Jamshid Erkinjonov (blogi)

2023-01-04 18:34:12 Shuni o'qiyappan Ochish/sharhlash

2023-01-02 17:36:53 ​#hozirda

ㅤSovg'a qilingan kitob mutolaasiga ham kirishdim. Boshidanoq miyani so'roqqa tutib, savollarga ko'myapti. Qiziqarli. Jarayonda davom etamiz.
Parallel qilib "Garri Potter va mahfiy xujra"ni ham o'qiyapman (lekin elektron) . Avvalroq, birinchi qismini ya'ni "Garri Potter va hikmatlar toshi"ni o'qib chiqqan edim. Qiziqish juda kuchli lekin, vaqt kamroq . Yoqimli mutolaa to me ... Ochish/sharhlash

2023-01-01 23:06:09 ​ Morrining seshanba darslari

Hech hayotda yashab, orzu qilib yurgan narsalarimiz haqida o'ylab ko'rganmisiz ? Uy, mashina, telefon, televizor, kompyuter, qimmatbaho buyumlar va shunga o'xshash moddiyatlar. Biz bularning boriga umrimizning asosiy vaqtini sarflayotgandek tuyuladimi sizga ham ? O'lim haqida o'ylayotgan paytimizdagi qo'rquv, borimiz musodara qilinayotgan paytdagiga qaraganda qanchalik farq qilarkin ? Menimcha anchagina.
Biz o'limga chinakamiga ishonmaymiz. Bu juda uzoqdagi narsadek tuyulaveradi bizga, to unga qadam qo'ymagunimizcha.
Asar meni yig'latgan eng birinchi kitob bo'ldi. Bilmadim nega lekin Morriga shu 4-5 soat ichida shu qadar bog'lanib qoldimki, Morri mening hayotdagi eng yaqin qariya do'stimdek tuyuldi. To'g'risi, fikrlarimni qanday yoritib berishni bilmayapman. Palapartish yozishimni sababi ham shu bo'lsa kerak.
Kitob haqida taqrizlar, parchalar o'qiganimda bu kitob menga yoqishi aniqligini his qildim. Huddi, voqealarni oldindan biladigandek. "Yashashni o'rganar ekanmiz-da" degandim kitobni sotib olganimda. Yo'q, Morri menga shunchaki, o'z hayoti haqida gapirib o'rnak bo'lmadi. U menga hayotda kim bo'lib yashash kerakligini, jamiyatda shakllangan keraksiz qadriyatlarga tupurishni o'rgatdi. Kitobni yakunlaganimdan so'ng, umrimda birinchi martta ko'pchilik orasida raqsga tushdim. Shunchaki, ko'zingni yum va ohangni his qil...
O'lim yakun emas. Mening o'limim bilan hayot to'xtab qolmaydi. Men tabiatning bir bo'lagiman holos va mening o'rnim kim bilandir qayta to'ldiriladi. Lekin, men haqimdagi xotiralar o'limimdan keyin ham kimlarningdir qalbini isitib turishi kerak...
Men yashayapman, meni his qilishyapti...

"O'lishni o'rgangan kuning, yashashni ham o'rganasan".

2023-(1)

@ErkinjonovBlogi Ochish/sharhlash

2023-01-01 20:47:11 Asardan parcha

"Voqelikdan uzil"

