Kanal manzili:
Toifalar:
Kattalashtirilmagan
Til: Oʻzbek tili
Obunachilar:
2.70K
Kanalning ta’rifi
Assalomu alaykum, qadrli she'riyat shaydolari! Ushbu kanalda shoir Elyor NAZAROV ijodidan o'rin olgan she'rlarni o'qib, bahramand bo'lishingiz mumkin. E'tiboringizdan xursandman ✨Sizga cheksiz ehtirom ila @Elyor_NAZAROV
Murojaat uchun : 99893 073 6166
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
2
2 stars
0
1 stars
1
Oxirgi xabar
2022-08-31 18:15:43
Mustaqilligimiz abadiy bo'lsin!
O'zligim, O'zbekligim,
Eng ulug'vor baxtdaman.
Shu yurtda yashashimga,
Ming bor shukur aytaman!
Otam deymu, yo Onam,
Xalqim jon-u yagonam,
Mustaqil hur zamonam,
Shunday toju - taxtdaman!
Qancha yurtlarni ko'rdim,
O'zinga teng kelolmas.
O'zbegim bizga bergan,
Tuzinga teng kelolmas.
Mehring qalblarga chiroq,
Seni sevmaslik gunoh,
Tinchlikka qo'ygan bayroq,
G'ururdaman, ahddaman!
Senga jannat havasda,
Dunyoga doston xalqim.
Ezguliklar payvasta,
Erkimga sulton xalqim.
Shu sabab quvonchlarim,
Ertamga ishonchlarim.
Sevinchdir ko'z yoshlarim,
Ozod yurtda haqdaman.
Noming bol, zabon bo'lsin,
Tinchlik bardavom bo'lsin.
Yurtboshim omon bo'lsin,
Xizmatdaman, shaxtdaman!
She'rim senga Vatanim,
Mustaqillik bayramim.
Asrasin seni tangrim,
Omon bo'l, men baxtdaman!
Elyor NAZAROV
T.me/Elyor_NAZAROV_sherlari
829 viewsElyor NAZAROV, 15:15
2022-08-27 22:10:35
Bugun hayotimdagi eng baxtli kunlarimdan yana biri! Eng katta orzularimdan biri ushaladigan bo'ldi... Yetkazganiga behisob shukur! Alhamdulillah
T.me/Elyor_NAZAROV_sherlari
1.3K viewsElyor NAZAROV, edited 19:10
2022-08-27 14:31:07
Ham faxrim, ham borim Ko'kdalam,
Go'zal chamanzorim Ko'kdalam.
Kindik qonim to'kilgan zamin,
Mening shahrim, shonim Ko'kdalam.
Keldi, uzoq kutilgan damlar,
Orzu o'ylar ro'yobin topdi.
Ko'rib bunday o'zgarishlarni,
Yuraklarda shukrona ortdi.
Yurtboshimiz e'tiboridan,
Shodliklarga to'ldi Ko'kdala.
Do'stlar yangi O'zbekistonga,
Bitta gavhar bo'ldi Ko'kdala.
G'urur berar, ko'ngilga biram,
Dehqonlarim ekkan rizq ro'zlar.
Mashhur hatto Amerikada ham,
Ko'kdalamda pishgan tarvuzlar!
Avliyolar ungan tuproq bu,
Har farzandi yurtga fidokor.
Chiqqan, ko'plab chempion yoshlar,
Qancha olim, qancha shifokor.
Chiroy ochdi bugun Ko'kdala,
Har maskani, obod va shinam.
To'ylarining fayzi boshqadir,
Tinch Vatanda har kuni bayram!
Navqiron yurt bag'rida albat,
Bizni kutar ulug' kelajak!
Ko'kdalamning har bir farzandi,
O'zbegimga qanot bo'lajak!
Elyor NAZAROV
T.me/Elyor_NAZAROV_sherlari
1.6K viewsElyor NAZAROV, edited 11:31
2022-08-24 17:57:48
Kech bo'lmasdan iymonga qayting,
Harom yegan, halolga yotlar.
Xalqni qachon o'ylaysiz ayting,
Faqat o'zin o'ylagan zotlar.
Nahot shuncha ko'zlaringiz och,
Bechoradan undirasiz boj,
Maqsadingiz "tala keyin qoch"
Faqat o'zin o'ylagan zotlar.
