барча ўқувчилари уни масхара қилишди.

Эйнштэйн ҳамма жим бўлишини кутди ва шундай деди:
Тўққизта саволни тўғри таҳлил қилган бўлсам ҳам, ҳеч ким мени табрикламади, лекин мен битта саволни нотўғри ечганим учун ҳамма устимдан кулди.
Демак,агар инсон жуда муваффақиятли бўлса ҳам, одамлар кўзига унинг энг кичик хатоси кўринади ва кўпчилик бундан «завқланади».

Ҳаётда ҳеч қачон хато қилмайдиган ягона одам - ҳеч нарса қилмайдиган одамдир.

@Fayzobod_masjidi Ochish/sharhlash

2022-12-27 20:08:07 Автомобилнинг тунги ёритиш чироқларини ўзгартириб, қарши томондан ҳаракатланиб келаётган ҳайдовчиларнинг кўзини қамаштираётган ҳайдовчилар, билиб қўйинг: сиз бошқаларга зулм қиляпсиз!

@Fayzobod_masjidi Ochish/sharhlash

2022-12-27 19:36:07 ҲИКМАТ

Таппи қуртига тезак роҳат эмиш,
Бул жаҳонда унга ахлатдир емиш. Эпласанг, қочгил ўлимдин. Румий

Таппи қурти тезак еб роҳатланади, зеро унинг бу дунёдаги емиши ахлатдир. Худди шунингдек, жамиятда ризқининг ҳалол-ҳаромлигига аҳамият бермайдиган, гапираётган гапининг фойда-зарарига эътибор қилмайдиган, қаерга борса албатта, кимнидир ғийбат қилиб обрўсизлантиришни ўзига севимли одат қилган таппи қурти мисол одамлар бўлади.
Ақлли инсон бу каби зараркунандаларга парво қилмай ўз мақсади сари одимлаб кетаверади. Улар билан ўралашмайди.

@Fayzobod_masjidi Ochish/sharhlash

2022-12-27 06:05:17 ПАЙПОҚ-МАҲСИЛАРГА МАСҲ ТОРТИШ ҲАҚИДА ФАТВО
#ДОЛЗАРБ
#ФАТВО

Ўзбекистон мусулмонлари идораси Фатво маркази уламолар ҳайъати пайпоқ-маҳси (жавроб) масаласида фиқҳий манбаларни атрофлича ўрганиб, бир қанча муҳокамалардан кейин ўзининг навбатдаги фатвосини эълон қилди. Ушбу фатвонинг хулосаси қуйидагилардан иборат:

. Агар маҳси тўлиқ теридан бўлса, унга масҳ тортиш жоиз. Бу борада мужтаҳидлар орасида ихтилоф йўқ;
. Тўпиқни ёпиб турадиган, этикка ўхшаган пойафзалларга масҳ тортиш жоиз.
. Бугунги кунда кийилаётган оддий пайпоқларга масҳ тортиш мутлақо жоиз эмас.
. Пайпоқ-маҳси (жавроб) устига ҳеч нарса киймасдан бир фарсах (6 км) юришга яраса, боғичсиз ўзи оёқда турадиган, ташидан ичи (яъни оёқ) кўринмайдиган, сувни дарҳол ўтказиб юбормайдиган бўлса, унга масҳ тортиш жоиз.

Эслатма: Бу шартларга қўшимча тарзда пайпоқ-маҳси энг камида таг қисми тери билан қопланган бўлса, унга масҳ тортиш жоизлигида уламоларимиз якдил фикрдалар.
Мўмин-мусулмонларга қулайлик яратиш учун пайпоқ-маҳси ишлаб чиқараётган ёки уларни чет эллардан олиб келаётган тадбиркорлар ўз фаолиятларини юқорида айтилган шартларга риоя қилган ҳолда олиб боришларини тавсия қиламиз. Ушбу шартлар топилиши баробарида пайпоқ-маҳсиларнинг остини эҳтиёт юзасидан теридан қилишлари, намозхонларимиз ҳам ушбу жиҳатга эътибор қаратишлари мақсадга мувофиқдир. Валлоҳу аълам!

Ўзбекистон мусулмонлари идораси
Фатво маркази.

Фатвонинг тўлиқ матни билан қуйидаги ҳавола орқали танишишингиз мумкин:
ПАЙПОҚ МАҲСИЛАРГА МАСҲ ТОРТИШ ҲАҚИДА ФАТВО

Улашинг: @Fayzobod_masjidi
https://telegra.ph/PAJPO%D2%9A-MA%D2%B2SILARGA-MAS%D2%B2-TORTISH-%D2%B2A%D2%9AIDA-FATVO-12-21 Ochish/sharhlash