Evrika Education💡

2022-07-08 07:48:34 Assalomu Alaykum!

Muborak Hayit Arafasi munosabati bilan 8-iyul Juma kungi darslarimiz soat 14:00 dan keyin to'xtatiladi.

“Qurbon Hayiti” ayyomi, 9-10 iyul kunlari dam olish kuni.

Evrikada darslar 11-iyul Dushanba kuni soat 06:00 dan boshlanadi.

Barchaga kirib kelayotgan "Qurbon hayiti" bayrami qutlug’ bo’lsin!

P.s: Yakshanba kuni darslar bo‘lmaydi. DTM sinovi bo'lib o'tadi.

@Evrika_education Ochish/sharhlash

2022-07-07 11:49:28 #мулоҳаза

— Кел ўғлим. Қаршимга ўтир, сендан бир нима сўрамоқчиман.
— Тайёрман, устоз.
— Мавжудотлар нечага бўлинади?
— 4 га бўлинади.
— Менга хатодек туйиляпти, майли сана-чи, бўтам.
— Ўсимликлар, ҳайвонлар, инсонлар ва болалар...
— Болалар инсон эмасми, ўғлим?
— Ҳақсиз, устоз. Адашмасам, мавжудотлар учга бўлинади.
— Яхши, қани бошқатдан сана-чи, ўғлим.
— Ўсимликлар, ҳайвонлар ва гўдакларга.
— Ўғлим инсонларга нима бўлди?
— Қалбини севги билан ёшартириб, яшай олгани болалигича қолади, қолгани эса ҳайвонга айланади, устоз...

@Evrika_education Ochish/sharhlash

2022-07-06 21:04:04 Evrika Education pinned a photo Ochish/sharhlash

2022-07-06 21:02:56 DTM imtihonlarida tushadigan qiyinlik darajasi eng yuqori test savollari qanday boʻladi?

Xabar berganimizdek, bu yilgi kirish imtihonlarning 15% testlari murakkab darajadagi testlar boʻladi.

Maʼlumotlarga koʻra, DTM test topshirigʻi hozirda qiyinlik darajasi asosida tuziladi:

1-qiyinlik daraja – abituriyentning xotirlash qobiliyatini aniqlovchi, fanga oid u qadar murakkab boʻlmagan bir necha atama, hodisa, qoida yoki qonuniyatni bilishni talab qiluvchi daraja;

2-qiyinlik daraja – abituriyentdan tahlil qila olish va mantiqiy fikrlashni, fanga oid ikki-uch atama, hodisa, qoida yoki qonuniyatni bir vaqtda qoʻllay bilishni talab qiluvchi daraja;

3-qiyinlik daraja – abituriyentning toʻgʻri javobni topish uchun zarur boʻlgan uch va undan ortiq atama, hodisa, qoida va qonuniyatlarni bir-biriga bogʻlab ishlata olish qobiliyatini, shuningdek, mantiqiy fikrlashni talab qiluvchi daraja.

@Evrika_education Ochish/sharhlash

2022-07-06 21:02:56 #Qabul2022
Chet tilidan kasbiy (ijodiy) imtihon o‘tkaziladigan ta’lim yo‘nalishlari

Mazkur ta’lim yo‘nalishlariga kirish uchun chet tilidan kasbiy (ijodiy) imtihonlar B1 darajasi formati va baholash mezonlari asosida o‘tkaziladi.

Chet tilidan kasbiy (ijodiy) imtihon topshirgan abituriyentlarga OTMlarga kirish test sinovlarida chet tili fanidan belgilangan maksimal ballga nisbatan foiz hisobida tabaqalashtirilgan (proporsional) ball beriladi.

Chet tilidan kasbiy (ijodiy) imtihon topshiriladigan yo‘nalishlarni tanlagan abituriyentlarga faqat yuqorida keltirilgan 6 ta OTMning tegishli ta’lim yo‘nalishlari doirasida beshtagacha ta’lim yo‘nalishlarini tanlash imkoniyati beriladi.

