eurosoft.uz | Rasmiy kanali

2021-12-17 18:13:37 Biznes-g‘oyangizga investor kerakmi?

Sizda ajoyib startap loyihalar bormi? Xavotirlanmang, uni qoʻllab-quvvatlovchilar doim topiladi. Marhamat, Siz uchun foydali suhbat hozirladik.
Ushbu sohaning tajribali vakillaridan biri, xalqaro VC (Venchur Kapital) tahlili Abdul Sharopov diqqatingiz markazida. Suhbat davomida siz:

- startap loyihalarni toʻgʻri boshlash;
- qanday qilib investorlarni jalb qilish;
- olingan mablagʻni toʻgʻri sarflash;
- loyihani katta “marketplace” darajasiga olib chiqish haqidagi bilimlarga ega boʻlasiz.

Darvoqe, suhbat ostida tanlangan bir nafar izoh egasi qahramonimiz bilan toʻgʻridan-toʻgʻri uchrashish imkoniga ega bo‘ladi. Xullas, yaxshi izohlar “Avlo Podcast” jamoasi e’tiboridan chetda qolmasligini kafolatlaymiz.
Siz esa yanada faol boʻling va yangilikni yaqinlaringiz bilan baham ko‘ring!





Toʻliq suhbat bugun, 20:00 da YouTube kanalimizda. Ochish/sharhlash

2021-12-14 17:34:10 ​​2022-yil uchun yil rangi

Barchamizga maʼlum va mashhur boʻlgan “Pantone” nashri oʻz an’analarini davom ettirmoqda. 2000-yildan beri e’lon qilinadigan hodisani har yili minglab dizaynerlar kuzatib borishadi. Buning asosiy sababi, ushbu nashr har yilning boshida keyingi yil uchun “trend”ga aylanishi kutilayotgan rangni eʼlon qiladi.

Bu safar ham mazkur yangilik intiqlik bilan kutib olindi. Nihoyat, o‘ziga xos va bejirim koʻrinishga ega boʻlgan “Color of the year” taqdim etildi. Mazkur rang — “Happy Periwinkle Blue” (Baxtli Mersin Moviy rangi) deb topildi.

Dizaynerlar, yangiliklarga tayyormisiz? Hoziroq mazkur rang orqali oʻz ish namunalaringizni tayyorlashni boshlang. Hech qachon “trend”dan ortda qolmang. Zamon bilan hamnafas boʻlgan holda atrofdagilarni lol qoldiring.

Aytgancha, ushbu xabarni kimlarga yuborishni o‘zingiz yaxshi bilasiz.

Jamoamiz siz bilan doim yangi va sifatlisini baham ko‘radi.

+998 91 191 40 40

Adminga yozish

Veb sahifamizga tashrif buyuring!

Telegram | Instagram | Facebook Ochish/sharhlash

2021-12-10 17:53:41 Dasturlash o‘rgatilmaydi, o‘rganiladi...

“Avlo Podcast” loyihasi kuzatuvchilari uchun o‘z ishining ustasidan “master-klass”.

Dasturchilik bo‘yicha boy tajriba egasi bo‘lgan Qudrat Abdurahimov siz uchun qiziq bo‘lgan ko‘plab mavzular haqida so‘zladi.

- Dasturchiga diplom kerakmi?
- “Clean code” nima?
- Dasturchi bo‘sh vaqtida nima bilan shug'ullanishi kerak?
- O‘zbekistonda dasturchi uchun yetarli maosh to‘lanadimi?
- Qaysi dasturlashni o‘rgansangiz ko‘proq pul topasiz?

Shu kabi mavzular siz uchun qiziqmi? Unda bugunoq suhbatni ko‘rishingizni tavsiya qilamiz.





To'liq suhbat bugun, 20:00 da “Avlo Podcast”ning YouTube kanalida. Ochish/sharhlash

2021-12-10 13:07:32 ​​IT sohasidagi rekordlar haqida

Zamon bilan hamnafas ravishda IT (informatsion texnologiya) sohasi jadallik bilan rivojlanib kelmoqda. Mazkur sohada oʻziga xos rekordlar borligini avval ham eshitganmisiz?

Biz sizga antiqa rekordlar kolleksiyasini taqdim etishga qaror qildik.

1. Eng yosh dasturchi — hindistonlik Arham Om Talsania.
Hindiston dasturchilari va ularning yutuqlari haqida yuzlab maqolalar yozish mumkin. Albatta, mazkur davlat vakillari sohaning yaqqol yetakchilari boʻlib kelmoqda. Arham 2 yoshidanoq otasi uni ushbu sohaga tayyorlashni boshlagan. U 6 yoshida esa mazkur unvonni qoʻlga kiritgan. Biz ishonamizki, hali bu natijani Al-Xorazmiy avlodlari yangilaydi.

2. Eng uzun yozilgan kod — Project Apollon.
Real vaqt tizimi dasturi boʻlib, mazkur dastur toʻliq tugallanishi uchun bir milliondan ziyod satrda kodlar yozilgan.

