Xalq deputatlari Farg‘ona viloyati Kengashi kotibiyati

2022-07-06 07:39:04 Ташаббусли бюджет натижалари ижроси депутатлар назоратида

Мамлакатимизда ташаббусли бюджет жараёни натижалари бўйича амалга оширилаётган ишлар жамиятдаги мавжуд ижтимоий муаммолар ечилишида муҳим аҳамият касб этмоқда.

Учкўприк туманида ҳам ташаббусли бюджет асосида олиб борилаётган ишлар ҳудуд ижтимоий ва иқтисодий ҳолатини янада мустаҳкамлашга хизмат қиляпти. Жорий йилнинг 1 апрель куни «Ташаббусли бюджет» лойиҳасининг илк мавсуми якунланиб, ғолиблар эълон қилинди.

Учкўприк туманидаги "Ғози Ғиждон" маҳалла фуқаролар йиғини Шўх қишлоғи аҳолиси ҳам мазкур лойиҳада фаол иштирок этиб, ўз ташаббусларининг ғолиблар қаторидан ўрин олишига эришди.

Шўх қишлоғи ҳудудидаги Маърифат кўчасида 10-умумий ўрта таълим мактаби ва болалар боғчаси жойлашган. Ички йўлларнинг таъмирга муҳтожлиги, ёзда чанг, қишда лой бўлиши маҳалла аҳолисини ҳамда мактаб ўқувчиларини узоқ йиллардан бери қийнаб келарди. Бугун ушбу муаммога ҳам ташаббусли бюджет жараёни ечим бўлди.

Қишлоқ ички йўлларини асфальтлаш юзасидан билдирилган таклифга 4 минг 369 та овоз берилди. Ушбу ташаббусни амалга ошириш учун 663 миллион сўм маблағ ажратилди. Айни вақтда ушбу маҳаллада 1 минг 600 метр ички йўлларни таъмирлаш ва асфальтлаш ишлари олиб борилмоқда.

Каналга уланиш: @farkotibiyat Ochish/sharhlash

2022-07-06 07:38:36 Ochish/sharhlash

2022-07-04 16:00:02 Бугун Фарғона давлат университети катта мажлислар залида “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Конституциявий Қонун лойиҳаси бўйича тарғибот тадбири ўтказилди.
Вилоят фаоллари иштирокидаги тадбирда Олий мажлис Сенати аъзоси М.Салимова, вилоят Солиқ бошқармаси бошлиғи А.Тилаволдиев, вилоят Маҳалла ва нуронийларни қўллаб-қувватлаш бошқармаси бошлиғи Б.Холиқовлар ўз маърузалари билан иштирок этишди.
Маърузаларда Конституциямиз тарихи, бугунги кундаги юртимизда олиб борилаётган ислоҳотлар ҳамда давлатимиз раҳбари томонидан илгари сурилган устувор йўналишлар ҳақида маълумотлар берилди.

