FarPI Talabalar Kengashi

2022-09-01 13:40:09 Talabalar uchun Mustaqillik ta’lim granti

XushnudbekUz Telegram kanali O’zbekiston Respublikasi mustaqilligining 31 yilligi munosabati bilan jami 155 mln so'mlik ta’lim granti e’lon qiladi.

Grantning maqsadi: yuqori o’zlashtirish ko’rsatkichiga ega, ijtimoiy himoyaga muhtoj, yetim va chin yetim, nogironligi bor talabarning ta'lim olishi uchun moddiy yordam ko’rsatish;

Taʼlim granti haqida maʼlumot:

Qaysi OTMlar uchun: barcha davlat, nodavlat, diniy taʼlim muassasalari uchun

Qaysi bosqich uchun: bakalavriatning barcha bosqichi

Qaysi taʼlim shakli uchun: kunduzgi, sirtqi, kechki va masofaviy

Necha kishiga beriladi: 31 nafar (shundan 5 nafari TDYU talabalari uchun)

Taʼlim granti miqdori: har bir kishiga 5 mln so‘mdan (jami 155 mln so‘m)

Hujjatlar 30-sentabrgacha qabul qilinadi. Shundan so’ng jamoatchilik vakillaridan tuzilgan maxsus komissiya orqali g’oliblar aniqlanadi.

Onlayn ariza yuborish:
https://imkon.uz/metsenat/120

@MetsenatUz Ochish/sharhlash

2022-09-01 10:51:04 #tabrik

Aziz hamkasblar! Muhtaram do’stlar!Sizlarni xalqimizning eng ulug’, eng aziz bayrami – O’zbekiston Respublikasi Mustaqilligining 31 yilligi bilan samimiy muborakbod etaman!

Shunday qutlug’ damda yurtimizga tinchlik, barchangizga sihat-salomatlik, oilangizga farovonlik tilab qolamiz! 31 yildan buyon ajdodlarimiz uzoq yillar orziqib kutgan erkin va ozod mamlakatda yashayapmiz. Eng muhimi, mamlakatimiz mustaqilligini mustahkamlash va uning taraqqiy etgan davlatlar qatoriga qo’shilishiga o’z mehnatimiz bilan hissa qo’shmoqdamiz.

Bugungi kunda har bir sohada inson qadri ulug'lanib bormoqda. Aynan ta'limdagi keng ko'lamli islohotlar tobora ortyapti. Yangi O'zbekistonning ozod va obod bayrami yana bir bor muborak bo'lsin. Yangi O'zbekistonda el aziz, inson aziz tamoyili hamisha bardavom bo'lsin!

Hurmat bilan Farg'ona politexnika instituti rektori O'.R.Salomov

Telegram | Instagram | Facebook | Web sayt Ochish/sharhlash

2022-09-01 10:32:40 FarPIda umumiy sig‘imi 1900 nafar talabalarga mo‘ljallangan 5 ta talabalar turar joylari bo'lib, institut talabalarining 1/7 qismi TTJdan joy olishi mumkin.

Talabalar turar joyiga joylashish shartlari quyidagicha:

1. Faqat 1, 2 va 3-kurs kunduzgi ta’lim shaklida bakalavr ta’lim turida o‘qiyotgan talabalar TTJdan turar joy olishlar mumkin
2. Talabalar turar joyiga ehtyoji bor talabalar 5-sentyabrdan ariza bilan murojaat qilishi lozim
3. Talabalarni TTJga joylashtirish ushbu ketma-ketlikda amalga oshiriladi
imtiyozga ega bo‘lgan talabalar
1-kurs
2-kurs
3-kurs talabalari
4. Talabalar turar joyini talabalar o‘rtasida adolatli taqsimlash bo‘yicha institut ishchi guruhi tashkil etiladi va belgilangan ichki tartib-qoidalar asosida amalga oshiriladi

Eslatma: Imtiyozga ega talabalar bepul joylashtiriladi va imtiyoz mezonlari quyidagicha
temir daftarga kiritilgan oila farzandlari
nogironligi bo‘lgan talabalar
chin yetimlar
FarPI Yoshlar ittifoqi faollari

FarPI Talabalar Kengashi
t.me/farpistudentlife Ochish/sharhlash

2022-09-01 06:39:37 FarPI Talabalar Kengashi a'zolari MUSTAQIL O'ZBEKISTON xalqini 31 YOSHI BILAN tabriklaydi.

JANNATMAKON TINCH O'ZBEKISTONIMIZGA KO'ZLAR TEGMASIN.

Mustaqillik bayrami muborak boʻlsin, aziz yurtdoshlar!

Yurtimiz tinch osmonimiz musaffo, xalqimiz dasturxoni toʻkin-sochin boʻlsin!

Tinchligimizga koʻz tegmasin Ilohim!

@farpistudentlife Ochish/sharhlash

2022-09-01 06:36:55 Mustaqillik bayrami muborak boʻlsin, aziz yurtdoshlar!

Yurtimiz tinch osmonimiz musaffo, xalqimiz dasturxoni toʻkin-sochin boʻlsin!

Tinchligimizga koʻz tegmasin Ilohim!

