Тушкунликка тушманг, азизим, Хали қуёш ботмоқчи, холос. Жилва | Farida Afro'z official
Тушкунликка тушманг, азизим,
Хали қуёш ботмоқчи, холос.
Жилва қилар шафаққа қаранг,
У борлиққа ёқмоқчи, холос.
Тушкунликка тушманг, азизим,
Эртамиз бор, кунларнинг куни.
Ахир умид бор-ку, оромваш,
Ахир қанча кутганмиз уни?!
Тушкунликка тушманг, азизим,
Пайти келди, яшамоқ пайти.
Ахир биз ҳам одаммиз, ахир,
Худо дедик, акс-садо қайтди.
Тушкунликка тушманг, азизим,
Қисмат экан бу ажиб савдо.
Ҳар лаҳзамиз ишққа топширдик,
Бу ёғига таваккал, илло!
Фарида АФРЎЗ
@Farida_Afroz
@Ahmadi_Everest