3. Eng koʻp davrlardan beri ishlatilib kelinayotgan dasturlash tili — FORTRAN.
Kompyuterlar ixtiro qilingach, dasturlash tiliga oʻxshash koʻplab narsalar paydo boʻla boshladi, biroq bu dasturlar maʼlum bir muddatgina yashashga ulgurgan. FORTRAN esa hozirgi kunda ham mavjud. 1957-yilda yaratilgan dasturga 2010-yilda soʻnggi yangilanish amalga oshirilgan.

4. Eng yoshi katta dasturchi — Masako Wakamiya.
83 yoshli Masako Wakamiya hozirgi kundagi eng qariya dasturchi hisoblanadi. iOS dasturchi sifatida ish boshlashidan avval bank sohasida ishlagan. 60 yoshga toʻlganda oʻzining ilk shaxsiy kompyuterini sotib olib, dasturchilikni oʻrgangan.

Bunday maʼlumotlar haqida koʻplab gapirish mumkin, ammo vaqt yetmaydi. Dasturchilikni oʻrganish uchun hech qachon erta yoki kech boʻlmaydi. Kimdir 6 yoshida, kimdir 60 yoshida bu natijaga erishishi mumkin.

Muvaffaqiyatga erishish faqat oʻz qoʻlingizda!

+998 91 191 40 40

Adminga yozish

Veb sahifamizga tashrif buyuring!

Telegram | Instagram | Facebook Ochish/sharhlash

2021-12-08 16:47:38 ​​Yoshlar Forumi boshlanmoqda

Yurtimiz yoshlari uchun oʻziga xos katta tantana boshlanish arafasida. Bu loyiha ishga tushganidan buyon koʻplab ijtimoiy muammolarga yechim berib kelmoqda. Loyihaning davlat rahbari tomonidan ham qoʻllab-quvvatlanayotgani minglab yoshlarga shijoat va gʻayrat bagʻishlayotgani shubhasiz.

Forumning maqsadi yoshlarning gʻoya va takliflarini eshitish va ularni amaliyotga tatbiq etish, millat qahramonlarini kashf etish, ularning ilmiy va ijodiy takliflarini qoʻllab quvvatlash va mamlakat rivojiga hissa qoʻshishdan iborat.

Darvoqe, yoshlarforumi.uz sayti orqali takliflar qabul qilish jarayoni ildamlik bilan davom etmoqda. Forum boshlanishiga 11 kun qoldi. Demak, sizda ham Prezidentga taklif yuborish imkoniyati mavjud.

Yurtimiz rivoji uchun hissa qoʻsha oladigan ushbu loyihada “Eurosoft” jamoasi ham oʻz hissasini qoʻshayotganidan mamnun. Loyihani tashkil etishda mehnati singgan barchaga, xususan, “Yoshlar ishlari agentligi” jamoasiga tashakkur bildiramiz.

+998 91 191 40 40

Adminga yozish

Veb sahifamizga tashrif buyuring!

Telegram | Instagram | Facebook Ochish/sharhlash

2021-12-03 18:33:06 IT haqida 0 dan gaplashamiz

Hozirgi kunda shubhasiz “trend”dagi sohalardan biri bu – IT. O‘z kelajagini teran his qilgan yoshlar borki, ushbu sohani astoydil o‘rganishni istaydi. Demak, boshlovchilar uchun o‘ziga xos va mos motivatsiyaga fursat yetdi.

Kutib oling, “Avlo Podcast” mehmoni, 20 yildan ziyod tajriba egasi Saidolim Djurayev. Loyihamiz qahramoni suhbat davomida ko‘plab dasturchilar uchun muhim va qiziqarli bo‘lgan ma’lumotlarni aytib o‘tdi.
Xullas, to‘liq suhbatni tomosha qilish orqali siz quyidagi savollarga javob olishingiz mumkin:

- Dasturchilar uchun matematika qanchalik zarur?
- Algoritmlarni bilish sizni qayergacha olib boradi?
- “Senior” dasturchi kim?
- Dasturchi faoliyatini yakunlagach nima bilan shug‘ullanadi?

Ushbu mavzular sizga qiziq bo‘lsa bugungi suhbatni o‘tkazib yuborishingiz mumkin emas.





To‘liq suhbat bugun, 20:30 da “Avlo Podcast” YouTube kanalida. Ochish/sharhlash

2021-11-29 11:31:00 ​​Startup oʻzi nima?

Hozirgi zamonaviy axborot olamida “startup” iborasini koʻp eshitamiz. Bu kabi loyihalar orqali muvaffaqiyatlarga erishib, keyinchalik yirik korxonalarga asos solgan soha vakillari hikoyalarini maroq bilan tinglaymiz ham.

Keling, bu galgi maqolamizda mazkur soʻz haqida toʻxtalib oʻtamiz.

Startup'lar — bu noyob mahsulot yoki xizmatni ishlab chiqish, uni bozorga chiqarish va mijozlar uchun muhim takliflarni taqdim etishdan iborat boʻlgan loyiha hisoblanadi.

