Farg‘ona viloyati maktabgacha va maktab ta'limi |Ijtimoiy tarmoqdagi yangiliklar

2022-08-31 14:37:23 Mustaqillik bayrami tuhfasi: Quvasoyda 422 о‘rinli zamonaviy maktab binosi foydalanishga topshirildi.

Mustaqillik bayrami arafasida viloyatimizda foydalanishga topshirilayotgan yuzlab obyektlar qatorida Quvasoy shahar Bo‘ston mahallasida “Obod mahalla” Davlat dasturi doirasida 819 mln so‘m mablag‘ evaziga qad rostlagan 422 o‘ringa mo‘ljallangan 22-umumiy o‘rta ta’lim maktabi foydalanishga topshirildi.

Unda shahar hokimi Z.To‘raqulov, xalq ta’limi bo‘limi mudiri I.Muminov, shahar hokimining tegishli о‘rinbosarlari, sektor rahbarlari, MFY raisi hamda keng jamoatchilik vakillari ishtirok etdilar.

Shahar hokimi Z.To‘raqulov so‘z olib, yurtimizda “Yangi O‘zbekistonda, el aziz, inson aziz” shiori ostida “Inson qadri uchun” olib borilayotgan islohotlar, ta’lim sohasiga berilayotgan e’tibor to‘grisida to‘xtalib, barchani Mustaqillik ayyomi bilan tabrikladi.

https://t.me/FargonaviloyatXTB Ochish/sharhlash

2022-08-31 13:07:56 Yangi o‘quv yilini bizning kitob bilan boshlang!

Kitob uch bo‘limdan iborat;

A-bo‘lim: Nisbatan osonroq 200 ta savol;
B-bo‘lim: Nisbatan qiyinroq 200 ta savol;
C-bo‘lim: 200 ta IQ test.

Innovatsion kitobda har bir test yakunida nafaqat javoblarini, maxsus QR kod orqali video yechimlari bilan ham tanishishingiz mumkin.

Kitob Prezident va ixtisoslashgan maktab imtihonlariga tayyorgarlik ko'rayotgan o'quvchi va ularning ustozlari uchun ajoyib qo'llanma tarzida xizmat qiladi.

To‘plam Xalqaro matematika olimpiadalari g‘oliblari tomonidan yaratilgan.

Murojaat uchun +998939290006 (@khiso_lc_admin) Ochish/sharhlash

2022-08-31 11:28:12 TABRIKLAYMIZ
Mustaqilligimizning 31 yillik bayrami arafasida viloyat xalq talimi boshqarmasi tizimida fidokorona mehnati qilayotgan bir qator ta'limi xodimlari Xalq talimi vazirligining tarmoq mukofoti "Xalq talimi a'lochisi" ko‘krak nishoni bilan mukofotlandilar.

Taqdirlanganlar qatorida viloyat xalq talimi boshqarmasi Pedagogik-psixologik tashxis faoliyatini tashkil etish sho'basi rahbari Xadiyatullayev Qahramon Adhamovich ham bor.

Qahramon Adhamovichni ushbu e'tirof bilan tabriklaymiz va kelgusi ishlarida omadlar tilab qolamiz.

Farg‘ona viloyati xalq ta’limi boshqarmasi axborot xizmati. Ochish/sharhlash

2022-08-31 10:31:15 250 нафар ўқувчига бепул мактаб формаси берилди

Учкўприк туманида Мустақиллигимизнинг 31 йиллик тантаналари арафасида “Янги Ўзбекистонда эл азиз, инсон азиз” шиори остида маънавий-маърифий тадбирлар ўтказилмоқда.

Мазкур тадбирлар доирасида кам таъминланган оила фарзандларига бепул ўқув қуроллари олиб берилмоқда.

Ана шундай тадбирлардан бири куни кеча тумандаги 15-мактабда ўтказилди.

Унда туман ҳокими, сектор раҳбарлари, туман халқ таълими бўлими, жамоатчилик вакиллари, умумий ўрта таълим мактаблари ўқувчилари ва уларнинг ота-оналари иштирок этди.

Тадбир давомида эҳтиёжманд оилалар фарзандларига бепул мактаб формалари топширилди.

Шу куни туманда 250 нафар ўқувчи-ёшларга мактаб формалари беминнат олиб берилди.

Аввалроқ тумандаги халқ таълими тизимидаги муассасаларида самарали меҳнат қилаётган фидойи ходимларнинг 100 нафар фарзандларига бепул ўқув қуроллари ва мактаб анжомлари топширилган эди.

Фарғона вилояти халқ таълими бошқармаси ахборот хизмати. Ochish/sharhlash

2022-08-31 06:36:55 Бугун ҳамма ходимлар 1 соат вақтли кетиши керак!

Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эртага 1 сентябрь — Мустақиллик куни, яъни ишланмайдиган байрам куни. Демак, бугун ишга чиққан барча ходимлар 1 соат вақтлироқ уйига кетишига қонуний ҳаққи бор.

https://t.me/FargonaviloyatXTB Ochish/sharhlash

2022-08-30 21:05:41 FARG‘ONADA YANA BIR YANGI MAKTAB  FOYDALANISHGA TOPSHIRILDI

Bugun Farg‘ona tumanining chekka qishlog‘ida joylashgan “Navro‘z” mahalla fuqarolar yig‘ini hududida yangitdan qad rostlagan 660 o‘rinli 63-ta’lim maskanining tantanali ochilish marosimi bo‘lib o‘tdi.

Mazkur umumta’lim maktabining ishga tushirilishi pedagog-o‘qituvchilar, o‘quvchilar va ota-onalar uchun chinakam bayramga aylanib ketdi.

Yangi zamonaviy maktab davlatimiz tomonidan ajratilgan 16 milliard so‘mdan ortiq mablag‘ hisobiga bunyod etildi. 4 qavatdan iborat maktabda 3 ta texnologiya xonasi, 132 o‘rinli oshxonasi, sport zali, faollar zali bo‘lib, mavjud 23 ta sinf xonalari esa zamonaviy qulayliklarga ega.

Yangi maktabga 30 nafar o‘qituvchilar tanlov asosida ishga qabul qilindi.

Tantanada viloyat hokimining o‘rinbosari Hojiqo‘zijon Isaqov, viloyat xalq ta’limi boshqarmasi boshlig‘i Sherzod Dolimov hamda jamoat tashkilotlari vakillari va mahalla faollari ishtirok etishdi.

Farg‘ona viloyati xalq ta’limi boshqarmasi axborot xizmati. Ochish/sharhlash

2022-08-27 21:38:26 Mandat e’lon qilindi

Bakalavriatga kirish imtihonlari natijalari chiqdi. Natijalarni 4 xil usulda masofadan, bepul bilish mumkin.

my.dtm.uz sayti orqali;

mandat.dtm.uz sayti orqali;

Abituriyent ruxsatnomasidagi QR-kodni skanerlar orqali;

Quyidagi Telegram-botlarga abituriyentning ID-raqamini yuborish orqali:

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

https://t.me/FargonaviloyayXTB Ochish/sharhlash

2022-08-27 19:36:28 “UMID NIHOLLARI-2022” SPORT MUSOBAQALARINING GʻOLIBLARI TAQDIRLANDI

Bugun viloyatimizning umumiy o‘rta taʼlim maskanlarida tahsil olayotgan 7-8-9-10-11-sinf oʻquvchilaridan iborat terma jamoalar ishtirokida oʻtkazilgan “Umid nihollari” sport musobaqalarining viloyat bosqichi gʻoliblarini taqdirlash marosimi boʻlib oʻtdi.

Joriy yilning 5-yanvarida sport musobaqasining dastlabki bosqichlariga start berilgan edi. Aprel oyining avvalida viloyat bosqichi oʻtkazildi. Sportning 11 ta turida bahs olib borgan gʻolib oʻquvchi yoshlar bugun tantanali tarzda taqdirlandilar.

Umumjamoa hisobida faxrli 3-oʻrinni Qo‘qon shahar oʻquvchilar, 2-oʻrinni Bag‘dod tumani yoshlari egalladi. Ishtirokchilarning barchasiga xalq taʼlimi vazirligi, viloyat hokimligi va viloyat xalq taʼlimi boshqarmasining qimmatbaho sovgʻalari topshirildi.

Viloyat hokimi Xayrullo Bozorov umidli yosh sportchilarni erishgan gʻalabalari bilan tabriklab, umumjamoa hisobida birinchi oʻrinni egallagan Beshariq tumani jamoasiga bosh sovrin – “Damas” avtomobilini tantanali ravishda topshirdi.

Umuman, nufuzli sport anjumanida 509 nafar gʻolib oʻquvchilarga (166 noutbuk, 166 smart televizor) noutbuk va smart televizor hamda ularning 177 nafariga velosipedlar taqdim etildi.

Farg‘ona shahridagi Farg‘ona davlat universitetining sport oʻyingohida tashkil etilgan tantanali taqdirlash marosimida viloyat va barcha tuman va shahar hokimlari, viloyat xalq taʼlimi boshqarmasi mutasaddilari ishtirok etdi.

Tadbir soʻngida namoyish etilgan konsert dasturi esa barchaga birdek zavq bagʻishladi.

Farg‘ona viloyati xalq ta'limi boshqarmasi matbuot xizmati. Ochish/sharhlash

2022-08-27 19:35:50 Ochish/sharhlash

2022-08-27 10:14:36 Quvasoy shahrida "Ustozlar milliy forumi" bo‘lib o‘tdi Ochish/sharhlash