— Xo'sh, agar voqelikdan uzilsangiz qanday qilib hamma narsani tatib ko'rish mumkin ?
— Xmm. Fikrlayapsan, Mich. Ammo uzilish bu voqelikning ichingga kirib borishiga monelik qilish emas. Aksincha, uning senga to'liq singib ketishiga imkon berish. Shundagina uni tark eta olasan.
— Hech vaqoni tushunmayapman.
— Istalgan tuyg'uni olaylik – xoh u ayolga muhabbat bo'lsin, xoh u yo'qotilgan suyukli insoning g'amida kuyish yoki men boshdan kechirayotgan hislar: og'riq va bedavo dard qo'rquvi bo'lsin. Agar hislaringni hadeb jilovlayversang, tuyg'ularingga erk bermasang, hech qachon ulardan qutula olmaysan, qo'rquv iskanjasida qolib ketasan. Og'riq, g'am seni dahshatga solaveradi. Muhabbat seni zaif qilib qo'yishidan qo'rqasan. Ammo o'zingni hech bir hadiklarsiz tuyg'ular ummoniga otib, unga tamoman g'arq bo'lgach, erkingni butunlay his-tuyg'ular ixtiyoriga topshirish orqaligina ularni to'laligicha his etasan. Og'riq nimaligini anglaysan. Muhabbat nimaligini anglaysan. Qayg'u nimaligini tushunib yetasan. Faqat shundan keyingina "Bo'ldi. Men bu tuyg'uni boshdan kechirdim. Uni tanib oldim. Endi esa bir lahzaga bu tuyg'udan uzilishim kerak", deya olasan.
Morri gapidan to'xtab, uning so'zlarini to'g'ri tushunayotganimga ishonch hosil qilish uchun menga sinovchan nigoh tashladi.
— Bilaman, gap faqat o'lim haqida borayotgandek tuyulyapti senga,— dedi u.— Lekin senga takror va takror ta'kidlaganimdek, o'lishni o'rgangan kuning yashashni ham o'rganasan.

"Morrining seshanba darslari"

@ErkinjonovBlogi Ochish/sharhlash

2023-01-01 01:17:14 01.01.2023 Ochish/sharhlash

2022-12-27 11:31:45 ㅤAytgancha, Santuagara of Library kanalining admini Nurali aka bilan ham ko'rishdik. Ancha quvnoq inson ekanlar va shu bilan birgalikda "Juga" bo'yicha mahoratli va havfli raqib . Kitob o'qishda bir-ikki maslahatlar olvoldim. Yana qachondir shunaqa imkoniyat bo'lsa, albatta buni qo'ldan boy bermayman.

@ErkinjonovBlogi Ochish/sharhlash

2022-12-27 10:39:39 ​Shu kunlarda

Oxirgi kunlar qiziqarli, energiyaga boy, tig'iz kechmoqda. Ba'zan bo'sh vaqt yo'qligi insonni o'zgacha oziqlantirarkan. Motiv berarkan. Yakshanba kungi Shisha bino admini Vasil Baxtiyorov va obunachilari bilan bo'lgan suhbat, o'yinlar, sayr zerikarli bo'lib borayotgan hayotimni ancha yengillashtirdi. Shunday uchrashuvlarni ko'paytirish istagim anchagina kuchaydi. Va "Juga" o'yinini sotib olib oilaviy o'ynash niyatim ham paydo bo'ldi .

Sayrdan maqsad rassom Vinsent Van Gog'ning suratlarini tomosha qilish va u haqida ko'proq ma'lumotlarga ega bo'lish edi. Ammo ba'zi bir sabablarga ko'ra o'sha kuni ko'rgazma ishlamasligi ma'lum bo'lgandan so'ng birozgina ranjidik. Shaxsan men hech nima yo'qotmadim deb hisoblayman. Aksincha, anchagina taassurotlar oldim. Aytgancha, sayrdan quruq qaytganim yo'q . "Yulduzli tun" uchun Vasil akaga alohida rahmat. O'zim ismini ham bilmaydigan (familiyasi Nishonova(adashmasam:))) do'stimga esa kitob uchun qanaqa rahmat aytishga ham hayronman . Kitoblarim orasidagi Kafkaning birinchi kitobi. "Jarayon".

Umuman olganda hozirda 4 ta kitob parallel bo'lib ketdi. Nishonova, "oldin kitoblarni tugatib, keyin boshlang, insof bilan o'qing" deya nasihat qildilar . Okey, men huddi shunday qilyapman Nishonova !