@farpistudentlife Ochish/sharhlash

2022-09-01 06:15:17 #talabamizdan_tabrik

Ishonch
Shukr alloh bizga madadkor
Maqsad tomon yoʻlni boshlaymiz
Qiyinchilik hech ham qilmas kor
Ishonch ila qadam tashlaymiz

Oʻzbekiston kelajagi biz
Izlanuvchan ilmli yoshlar
Shijoatga ishonch bogʻlaymiz
Bilim katta kuchni bagʻishlar

Zafarlarni qucharmiz albat
Vatan uchun ayamay jonni
Soʻnmagaydir bizlardan jurʼat
Farzandimiz Oʻzbekistonni

Kimyo texnologiya fakulteti
98-20- guruh talabasi
Nosirov Oyatillo

@farpistudentlife Ochish/sharhlash

2022-08-31 19:09:58 Men doim aytganman va yana qaytaraman, biz uchun birinchi oʻrinda TAʼLIM, TAʼLIM va yana TAʼLIM turadi – Prezident

Shavkat Mirziyoyev oʻz nutqida davlatimizni rivojlantirishdagi 5 ta asosiy vazifalardan eng muhimi taʼlim ekanligini taʼkidladi.

"Farzandlarimiz zamonaviy bilim va koʻnikmalarni puxta egallashlari uchun eng qulay sharoitlar yaratishni izchil davom ettiramiz.

Buning uchun, maktablarning oʻquv dasturlari, oʻqitish uslubi, darsliklar mazmuni tubdan qayta koʻrib chiqiladi.

Ushbu tizim avval ilgʻor xorijiy mutaxassislar tomonidan ekspertizadan oʻtkazilib, keyingina hayotga tadbiq etiladi.

Barcha hududlarimizda, ayniqsa qishloq joylarda maktablar qurish, ularni malakali pedagog kadrlar bilan taʼminlash masalalariga alohida eʼtibor beramiz.

Ustoz va murabbiylar mehnatini ragʻbatlantirish borasidagi ishlarimizni yangi bosqichga koʻtaramiz.

Imkoniyati cheklangan bolalar uchun inklyuziv taʼlimni har tomonlama rivojlantiramiz”, – dedi davlatimiz rahbari.

Telegram | Instagram | Facebook| You Tube Ochish/sharhlash

2022-08-31 19:09:58 Prezident Shavkat Mirziyoyev Oʻzbekiston Respublikasi davlat mustaqilligining oʻttiz bir yilligiga bagʻishlangan tantanali marosimda ishtirok etib, nutq soʻzladi.

Davlatimiz rahbar soʻzining avvalida butun xalqimizni ulugʻ ayyom – Mustaqillik kuni bilan tabrikladi.

“Oradan yillar, asrlar oʻtadi. Lekin milliy davlatchiligimizni, oʻzligimiz va insoniy haq-huquqlarimizni tiklab bergan, barcha yutuq va marralarimizning zamini boʻlgan Mustaqillik kuni biz uchun, kelgusi avlodlarimiz uchun doimo eng ulugʻ, eng aziz bayram boʻlib qoladi”, – dedi Prezident.

Telegram | Instagram | Facebook| You Tube Ochish/sharhlash

2022-08-31 18:08:16 #talabamizdan_tabrik

O'TTIZ BIR YOSH QUTLUG', EY O'ZBEKISTON!

(Tinch va osoyishta vatanimizning 31 yoshiga bag'ishlanadi.)

Vatan deganimda titraydi tilim,
Quvnaydi nomingni so'zlasam dilim.
Borliging his qilib yashayman omon,
O'ttiz bir yosh qutlug', Ey O'zbekiston!

O'zbegim qonimda jo'sh urar g'urur,
Tuprog'ing har zari men uchundir dur.
Boshimni tik tutib, aytayin mag'rur,
O'ttiz bir yosh qutlug', Ey O'zbekiston!

Borimsan, yo'g'imsan, sen ota-onam,
Osmoning musaffo, porloq nurxonam.
Yurtlar ichra sensan ganj-u durdonam,
O'ttiz bir yosh qutlug', Ey O'zbekiston!

Sen uchun jon berar har bir o'gloning,
Kuragi yer ko'rmas hech bir polvoning.
O'zbek deb tan oldi butun jahoning,
O'ttiz bir yosh qutlug', Ey O'zbekiston!

Men ham o'g'loningman Ona vatanim,
Senga jonim fido, fidodir tanim.
Yo'latmam poyingga birorta g'anim,
O'ttiz bir yosh qutlug', Ey O'zbekiston!

Yaratgan nur sochdi obod yo'llarga,
Go'zallik qo'shildi to'lib nurlarga.
Bulbullar soladi vasfing kuylarga,
O'ttiz bir yosh qutlug', Ey O'zbekiston!

Vatanim bog'ingga hayrat yor bo'lsin,
Bag'ringda butun xalq quvonchga to'lsin.
Hamisha yashnagin sen nurli bo'ston,
O'ttiz bir yosh qutlug', Ey O'zbekiston!

Muhammad Diyor

2022-yil. 17-avgust

P/S: Mustaqilligimizning 31yilligi muborak bõlsin azizlar. Tinch va osoyishta o'lkamizga hech kimsaning ko'zi tegmasin.

@Shoir_Muhammadiy | She'riy kanal

@farpistudentlife Ochish/sharhlash

2022-08-31 17:34:10 https://t.me/YaypanFargonataksi Ochish/sharhlash