O'ngni darhol, so'lga o'lchaysiz,
Tezda qing'ir yo'lga o'lchaysiz
Vijdonni ham pulga o'lchaysiz,
Faqat o'zin o'ylagan zotlar.
To'lmaydi hech nafsingiz g'ori,
Ta'sir etmas mazlumlar zori,
Sizga bir tin, elning ahvoli
Faqat o'zin o'ylagan zotlar.
Yetim haqqin yeysiz, bezmaysiz
Gunohlarni aslo sezmaysiz
Siz Allohni qachon eslaysiz,
Faqat o'zin o'ylagan zotlar.
Hech bir ishni g'irrom yuritmang
Dil niholin suvsiz quritmang
O'tkinchimiz shuni unutmang,
Faqat o'zin o'ylagan zotlar.
G'am olovin butkul o'chiring,
Ko'nglingizga mehr ko'chiring
Bir zum oxiratni tushuning,
Faqat oʻzin o'ylagan zotlar.
So'zlarimni oling hisobga,
Shunda she'rim ketmas isrofga
Biroz yaqin keling insofga,
Faqat o'zin o'ylagan zotlar.
Elyor NAZAROVT.me/Elyor_NAZAROV_sherlari
2.6K viewsElyor NAZAROV, 14:57
2022-08-22 17:59:57
Premyera
< KETASAN >
Elyor NAZAROV she'ri
Halimjon Aliyev musiqasi
G'ayratbek Hamroqulov
Diyor Halil ijrosi
Yo'ling kutar ko'nglim bekati,
Yuragimga to'xtab o'tasan.
Bebahodir husning ne'mati,
To'lin oyga o'xshab ketasan.
Sevgim aytsam, dilimni ochib,
Roz qilmaysan, nozlarni sochib,
O'ngimdaku berkinib qochib,
Faqat tushda yo'qlab ketasan.
Axir, zorman vaslinga yillab,
Bor shodlikni o'zinga tilab,
Sen orzuyim armonga belab,
Qalbga g'amni to'shab ketasan.
Tutqich bermay shamol singari,
Qay manzilni ko'zlab ketasan?
Men gapirsam agar sevgidan,
Sen hijrondan so'zlab ketasan.
Mehr olsa dunyoni qamrab,
Shodlik kuyi tinmasa yangrab,
Muhabbatim sofligin anglab,
Hali ishqim xushlab ketasan.
Elyor yashar, she'r bo'lib omon,
Intiq etma, ey qoshi kamon,
Ishonaman bir kun baxt tomon,
Qo'llarimdan ushlab ketasan .
Yo'ling kutar ko'nglim bekati,
Yuragimga to'xtab o'tasan.
Bebahodir husning ne'mati,
To'lin oyga o'xshab ketasan.
Elyor NAZAROV
T.me/Elyor_NAZAROV_sherlari
743 viewsElyor NAZAROV, 14:59
2022-08-22 17:59:43
712 viewsElyor NAZAROV, 14:59
2022-08-20 16:23:01
Yaxshini o'rgandim, yomondan,
Orzuni o'rgandim, armondan.
Boshimga balolar kelganda,
Rostlikni o'rgandim yolg'ondan.
Hayotning bir qismi sinovlar,
Javobi topilmas so'rovlar,
G'iybatlar joningni egovlar,
Qo'rqaman chayonmas, insondan.
Qalbimga qadaydi xanjarlar,
Nodonlar maqsadi - janjallar,
Uqubat nishini sancharlar,
Ularning farqi yo'q, hayvondan.
Hayotim aylangan charxpalak,
Har bosgan qadamim yaxmalak,
Gunohim ne ekan, ey falak?
Bahorni izlayman, xazondan.
Sevgandi yuragim bechora,
Bir go'zal ishqida ming pora,
U nasib qilmadi, nachora,
Sog'inchni o'rgandim hijrondan.
Har joyda so'zlashar pul bilan,
Boylarni ishi yo'q, qul bilan,
Biz rosa qiynaldik dil bilan,
Chidamni o'rgandim zamondan.
O'zgartib bo'lmagay qismatni,
Tarozi belgilar qiymatni,
Nazarga ilmasdan g'iybatni,
G'ururni o'rgandim osmondan.
Charchadim, insofsiz nodondan,
Najotni izladim iymondan.
Elyorni ko'rgani, bilgani,
Barchasi yaratgan Xudodan!
