ЎҒИЛ
Ўғил ўсиб отасига таянч бўлар,
Онасига жон бағишлаб суянч бўлар.
Ака-ука, опа-сингил мададкори,
Бошига ғам келса, тиргак, юпанч бўлар.
Ўғил босар отасининг изларини,
Давом қилиб насл, ўғил-қизларини.
Ота-она тарбияда адашмаса,
Яхши фарзанд ёруғ қилар юзларини.
Ота-она қариганда асо ўғил,
Фахр берар доно, ақли расо ўғил.
Дунёга нафс қўймай, қилар энг аввало
Бузруквор-у волидасин ризо, ўғил.
Болам бўлсин, мўмин, қалби пок, деганлар
Юрагига Ҳақ ишқини жойласинлар.
Дунё ишин четга суриб, баридан кўп
Фарзандининг саодатин ўйласинлар.
Albatta yaqinlarga ulashing @Farzand_tarbiyasi_uzb
