Кўр ҳассасини неча марта йўқотади? Ўтган хафтада Тошкент мет | Фахрий Темирйўлчи
Кўр ҳассасини неча марта йўқотади?
Ўтган хафтада Тошкент метросининг 40-йиллик тарихида бўлмаган воқеа юз берди, яъни иккита метропоезди бир-бири билан тўқнашди. Яна қаерда, албатта Раматов бошчилигида қурилган Сергели линиясида.
Тўқнашув сабаби эса бир томондан ҳам кулгили, ҳам ачинарли. Нима эмиш, янги қурилган метро линиясида алюкабод бўлаги кўчиб, поезд йўлига тушган. Поезд машинисти уни йўлдан олиб ташлаш учун составни тўхтатган... шу вақт ортидан келаётган навбатдаги поезд келиб урилган...
биринчидан, Сергели линиси қурилганига ҳали уч ой бўлмаган бўлса, алюкабодн нимага кўчиб тушади;
иккинчидан, перегонда поезд тўхтаганидан сўнг нима учун диспетчер иккинчи поездни юришига рухсат беради;
учинчидан, олдида поезд тўхтаганини кўриб иккинчи поезд машинисти нимага тўхташ чораларини кўмаган... Хуллас, давом этирсак йигирма, ўттизинчи... каби “нимага”лар ҳам келиб чиқаваеради.
Чунки, янги қурилган метро линияларида на связь, на светофор, на блокировка бор... Ёлғиз Аллоҳни хохиши билан поездлар юриб турибди...
Темирйўлчилар яхши билади, темир йўлда поездлар ҳаракатини ташкил этиш учун радиоалоқа воситалари, светофор, СЦБ, сигнализация, блокировка каби қурилмалар қанчалик аҳамиятли эканлигини.
Тўғрида, эгаллаб турган амалидан кетишдан қўриқиб, қурилиш учун ажратилаётган маблағларни еб қўйиб, давай-давай билан қурилгандан сўнг, ҳали тайёр бўлмасдан фойдаланишга топширигандан сўнг тўқнашув, қулаш, одам ўлиши каби ҳодисалар бўлиши табиий.
Жаноб Раматов ўзини ақлли деб ҳисоблаб, мутахассисларни фикрини бир тийинга илмасдан, “кетмонча”сига иш юртиганидан, кўчадаги “мардикор”лар билан қурилиш қилиш натижасида шундай воқеалар юз бермоқда.
Аввало Аллоҳ билади-ю, лекин бир фикр айтмоқчиман, Раматовнинг “номаи амоли”да Сардоба фожеаси, Юнусобод метросидаги олти кишининг ўлими..., яна қанчадан-қанча бегуноҳларнинг қарғиши-ю, дуои-бадлари “жирный” қилиб ёзилаётган бўлса керак.
Шунча воқеалардан кейин айтмоқчиман “кўр ҳассасини неча марта йўқотади?, нахотки бу сўқир кўзлар очилмаётган бўлса!
Шу ўринда одам ўйланиб қолади, наҳотки бирор-бир қурилиш лойиҳасини маромига етказиб ишлаб чиқиб, ундан сўнг шошилмасдан режа билан қурилиш қилиб, энг яқин байрамга эмас балки, қурилиш меъёрий қоидаларига амал қилган ҳолда ҳар томонлама мукаммал объектни фойдаланишга топширишнинг иложи бўлмаса...
Ахир, шунча елиб-югуриб, кечаю-кундуз ҳаракат қилган билан, қанчадан-қанча инсонларни қон қақшатиб бирор нарсага эришган билан, бу дунёдан олиб кетадиган бойлиги бир газ кафан-ку! Уям насиб қилса... кафансиз кетганлар қанча...
«Фахрий темирйўлчи»
Каналимиз
https://t.me/joinchat/gwLSgq2LS4BhYTMx
Facebook саҳифамиз
