Embassy of Uzbekistan in Japan

2021-12-17 02:22:25 Prezidentimiz Shavkat Mirziyoevning xalqimiz madaniy merosini asrab-avaylash va keng targʼib qilishga qaratilgan tashabbuslari yuksak xalqaro eʼtirofga sazovor boʼlmoqda. Xususan, bugun YuNESKOning Nomoddiy madaniy merosni asrash hukumatlararo qoʼmitasi tomonidan Baxshichilik sanʼati Insoniyatning nomoddiy madaniy merosi reprezentativ roʼyxatiga kiritildi.

O'zbekistonning yagona rasmiy axborot agentligi

O`zbekcha | Ўзбекча | Русская | Илм-фан | Тезкор Ochish/sharhlash

2021-12-13 06:53:36 10 dekabr kuni Samarqand viloyati hokimi Erkinjon Turdimov va Nara prefekturasi gubernatori Shogo Arai oʻrtasida onlayn muzokaralar boʻlib oʻtdi.

Ikki viloyat oʻrtasida koʻp tarmoqli hamkorlikni rivojlantirish masalalari muhokama qilindi.

Nara prefekturasi gubernatori Yaponiya va O‘zbekiston o‘rtasidagi munosabatlar Buyuk ipak yo‘li davridan boshlab 1300 yil avvalga borib taqalishini ta’kidladi.

Gubernator Nara prefekturasi va Samarqand viloyati o‘rtasidagi aloqalarni rivojlantirish uchun barcha sa’y-harakatlarni ishga solishga tayyorligini bildirdi.
Samarqand viloyati hokimi Erkinjon Turdimov Yaponiya tomonini savdo-iqtisodiy va madaniy-gumanitar sohalarda amalga oshirilmagan katta salohiyatni hisobga olgan holda ikki hudud o‘rtasidagi hamkorlikni faollashtirishga chaqirdi.

Onlayn muzokaralar natijasida yaqin vaqt ichida Samarqand viloyati va Nara prefekturasi oʻrtasida doʻstona munosabatlar toʻgʻrisida Bitim imzolash boʻyicha kelishuvga erishildi. Ochish/sharhlash

2021-12-13 06:53:17 Elchi Muhsinxo’ja Abdurahmonov 6 dekabrda Kobe shahriga amaliy tashrifi doirasida Hisamoto Kizo shahri meri va Kobe shahridagi JETRO vakolatxonasi bosh direktori Nozava Takura bilan uchrashuvlar o‘tkazdi.

Kobe meri bilan uchrashuvda respublikada siyosiy, ijtimoiy-iqtisodiy, madaniy-gumanitar sohalarda amalga oshirilayotgan islohotlar atroflicha yoritildi. Kobe shahridagi kichik va oʻrta biznes subʼyektlarini biznes yuritish uchun jalb qilish, Oʻzbekistonda qoʻshma loyihalarni amalga oshirish masalasi alohida muhokama qilindi.

JETRO ofisida boʻlib oʻtgan muzokaralar chogʻida bosh direktor Nozava Takura Elchining 2022-yilda shahar ishbilarmon doiralari uchun Oʻzbekistonning sarmoyaviy va eksport salohiyati taqdimotini oʻtkazish taklifini qoʻllab-quvvatladi va respublika bilan ishbilarmonlik aloqalarini har tomonlama qoʻllab-quvvatlashga tayyorligini bildirdi. Ochish/sharhlash

2021-12-09 12:57:01 Joriy yilning 5 dekabr kuni O‘zbekistonning Yaponiyadagi Elchixonasida 8 dekabr – O‘zbekiston Respublikasi Konstitusiyasining 29 yilligini nishonlashga bag‘ishlangan tadbir o‘tkazildi.

Mazkur tadbir doirasida “O‘zbekiston Respublikasi Mustaqilligining 30 yilligi” esdalik nishoni bilan taqdirlangan bir qator Yaponiya fuqarolariga, xususan Maydzuru shahri meri Ryozo Tatami, Tsukuba universiteti rektori Kyosuke Nagata, Nagoya iqtisodiyot universiteti prezidenti Haruo Saburi, Toyo universiteti kansleri Shinzi Fukukava va prezidenti Etsuko Yaguchi, Tokio qishloq xo‘jaligi va texnologiyalar universiteti professori Yoshiko Kavabata va Hokkaydo universiteti professori Masato Hivatariga o‘z mukofotlari topshirildi.

Shuningdek, bayramga bag‘ishlab “Guliston” raqs ansambli tomonidan o‘zbek milliy raqslari ijro etilib, mehmonlarga bayram dasturxoni yozildi. Ochish/sharhlash

2021-12-09 10:11:45 Elchi Muhsinxo‘ja Abdurahmonov Gunma prefekturasiga tashrifi chog‘ida yapon tilini o‘rgatish va chet el ishchilarini jalb qilishga ixtisoslashgan “Nippon akademi” ta'lim muassasasi prezidenti Masumi Shimidzu bilan uchrashuv o‘tkazdi.

Unda o‘zbekistonlik fuqarolarning malakasini oshirish va keyinchalik Yaponiyada ishga joylashtirish, O‘zbekiston oliy o‘quv yurtlari va Prezident ta'lim muassasalari uchun onlayn yapon tili kurslarini bepul asosda tashkil etish hamda O‘zbekiston oliy o‘quv yurtlaridan birida yapon tilini o‘rganish markazini ochish masalasi muhokama qilindi.

Uchrashuv natijasida o’quv muassasasi rahbari bilan hamkorlikda istiqbolli loyihalarni amalga oshirish bo’yicha kelishuvga erishildi. Ochish/sharhlash

2021-12-04 07:05:47 “Vatandoshlar” jamoat fondi tomonidan xorijda ilmiy-amaliy va professional tajribaga ega bo‘lgan yurtdoshlarimizni, ularning ilmiy yutuqlari, qo‘lga kiritgan natijalari, olib borayotgan tadqiqotlari yuzasidan keng jamoatchilikni xabardor qilib borish maqsadida vatandosh olimlar haqida ma'lumot berib boruvchi “Vatandosh olimlar” rukni tashkil etilgan.

Bu haqida video lavhadan batafsil ma'lumot olishingiz mumkin. Ochish/sharhlash

2021-12-02 14:12:12 Elchi Muhsinxo’ja Abdurahmonov Yaponiya adliya vaziri janob Yoshihisa Furukava bilan uchrashdi.

Uchrashuvda O'zbekiston-Yaponiya hamkorligining hozirgi holati va rivojlanish istiqbollari, jumladan, ikki mamlakat adliya idoralarining o'zaro aloqalarini rivojlantirish masalalari muhokama qilindi.

O'zbekiston va Yaponiya o'rtasidagi o'zaro manfaatli hamkorlikning yangi yo'nalishlari bo'yicha muzokaralar olib borildi va ularni amalga oshirish bo'yicha kelishuvlarga erishildi.

Adliya vazirlarining o’zaro tashriflari va antikorrupsion ekspertiza yo’nalishida tajriba almashish masalalari muzokaralarning alohida mavzusi bo’ldi va dolzarb masalalar yuzasidan ham fikr almashildi. Ochish/sharhlash

2021-12-01 12:33:06 Ochish/sharhlash

2021-12-01 12:32:57 Ochish/sharhlash