2022-09-06 18:34:30
Qanday qilib Tuman va Shahar "Ittifoq" va "Kamalak" sardori bo'lish mumkin?!
Sardorlar sinflarda, maktablarda, tuman-shahar, viloyat va respublika miqyosida saylanadi.
Sardorlardan nima talab etiladi va ular qanday saylanadi?! Sardorlardan bilim, kirishuvchanlik va ijtimoiy faollik talab etiladi. Sardorlar saylovda bosqichma-bosqich saylanadi. Masalan, Ali birinchi sinf, keyin, maktab, tuman, viloyat sardori sifatida saylanishi mumkin. Ali sardorlik faoliyatini boshlaganiga endi bir yil bo'lgan bo'lsa, bunday vaqtda Valining sardorlik faoliyatiga 2 yoki undan ko'p yil to'lgan bo'lsa, bevosita, Aliga nisbatan Valini maktab sardori bo'lish, ehtimoli ko'proq bo'ladi. Bu degani, Ali ham sardor bo'la oladi biroq, Vali sardorlik tajribasi ko'proqligi unga + ga ishlashi mumkin.
Ali va Vali sardorlikka qachon saylanadi?! Eshmat va Toshmat o'quv yili boshida maktablardagi Yoshlar yetakchilari boshchiligida avval, sinfda keyin, maktabda saylanadi. Sentabr oyining yakuniga qadar tuman(shahar) va viloyat darajasidagi sardorlar saylanadi. Ular bir yil faoliyat yuritish vakolatiga ega, vakolatidan foydalanib tengdoshlariga foydasi tegadigan loyihalarni tashkil etish orqali faoliyatini olib boradi. Hududiy sardorlar may oyida Sardorlarning An'anaviy Anjumanida Respublika Sardorlar Saylovida ishtirok etadi va bir yillik faoliyatida amalga oshirgan loyihalari va yutuqlarini sarhisob qilish orqali, Respublika "Ittifoq" sardorligiga saylanishi mumkin.
Sardorlik nima beradi?! Iphone 13, Macbook, 2 xonali uy va avtomobil berishni va'da qilmaydi. O'z ustingda ishlashing kerakligini, qolgan tengdoshlaringga nisbatan tezroq anglashingga ko'maklashadi. Ustozlar va ko'p do'stlar (maktab,tuman,shahar,viloyat miqiyosida) beradi. Hozir sizga qadrsiz tuyilgan faxriy yorliq va tashakkurnoma beradi, kelajakda shu qog'ozlar qanchalik kerakligini yetasan, do'stim.
Men sardorlik faoliyatiga 2018-yil kirib kelganman, bu yil 5 yil bo'lar ekan. Mana shu 5 yil Javlonni tarbiyaladi, xatolardan xulosa chiqarib, qo'rqmasdan o'zi istagan ishlarni amalga oshirishga undadi. Kelajakda boshqa kasbni tanlashiga, insonlarni tinglashga, kerakli inson bo'lishi kerakligini tushuntirdi. Maktabda informatika fanidan 5 bahoga o'qib, wordda ishlash uchun 10 soat vaqti ketadigan Javlonga, 10 soatni 10 daqiqaga aylanishiga ko'maklashdi.
Sizningcha Sardorlik maktab o'quvchilariga kerakmi?
Javlon Ergashev
Ergashev_Blog
139 viewsJakhongirovich, edited 15:34
E