Elyor NAZAROV
T.me/Elyor_NAZAROV_sherlari
1.9K viewsElyor NAZAROV, edited 13:23
2022-08-19 04:24:16
Barcha musulmonlar olamiga Juma ayyomi muborak bo'lsin!
Allohning hur in'omi,
Haqning cheksiz kalomi,
Muborakdir dindoshlar.
Qutlug', Juma ayyomi!
Bomdoddan to shomgacha,
Duodamiz tonggacha,
Fayzi ulug', boshqacha,
Qutlug', Juma ayyomi!
Yetti kunga sulton u,
Tavbalarga imkon u,
Savob hamda ehson u,
Qutlug', Juma ayyomi!
Ishq yo'lini ochaylik,
G'aflatlardan qochaylik,
Masjid tomon shoshaylik,
Qutlug', Juma ayyomi!
Qalbga yor, toza iymon,
Shaytonlar qochsin har yon,
Bandasin qo'llar Rahmon,
Qutlug', Juma ayyomi!
Namozdan yayrab dillar,
Shukrona aytsin tillar,
Muslimalar, Mo'minlar,
Qutlug', Juma ayyomi!
Elyor NAZAROV
T.me/Elyor_NAZAROV_sherlari
3.1K viewsElyor NAZAROV, 01:24
2022-08-17 18:25:28
Kimlargadir xush keldim, kimlargadir yoqmadim.
O'z farzandlik burchimni men qanchalar oqladim?
Ishonib ko'p pand yedim, bu hayot yo'llarida,
Onajonim mehrini boshqalardan topmadim.
Mol dunyoga hirs qo'ydim, boshimga kulfat bo'ldi,
Malomatning toshidan kunduzim zulmat bo'ldi,
O'zgalarning sevgisi, har doim minnat bo'ldi,
Onajonim mehrini boshqalardan topmadim.
Oh, bunchalar ko'p ekan yomonlarning jafosi,
Dushmanimdan xavfliroq, do'stlarning yo'q vafosi,
Meni asrab kelmoqda Onamning hur duosi,
Onajonim mehrini boshqalardan topmadim.
Nahot egri yo'llarda, dilga zulm etyapman?
Axir, baxtim yonimda men qaylarga ketyapman?
Endi har nafasimda qadrin anglab yetyapman,
Onajonim mehrini boshqalardan topmadim.
Onajon bor ekansiz, ko'rmayman sira armon,
Bo'ling deyman ilohim, dunyo turguncha omon,
Jannatim toza iymon, dard kelganda soyabon,
Onajonim mehrini boshqalardan topmadim.
Elyor NAZAROV
T.me/Elyor_NAZAROV_sherlari
2.0K viewsElyor NAZAROV, 15:25
2022-08-15 16:56:45
Sog'inch o'rtar, oshiq yurakni,
Hijron degan qiynoqqa keldim.
Jamlab barcha ezgu tilakni,
Seni baxtli qilmoqqa keldim!
G'amlaringni ortib yelkamga,
Ishqing uchun o'lmoqqa keldim.
Umid bilan boqib ertamga,
Seni baxtli qilmoqqa keldim!
Husning olib ketdi hushimni,
Oy jamoling ko'rmoqqa keldim.
Chetga surib barcha ishimni,
Seni baxtli qilmoqqa keldim!
Ko'nglim xumor, tuyg'ularinga,
Visolinga to'ymoqqa keldim.
Jonim fido kulgularinga,
Seni baxtli qilmoqqa keldim!
Beg'uborsan, bunchalar shirin,
Dil so'zingni bilmoqqa keldim.
Qulog'inga aytayin sirim,
Seni baxtli qilmoqqa keldim!
Shodliklarim shamoldek yeldi,
Alamlarni quvmoqqa keldim.
Orzularim ushalsin endi,
Seni baxtli qilmoqqa keldim!
Sulton bo'lib gulistoningda,
Bor mehrimni bermoqqa keldim.
So'nggi nafasgacha yoningda,
Seni baxtli qilmoqqa keldim!
Dunyoning eng go'zal kelini,
Men senga yor bo'lmoqqa keldim.
Oq libosda qarshi ol meni,
Seni baxtli qilmoqqa keldim!
Elyor NAZAROV
T.me/Elyor_NAZAROV_sherlari
1.8K viewsElyor NAZAROV, 13:56