Nishonova va Vasil aka o'rtasida bo'lib o'tgan bir nechta shaxmat matchi juda qizg'in kechdi. Ayniqsa, bliss matchlari. Shaxmatni o'rgangilarim kelib ketdi . Qachonlardir o'qishga kitobim qolmasa, albatta shaxmat haqida kitob olib o'qiyman . Balki munosib raqib bo'lib yetisharman.

Kitoblarga kelsak, hozircha arzigulik darajada kitob o'qimadim. Lekin sotib olishdan to'xtamayapman. "Morrining seshanba darslari"ga asosiy vaqtimni sarflayapman. Nasib, tugatishim bilan navbatda turgan kitoblar mutolaasiga kirishaman.

1. Jarayon;
2. Biz (tugatish kerak);
3. Telba (Dostoyevskiy);
4. Jinoyat va jazo (kutib qoldi, olganimga ancha bo'ldi)
5. Garri Potter va maxfiy hujra (2-qism)
....

Hali bu ro'yxat anchaga cho'zilishi mumkin. Nimalardandir motiv olib, kitob o'qishda davom etaman. O'qigan kitoblarim haqida yozishni astoydil yo'lga qo'yishim kerak.

Hullas, shunaqa gaplar. Men ham yaqin kelajakda bookbloger nomiga sazovor bo'lib qolsam-a...

@ErkinjonovBlogi Ochish/sharhlash

2022-11-05 20:44:34 ​New BooK

Bugun ayrim ishlar bilan MegaPlanet ga borgan edim. Kirishim bilan chap tomonga kitoblar terib tashlangan ekan. Meni o'ziga tortdi. Qiziqib ko'rayotgandim ichidan men anchadan beri qidirib yurgan kitob chiqib qoldi .

Yevgeniy Zamyatin qalamiga mansub bo'lgan "Biz" antiutopiyasi haqida ko'p bookblogerlarning taqriz va postlarini o'qidim. O'qidim-u o'sha zahoti o'qiladigan kitoblar ro'yxatiga (unday ro'yxat bo'lmasada ) qoshib qo'ydim. Shu sababli bo'lsa kerak kitobni ko'rishim bilan o'ylab o'tirmay sotib oldim.

Nasib bo'lsa, yaqin muddatlar ichida kitob mutolaasiga kirishaman . Balki taqriz ham yozarman.

Yoqimli mutolaa Ochish/sharhlash

2022-10-31 22:20:08 ​E'tibor berdingizmi ? Kuzning so'nggi oyiga qadam qo'ydik.

Qish yaqin. Qish kimgadir sovuq va baxtsizlik timsoli bo'lib ko'rinadi . Shaxsan menga haqiqy baxt olib keladigan fasl. O'z uyimizda ko'rpaga o'rangan holda dunyodagi barcha chirkinliklardan holidek bo'lamiz. Yaqinlar bilan ko'proq bo'lamiz. Xursandchilik, tungi sayrlar, uyga kelib ho'l bo'lib ketgan paypoqlarni yechib tezroq isinish payiga tushish . Qish tezroq kelaqol, sog'indim . Ochish/sharhlash

2022-10-05 20:45:47 Masofa

Mening kitobimni o'qiydi bir qiz-
Jo'xorizor ichra ulg'aygan malak!
Ko'zlari kitobda,
Oyog'i suvda...
She'rim vujudini kuydirsa kerak.

To'rtinchi betdanoq boshlanib ketar:
"Jonim, Xudo seni qalbimga ekkan!"
Oyog'ini suvdan tortadi shartta-
"Sevgani bor ekan!!!"

Qishloqcha yig'laydi (qishloqichamas):
Yuzlarini yuvar qayta va qayta.
Yig'laydi..
goh mening, goh u "jonon"ning
Sha'niga sharafli qarg'ishlar ayta!

"Olifta", "yalmog'iz", "voy, jodugar qiz..."
Qarg'ar sho'rlik qizni yuz-xotir qilmay.
Bilmam, qachongacha ko‘z yosh to‘kadi
"Jodugar qiz" o'zi ekanin bilmay!

Rashid Xo'jamov
2019-yil, 1-dekabr Ochish/sharhlash