2022-11-03 13:40:33
Хотин бўлиш қийин эмас. Қийини – эрнинг жаҳли чиққанида битта гапдан қолиб, гап қайтармасликдир.
Қийини – қорни оч келганида, ярим кечаси бўлса ҳам, туриб овқатини олдига қўйишдир.
Қийини – ачитиб, кесатиб олишнинг ўрни келганида, уни ранжитмаслик учун тилни тия билиш, уни аяй олишдир.
Қийини – унинг ҳам ўз шахсий ҳудуди борлигини тан олиш, унга дахл қилмасликдир.
Қийини – ҳаёт ташвишларидан чарчаб, аламини сиздан олганида, уни тўғри тушуниш, хафа бўлавермасликдир.
Хотин бўлиш қийин эмас.
Қийини – кайфиятингиз яхши бўладими ёки ёмон, кўчадан кириб келганида уни илжайиб кутиб олишдир.
Қийини – баъзида хафа қилиб, ранжитса-да, ҳаққига самимий дуолар қила билишдир.
Қийини – қанчалик қизиқ ва сирли туюлса ҳам, телефонини очиб, ичини титмасликдир.
Қийини – нафсга ёқмаса ҳам, итоат қилиш, бўйсуна олишдир.
Қийини – айблари, камчиликлари бўлса-да, болаларга отасини дунёдаги энг яхши инсон деб кўрсата билишдир...
@Er_Xotin_Munosabati_Oila
1.9K viewsQodirov Jasur, 10:40