Farrukh Saliev | Blog

2022-11-20 20:27:33 Anchadan beri bu yerda faol emasman. Ushbu kanal faoliyati vaqtinchalik to’xtatiladi.

Asosiy kanalimga o’tib olishingiz mumkin. U yerda doim postlar yozib boraman.

Asosiy kanalim:
@FarrukhsJourney Ochish/sharhlash

2022-10-31 15:33:43 ​​ Pepsi ichmang

Yaqin do’stlarim meni Pepsining ashaddiy muxlisi ekanligimni bilishadi. Chunki 7-8 yildan beri Coca-Cola emas faqat Pepsi ichardim.

Ammo nega endi fikrim o’zgardi? Ikkalasi ham zararli lekin hech o’ylab ko’rganmisiz qaysi biri ko’proq zararli?

Bilaman, ularni butunlay tashlash qiyin. Lekin ba’zida juda ichgingiz kelib qolsa qaysi birini tanlasangiz salomatlik nuqtai nazaridan to’g’riroq bo’ladi? Hozir bunga javob topasiz.

Avvallari hech ularning tarkibiga qiziqib ko’rmagan ekanman. Hozir esa deyarli har bir iste’mol qilayotgan narsalarimni tarkibini o’rganib ko’raman.

Avvalo uch xil turdagi kolaning tarkibi haqida bilib olaylik (idishda yozilgan):

PEPSI
Energetik qiymati - 45 kkal
Uglevodlar - 11 g
Shakar - 11 g

COCA-COLA CLASSIC
Energetik qiymati - 42 kkal
Uglevodlar - 10.6 g
Shakar - 10.6 g

COCA-COLA ZERO SUGAR (shakarsiz)
Energetik qiymati - 0.2 kkal
Uglevodlar - 0 g
Shakar - 0 g

Yuqorida zararli -> kamroq zararli tarzda tartiblab yozdim. Ko’rganingizdek eng yuqorisida Pepsi. Oddiy Coca-Cola ham deyarli Pepsi bilan bir xil. Ularning kaloriyasi ko’p. Agar o’z tanangiz uchun normadagi kaloriyadan ko’p kaloriya iste’mol qilsangiz semirishni boshlaysiz. Shuningdek, uglevodlar ham sizni semirtiradi. Shakar esa butunlay zarar. O’zi shakar iste’mol qilishni umuman to’xtatish kerak.

Demak, kaloriyasi juda past va uglevod, shakar tarkibida yo’q bo’lgani - Coca-Cola zero sugar (idishi qora ranglisi). Imkoni bo’lsa ichmang, agar juda ichgingiz kelsa shu shakarsiz Coca-Cola’ni ichsangiz eng to’g’ri tanlov bo’ladi.

@FarrukhsJourney Ochish/sharhlash

2022-10-29 21:26:23 Sport haqida

Yoshligimdan sportga qiziqqanman. Lekin hech qachon doimiy ravishda shug’ullanmaganman. Har doim boshlardim ammo qandaydur sabab bilan to’xtatib qo’yardim.

Esimda, adashmasam 5–6-sinf paytimda taekwondo sport turi bilan shug’ullanishni xohlaganman va bir o’zim borishga uyalib sinfdoshimni ham olib borganman.

Biroz vaqtdan keyin men negadur to’xtatib qo’ydim. Lekin o’sha men sababli borgan do’stim keyinchalik ko’plab musobaqalarda qatnashib ancha yutuqlarga erishdi. Albatta bundan xursand bo’laman doim.

Nihoyat yaqinda kundalik hayotimga sportni qo’shdim. 14 yillik tajribaga ega murabbiyim bilan shug’ullanayapman va ancha narsa o’rganayapman. Deyarli butunlay sog’lom hayot tarziga o’tishga harakat qilayapman. Ovqatlanish tarzimda ham ancha o’zgarishlar bo’ldi. Allohga shukr natijasi ham sezilishni boshladi.

Kelajakda nasib qilsa farzandlarimni yoshligidan sport bilan shug’ullantirishni niyat qilganman.

@farrukhsaliev Ochish/sharhlash

2022-10-26 08:24:20 #proud

Kecha 12 yoshli singlim ingliz tilidan kursga borish uchun bir ishonchli o’quv markazning level-check testini ishlab ko’rdi. Darajasi intermediate+ chiqdi.

Avval hech qanday kursga bormagan va faqat uyda selfstudy qilgan 12 yoshli qizaloq uchun bu juda yaxshi natija deb o’ylayman.

O’zi darajasi yaxshi deb o’ylardim. Chunki doim inglizcha videolar ko’rib yurardi. Ingliz tilida kitoblar o’qirdi.

Shaxsan o’zim intermediate levelga 20 yoshdan oshgandan keyin chiqqanman. Hozirgi yoshlar kuchayib ketmoqda.

IELTS dan eng yosh kandidat yuqori ball olgan rekord hozir qanaqa O’zbekistonda?

@FarrukhsJourney Ochish/sharhlash

2022-10-13 17:22:38 Boshqalar kutganidek bo’lishingiz shart emas

Ko’p sonli qariyalar ishtirokida tadqiqot o’tkazilibdi. Unga ko’ra eng ko’p afsuslanish bu - o’zi xohlagandek emas boshqalar kutganidek yashashga uringani bo’libdi.

Atrofingizdagi odamlar oldida xato qilishga haqqingiz bor. Ular kutganidek “ideal” bo’lishingiz shart emas. O’zingizni “zo’r” qilib ko’rsatishga urinmang. Erkin bo’ling.