Каналга уланиш: @farkotibiyat Ochish/sharhlash

2022-07-04 15:07:18 Тинчлигимиз – бебаҳо бойлигимиз
Қорақалпоғистонда рўй берган оммавий тартибсизликлар албатта, ҳар бир фуқарони ўйлантириб қўйди. Шукрки, юртбошимизнинг оқилона сиёсати туфайли тушунмовчилик барҳам топди, кўнгилсизликнинг олди олинди. Улар Нукусда бўлиб, аҳоли вакиллари ва фаоллар билан суҳбатлашиб, вазиятга ойдинлик киритди.
Ўзбекистон Республикаси Конституциясини такомиллаштиришга қаратилган жараён бошланганидан буён кўплаб инсонлар турлича фикр-мулоҳазалар билдиришди. Ҳар ким ўз қаричи билан ўлчашга ҳамда баҳо беришга ҳаракат қилди. Аммо ривожланаётган мамлакатимиз бош Қомуси ўзгариш ва янгиланишларга муҳтож эди. Чунки замон шиддат билан ривожланмоқда. Одамлар ўзгаряпти. Халқаро ҳамжамиятдаги ўрнимизни янада мустаҳкамлаш учун бу жуда зарур. Шу ўрнида моддаларда акс этаётан турли мезонлар ҳам бугунги кун талабидан келиб чиқиб, белгиланган. Жараённи фуқароларга тушунтириш, уларга ўзгартиришлар киритиш сабабларини етказиш учун юртимиз бўйлаб, маҳалла ва ташкилотлар кесимида тушунтириш ишлари олиб борилди. Таклифлар йиғилди. Муносабатлар тингланди.
Конституция – бу халқ маҳсули. Фуқаролар хоҳиш-иҳтиёрига биноан жараён ўз амалий ифодасига эга бўлади. Қардош халқимизнинг истаги эса албатта, устувордир.
Лекин, бу ҳолат барчамизни ҳушёрликка чақирди. Чунки ватанимиз, тинчлиги, фаровонлигига кўз тиккан ғараз ниятли кимсалар пайтдан фойдаланиб, нифоқ уруғини сочишга ҳаракат қилдилар ва шукурки бунга эриша олмадилар.

Шуни унутмайликки, кўп миллатли юртимизнинг бойлиги унинг ҳамжиҳатлиги. Уни кимлардир ёлғонлар билан барбод қилиши ёки тинчлигимизга раҳна солишига йўл қўймаслигимиз керак. Зеро, юртбошимиз айтганларидек, “Янги Ўзбекистонни жонажон халқимиз билан биргаликда қурамиз!

Манзура Салимова
Ўзбекистон Республикаси Олий Мажлиси Сенатининг "Фан, таълим ва соғлиқни сақлаш масалалари қўмитаси аъзоси.

Каналга уланиш: @farkotibiyat Ochish/sharhlash

2022-07-04 15:07:15 Ochish/sharhlash

2022-07-02 10:40:59 Тошлоқ туман ҳокимлигида "Ўзбекистон Республикаси Конституциясига ўзгартириш ва қўшимчалар киритиш тўғрисида"ги Конституциявий қонун лойиҳаси бўйича тарғибот тадбири ўтказилди.
Ҳокимлик ходимлари қатнашган тадбирда Олий Мажлис Сенати аъзоси М.Салимова ўз маърузаси билан иштирок этди. Маърузада иштирокчиларга конституциямиз тарихи, давлатимиз раҳбари томонидан конституциявий комиссия аъзолари билан бўлиб ўтган учрашувда илгари сурилган устувор йўналишлар ҳақида маълумот берилди.
Тадбир иштирокчилар Бош қомусимизга киритилаётган ўзгартириш ва қўшимчалар юзасидан ўз мулоҳазаларини билдиришди.

Каналга уланиш: @farkotibiyat Ochish/sharhlash

2022-07-01 17:38:49 Бугун Олий Мажлис Сенати аъзоси М.Салимова Қува туманида бўлиб, туман халқ таълими бўлимида, туман мактабгача таълим ташкилотида соҳа вакиллари, шунингдек туман тиббиёт бирлашмасида тиббиёт ҳодимлари билан учрашув ўтказди. Бахтимиз қомусини такомиллаштириш, умумий изохланган ва сўнги йилларда кўплаб бахс-мунозараларга сабаб бўлаётган моддаларга қўшимчалар киритилиши, “Инсон қадри учун” тамойили асосида халқ манфаатларига хизмат қилишини таъмин этувчи кўплаб ўзгаришлар ҳақида иштирокчиларга батафсил маълумот берилди. Бу ўринда оила мустаҳкамлиги, фарзанд тарбияси ва уни ҳар жихатдан соғлом ва баркамол этиб тарбиялаш, малакали тиббий хизматдан фойдаланиш, таълим олиш борасидаги муҳим омиллар моддаларда батафсил изохланганлиги таъкидланди.

Каналга уланиш: @farkotibiyat Ochish/sharhlash