Dildagi gaplar!

2023-05-15 02:07:04 Channel's group Ochish/sharhlash

2023-05-15 01:29:39 Sokin sohillar

Dil orom topishni xayol qilganda
Ko'zlar yumilarkan dilga bo'ysunib.
Xotirlar jonlanib xiyol osuda
Orzular sham misol borarkan so'nib.

Orzu aylagandi go'zal bir gulni
Emasdi olisda yaqin ham emas.
Hushnud aylab asir etganda o'yni
Boshqa hech bir bo'ylar undek tuyulmas.

Pinhona sayladi qalbiga oshiq
Malikam bo'lar deb orzu o'yladi.
Qasri qalbi bilan tutganda shodlik
Oshiq muhabbatdan doston so'yladi.

Ertakdek o'tardi sog'inchli kunlar
Taskin edi dilga birgina visol.
Vakil edi qalbga sokinli tunlar
Muhabbat qalbdagi edi nav nihol.

Qiyosi yo'q edi yorning nigohi
Ko'zlar qamalganda kishanlar aro.
Bir gina so'z kelmas yo'qdir panohi
Visol sukunati ajib bir navo.

Vaqtning shidatila o'tardi kunlar
Gulning go'zalligi tillarda doston.
Qaydan ham bilardi ul oshiq qalblar
Ayriliq yaqinu, sevgisi mehmon.

Bog' aro bir kuni quturdi bo'ron
Oshiq gullar ichra gulin izladi.
Topmadi uni lek izladi o'rmon
Ko'z yoshsiz bog' ichra sassiz yig'ladi.

Dil orom topishni orzu qilganda
Qo'rquv solar unga yaqin xotirlar.
Armon bo'ldi orom, ozor yetkanda
O'tmishda qoldi ul sokin sohillar. Ochish/sharhlash

2022-02-13 15:31:56 Salooom Ochish/sharhlash

2022-02-13 15:24:55 Ishonsang qaniydi mening sevgimga.

Kun payon yetganda ariq bo'yida,
Zilol suv oqizmish mitti yoshlaring.
Parivash yig'lama, chimirma aslo
Meni maftun etgan qaro qoshlaring.

O'ylamay bafurcha qalbingdan tonding,
Ergashding ozorim soxta gaplarga.
Vaqt edi bepayon nega ham shoshding,
Ishonsang yetardi mening sevgimga.

Esarkan har lahza yovvoyi epkin,
Gullar atrin boshqa bog'larga eltib.
Shunda o'z bog'ini qoldirib yolg'iz,
Gul yaproqlari ba'zan qolarkan ketib.

Bir lahza nigohing tutqun etganda,
Quvonsang biram zavq berar qalbimga.
So'zlarim unutding, kutmading biroz,
Ishonsang yetardi mening sevgimga.

Kamina Ochish/sharhlash

2022-02-13 15:20:27 Biz ikkimiz...

Tonglar sensiz otmoqda
Kunlar sensiz o'tmoqda
Soyalaring aks etgan
Soylar seni kutmoqda.

Visol endi gumondir
Ishqim hanuz omondir.
Ishqsizlar holi yaxshi
Bizlar esa yomondir.

Sevib sevilmay kuygan
Sog'inchdan qalbi to'ygan
Qanotsiz parvozlar xo'p
Oshiq jismini o'ygan

Tongim nurni kutmoqda
Ishqim sening tomondir .
Dunyolar bo'lsin yaxshi
Biz ikkimiz yomondir.

2021 ci yilgi gaplar Ochish/sharhlash

2022-02-13 15:17:58 Bo'ydoqlar uchun maxsus!

Yosh emasmiz endi biz
Sho'xliklar ortda qoldi
Hanuz chiqmas tengimiz
Bo'yimiz yetib qoldi.

Go'yoki biz tengilar
Bobo bo'lib qolibdi.
Yoshim yegirma beshda
Shu hol aqlim olibdi.

Atrofda yosh qizchalar
Biram chiroyli bari.
Lek bizga parvo qilmas
Ularchun bizlar qarri.

Kulisharmish ko'rganda
Mahalla ayollari.
Sabab bormikan arzir
Qayerda xayollari.

O'zimdan katta bari
Akalarim bor bo'ydoq.
Ular ham ishqdan nari
Bizga yo'l bo'lsin bundoq.

Va'da berdim o'zimga
Busiz ko'ngil to'lmaydi.
Shu yoz yo erta kuzda
Uylanmasam bo'lmaydi.


Bo'ydoqlarga jo'natamiz sekin! Ochish/sharhlash

2022-02-13 14:57:09 Ona...!

Biroz g'amga toldimman ona
Yo'q yo'q menda hammasi yaxshi.
Siz xavotir bulmang xop yana
O'qishlarim ishlarim yaxshi.

Tushlarimga kirmay qo'ydingiz
Sizni juda sog'indim ona.
Yolg'izlatib qayga ketdingiz
Sizsiz kunlar o'tmas g'amxona.

Telefonimni olaman qo'lga
"Onam" degan raqam teraman.
Qo'ng'iroqni olmaysiz nega.
Qayta terib uzoq kutaman.

Rasmingizga boqaman takror
Ovozingiz eshitgim kelar.
Aytolmasman sog'inchim bisyor
Shu azobim qalbim kemirar.

Onamga ...! Ochish/sharhlash

2020-08-09 19:22:40 Ochish/sharhlash

2020-08-02 10:44:12 Ochish/sharhlash

2020-08-01 09:50:35 ***

Sahar chog' ohista titrab yaproqlar,
Shabnamning boliga sarxo'sh bo'libdi.
Tunda oydan bo'sa olgan irmoqlar,
Yaproqlar holiga sirdosh bo'libdi.

Balki shabnam ekan biroz bevafo,
Ketib qoldirarkan o'rnidan izlar.
Bulutlar zahmidan chekiblar jafo,
Hilolin izlarkan kunduz irmoqlar. Ochish/sharhlash