Bunda, chet tili fanidan kasbiy (ijodiy) imtihon topshiradigan abituriyentlarga chet tili fanidan test sinovlari topshiriladigan ta’lim yo‘nalishlarni tanlashga yo‘l qo‘yilmaydi.

@Evrika_education Ochish/sharhlash

2022-07-06 21:02:56 #Qabul2022
Alohida iqtidor talab etiladigan bakalavriat ta’lim yo‘nalishlari ro‘yxati

Alohida iqtidor talab etiladigan bakalavriat ta’lim yo‘nalishlariga o‘qishga qabul qilishda abituriyentlar uchun kasbiy (ijodiy) imtihonlardan tashqari majburiy uchta fan:

ona tili (o‘zbek, rus yoki qoraqalpoq tili);
matematika;
O‘zbekiston tarixi fanlari bo‘yicha Davlat test markazi tomonidan test sinovlari o‘tkaziladi.

@Evrika_education Ochish/sharhlash

2022-07-06 21:02:56 #Qabul2022
Yangi tashkil etilgan ta’lim yo‘nalishlari va ularga mos fanlar majmuasi

Davlat oliy ta’lim muassasalariga o‘qishga qabul qilish jarayonlarini muvofiqlashtirish bo‘yicha davlat komissiyasining 1-son bayoni bilan 2022-2023-o‘quv yilida tashkil etilgan bakalavriat ta’lim yo‘nalishlari ro‘yxati va ularga mos test sinovi (kasbiy (ijodiy) imtihon) topshiriladigan fanlar majmuasi tasdiqlandi.

@Evrika_education Ochish/sharhlash

2022-07-06 21:02:56 #Qabul_2022

Rasman: 2022-2023-o‘quv yilida oliy ta’lim muassasalarining bakalavriatiga kirish test sinovlari stadion va xiyobonlarda o‘tkaziladi.

Ma'lumot o'rnida Namangan viloyatida test sinovlarini 4 ta o'yingohda o'tkazish rejalashtirilgan. Bular:

Barkamol avlod sport majmuasi o'yingohi
Namangan shahar, Istiqlol ko'chasi, 3-uy

IIV ga qarashli "Dinamo" o'yingohi
Namangan shahar, G'alaba ko'chasi

"Navbahor-umid" o'yingohi
Namangan shahar, 5-kichik tuman

"Yoshlik" o'yingohi
To'raqo'rg'on tumani, S.rahimov ko'chasi, 1-uy

@Evrika_education Ochish/sharhlash

2022-07-06 21:02:56 ABITURIYENTLAR DIQQATIGA

Joriy 2022/2023 o'quv yilgi 5 blokli test sinovlarida foydalaniladigan javoblar varaqasi (Titul) na'munasi

Ushbu javoblar varaqasini chop eting va uni to'g'ri to'ldirishni hozirdan mashq qilishni boshlang!

Esingizda bo'lsin, bo'yaganda doiradan tashqariga chiqmang;

Doira ichini to'liq bo'yalmasligi ham xato;

Xato qilib belgilagan doirani "teshish" mumkin emas;

Skaner teshilgan javobni baribir xato deb hisoblaydi

Bitta testga javob sifatida birdaniga ikki yoki undan ortiq doirani bo'yash mumkin emas. Bu ham xato va buning uchun hech qanday ball berilmaydi.

Eng yomoni, xato qilganingiz uchun sizga yangi titul berilmaydi!

@Evrika_education Ochish/sharhlash

2022-07-06 21:02:56 2022/2023 o'quv yilida xorijiy va nodavlat oliy ta'lim muassasalaridan respublika davlat oliy ta'lim muassasalariga talabalar o'qishini ko'chirish uchun o'tkaziladigan maxsus sinovlar bo'yicha o'tish ballari.

Xorijiy oliygohlar va yurtimizdagi xususiy oliygohlardan davlat oliygohlariga o'qishni ko'chirish uchun talabalar 5 ta fandan imtihon topshiradilar. Bular:

2 ta mutaxasislik fanlari
3 ta majburiy blok fanlari

@Evrika_education Ochish/sharhlash