2020-10-04 17:13:30
Ibratli voqea...
Bir kuni shahar koʻchalaridan birida ulovim bilan ketayotgan edim. Bir-ikkita yigit qoʻl koʻtardi. Toʻxtab, ularni ulovimga mindirib oldim. Yoʻlda ketayotganimizda ular oʻzaro ichkuyov mojarolari toʻgʻrisida gapirib qolishdi. Oʻz-oʻzidan men ham suhbatga qoʻshilib:
– Hoy yigitcha, uylanganmisiz, oilangiz bormi? – desam:
– Ha, uylanganimga bir hafta boʻldi – dedi.
– Ichkuyovmisiz? – deb soʻradim. U esa bir sapchib tushib:
– Nima deyapsiz? Xudoga shukr, ichkuyov emasman – dedi.
Men unga qarata:
– Egningizdagi kostyum-shimni kelin olib berganmi? Koʻylakni-chi? Ichkiyimlaringiz, hatto oyogʻingizdagi tuflini ham kelin olib bergan boʻlsa kerak-a? – desam:
– Ha, shunaqa… – deb javob berdi.
Yana unga:
– Hozir uyingizga borsangiz, u yerdagi barcha jihozlar, koʻrpa-toʻshak, yotoq uchun divan, gilam, parda, idish-tovoqlar barchasi kelin tarafdan keltirilgan boʻlsa kerak? Endi nima deysiz, siz ichkuyov boʻlmasdan kim ichkuyov boʻlishi mumkin? Oʻzingizcha ichkuyov degani faqatgina kelinning ota-onasi yashaydigan hovli-joyga borib, ular bilan birga yashashga aytiladi deb oʻylaysizda, a?
Yigit sukutda qoldi, zero bu savolga javob berolmasdi...
156 viewsAbdiyeva Shahribonu, edited 14:13
F