Startup'lar innovatsiyalarga asoslanadi, mavjud mahsulotlarning kamchiliklarini bartaraf etadi yoki tovarlar va xizmatlarning mutlaqo yangi toifalarini yaratadi. Shu tariqa butun sanoat uchun fikrlash va biznes yuritishning oʻrnashgan usullarini oʻzgartiradi. Xususan, koʻplab startup'lar oʻz sohalarida mutlaqo yangi koʻrinishlarni olib kiradi.

“Eurosoft” jamoasi ham zamon bilan hamnafaslikda oʻz startup loyihalarini taqdim etib kelmoqda. Xususan, “Hopme.shop” loyihamiz startup loyihalar boʻyicha jahon chempionatida qatnashish huquqini qoʻlga kiritgani, “Craftmeetsdesign” loyihamiz muvaffaqiyatlari haqida yozgan edik.

Shunday ekan, oʻz gʻoya va fikrlaringizni amalga oshirishdan hech qachon qoʻrqmang va buni ortga surmang.
“Eurosoft” jamoasi esa doimo sizga yelkadosh boʻlishga tayyor.

+998 91 191 40 40

Veb sahifamizga tashrif buyuring!

Telegram | Instagram | Facebook Ochish/sharhlash

2021-11-18 15:02:03 IT bilan “zamonlar osha...”

Zamonaviy texnologiyalar rivojlanishi bilan hayot tarzimiz ham oʻzgarib boradi. Bugun qoʻlimizda yangiday ko‘ringan jihozlar oradan hech qancha vaqt oʻtmay eskirib qolishi hech gap emas.

Gapning indallosini aytsak, hozirda eng koʻp foydalanilayotgan va IT sohasining bir qismi boʻlgan turli xil saytlar, gadjetlarning ilk koʻrinishi sizlarni qiziqtiradimi?
Biz sizga bir paytlar insoniyat uchun katta oʻzgarish deb qaralgan ayrim narsalarning bugunga kelib qanday koʻrinishda ekanini ulashishga qaror qildik.

Aslida oʻzgarishlar juda koʻp, ammo barchasini bir maqolaga sigʻdirishning iloji yoʻq.

Yaqinlaringizga ham ulashishni unutmang!

+998 91 191 40 40

Veb sahifamizga tashrif buyuring!

Telegram | Instagram | Facebook Ochish/sharhlash

2021-11-14 17:54:26 Ishchi avlod yetishtirishni to‘xtataylik!

“Avlo podcast” mehmoni Najot Nurdan notiqlik eyforiyasini o‘rganishga tayyormisiz? Demak, siz bunda quyidagi savollarga javob olasiz.

- Bolalarimizni “katta bo‘lsang falon ishlarda ishlaysan”, desak, u “ishchi” psixologiyasi bilan ulg‘ayadi. *Bizga ishchilar sinfi kerakmi?
*- Davlatdan nimadir kutib yashashni qachon bas qilasiz?
- Ko‘p kitob o‘qiysiz, nega ravon gapirolmaysiz?
- Qopag‘on kuchuk bor. *Siz boshqa ko‘chadan aylanib o‘tasizmi?
*- Nutqingizdagi *“Parazit pauzalar” *bilan qachongacha yashaysiz?

Xullas, ming marta eshitgandan bir marta ko‘rgan yaxshi.





Toʻliq suhbat bugun, 21:00 da YouTube kanalimizda. Ochish/sharhlash

2021-11-13 19:08:18 ​​Dasturchilar dam olish kunini qanday oʻtkazishadi?

Zamonaviy kasblar orasida eng serdaromad sohalardan biri — dasturchilik hisoblanadi. Sohaga qiziqayotganlar soni nafaqat jahonda, balki yurtimizda ham koʻpayib bormoqda. Mazkur soha vakillari aniq bir haftalik rejimda ishlaydi, deb ayta olmaymiz. Yaʼni ish soati chegaralanmagan.

Bu soha vakillari baʼzan dam olishni ham unutib qoʻyishadi. Biroq barcha ish oʻz vaqtida boʻlgani yaxshi. Demak, oldimizda dasturchilar qanday dam olishlari kerak, degan savolga javob izlaymiz.
Biz sizga koʻplab mutaxassislarning tavsiyalarini ulashmoqchimiz.

• Oila va doʻstlaringizga vaqt ajrating.
• Kompyutersiz kun.
• Ochiq havoda sayr qilish: piyoda, velosipedda, yugurish.
• Qiziqarli yoki texnologik kitob oʻqish.
• Jurnal, blog yozish.

Koʻrib turganingizdek, oddiy va oson. Bu kabi mashgʻulotlarni davomiy olib borish sizning karyerangiz uzoq va muvaffaqiyatli boʻlishiga zamin yaratadi.

Dasturchi yaqinlaringizga ham ulashib qoʻying!

+998 91 191 40 40

Veb sahifamizga tashrif buyuring!

Telegram | Instagram | Facebook Ochish/sharhlash