2023-02-20 20:18:02
ERLARNI EHTIYOT QILING AYOLLAR!
Eri bor ayolga tegmaydi balo,
Mehr degan malham har dardga davo,
Odam Atosini suygandek Havo,
Erlarni ehtiyot qiling, ayollar.
Ishonmang zabardast bilaklariga,
Ogʻriqlar kiritmang yuraklariga,
Aylaning hammadan keraklariga,
Erlarni ehtiyot qiling, ayollar.
Uyim deb, bolam deb oʻtar har oni
Bizdek qirqta emas shoʻrlikni joni,
Undan avval qoʻyib yolgʻiz Xudoni
Erlarni ehtiyot qiling, ayollar!
Qizgʻanmang har nedan arzon mehrni!
Oʻrganing soʻngi zar boʻlgan sabrni,
Hech yerdan topmasin sizdek qadrni,
Erlarni ehtiyot qiling, ayollar!
Sultonim, Begim deb erkalang kunda,
Shay turing askardek kundayu tunda!
Sizdan baxtli ayol boʻlmagay shunda,
Erlarni ehtiyot qiling, ayollar!
Sizni suyagidan yaratgan Egam,
U rizo boʻlmasa bosmang bir qadam,
Koʻngliga yoʻl toping nima boʻlsa ham,
Erlarni ehtiyot qiling, ayollar!
Omadi ketganda yuziga solmang!
Ming bora aylanim, oʻrgilib tolmang,
Dod solib bir kuni ayrilib qolmang,
Erlarni ehtiyot qiling, ayollar!
Albatta yaqinlarga ulashing @Farzand_tarbiyasi_uzb
7.9K views17:18