Hamma birdan bilimdon, boy, mashhur, aqlli bo’lib qolmaydi. Bilimli bo’lishdan avval bilimsiz bo’lgan bo’ladi. Aqlli bo’lishdan avval aqlsiz bo’lgan bo’lishi mumkin.

Masalan, men avval ingliz tilini umuman bilmaganman. Hatto hoziram xato qilishim mumkin va bu men uchun oddiy holat.

O’zingizni asl holatingizni tan olsangiz yanada tezroq muvaffaqiyatga erishasiz deb hisoblayman.

Urinmang. Boshqalar sizdan kutganchalik bo’lishingiz shart emas. Xato qiling, erkin bo’ling. Shunchaki urinmang!

@FarrukhsJourney Ochish/sharhlash

2022-10-02 17:59:07 ​​Telefonimdagi rasmlar galereyasini ochaman. Ota-onamning bir necha yil avvalgi rasmlarini ko’raman. Rasmlarni tomosha qilar ekanman, ularning qarib borayotganini, sochlariga oq oralaganini his qilaman.

Yanada kuchli bo’lib tezroq muvaffqiyatlarga erishishimni, barcha maqsadlarimga ulgurishim zarurligini yana bir bor o’zimga ta’kidlayman…

@FarrukhsJourney Ochish/sharhlash

2022-10-01 22:34:01 O'zbekistonlik | 2-qism

Avvalgi qismini bir daqiqasini ham o’tkazmay ko’rgan edim. Bu safar ham juda professional tarzda ishlanibdi. Rosti bir soat qanday o’tib ketganini sezmay qolibman. Sizga ham ko’rishni tavsiya qilaman.





@farrukhsaliev Ochish/sharhlash

2022-09-28 21:35:26 #StoryTime

Bola boshidan…

Bu rasmda tahminan 6-7 yosh bo’lsam kerak, aniq bilmadim. Bolaligimdan kompyuterlarga juda qiziqardim. Uydagilar do’konga jo’natishganida ortib qolgan 50-100 so’mlarni yig’ib yurardim. Pul yig’ishim bilan kompyuterxonaga yugurardim. Esimda, o’sha paytlar kompyuterxonada 100 so’mga 15 minut o’yin o’ynasa bo’lardi. Kompyuter o’yinlariga shunchalik qiziqib ketgandimki, o’sha paytlardagi eng katta maqsadlarimdan biri tezroq pul yig’ib tezroq o’yin o’ynash edi.

Keyinchalik qiziqishim juda kuchli ekanligini dadam bilib menga shaxsiy kompyuter sovg’a qilgan edilar. O’shanda sinfdoshlarim orasida birinchi bo’lib men kompyuterli bo’lgan edim.

@FarrukhsJourney Ochish/sharhlash

2022-09-20 17:11:10 ​​#History

Xorazm haqida qiziqarli tarixiy faktlar

Shu kunlarda tarixga qiziqib, har xil tarixiy kitoblar o’qiyotganim bois o’zim bilmagan ko’p narsalarni o’rganayapman. Quyida Xorazm haqida ba’zi qiziq ma’lumotlarni keltirib o’taman.

O’zbekistonda hududidagi paydo bo’lgan bir nechta ilk elatlardan biri xorazmliklar edi. Ularning yurti yunon manbalarida Xorasmiya deyilgan.

Ahamoniylarga qarshi kurashgan massagetlar malikasi To’maris yoki sak qabilasidan Shiroqni eshitgan bo’lsangiz kerak. Qadimgi Xorazm miloddan avvalgi IV asrda ahamoniylar davlatidan ajralib mustaqillikka erishadi.

O’rta Osiyoga islom dini kirib kelishidan avval ko’pchilik Zardushtiylik diniga e’tiqod qilgan va u dinning vatani Xorazm bo’lgan.

Xorazm hududidan O’rta Osiyo bo’yicha eng qadimgi yozuvlar topilgan.

Dunyoning ko’plab yerlarini bosib olgan Makedoniyalik Aleksandr hukmronligi davrida Xorazm mustaqilligini saqlagan.

Xorazm qudratli Turk xoqonligi davrida ham siyosiy mustaqil bo’lgan.

Xorazmda IV–X asrlarda afrig’iylar sulolasi hukmronlik qilgan va o’sha payt davlat poytaxti Tuproqqal’a bo’lgan. X asrda esa ma’muniylar sulolasi hukmronligi boshlanadi va poytaxti ko’hna Urganchga aylanadi.

XIII asr boshida Xorazm juda katta maydonni egallagan buyuk davlatga aylanadi. Ulkan davlat poytaxti Urganch shahri edi, hukmdori esa Muhammad Xorazmshoh bo’lgan.

Mo’g’ullarga qarshi jasorat bilan kurashgan Xorazmshohlar davlatining so’nggi hukmdori Jaloliddin Manguberdi burnida xoli bo’lgani uchun Mankburni (mank - xol) nomi bilan atalgan, ammo keyinchalik talaffuzda Manguberdi bo’lib tanilgan.

Bu ma’lumotlar barchasi o’qigan kitoblarim asosida. Tarixda ko’plab qiziqarli voqealarni uchratishimiz mumkin. Ba’zida tarixiy qiziqarli voqealarni yozib tursam, bu fikrga nima deysiz?

@FarrukhsJourney Ochish/sharhlash

2022-09-17 17:44:31 #SCO2022Samarkand

Shanxay Hamkorlik Tashkiloti Samarqand sammiti dunyo oynai jahonlarida.

@FarrukhSaliev Ochish/sharhlash