Элтуз портали: Янгийўлда профилактика инспектори Фарғона ва Қа | ELTUZ

Элтуз портали: Янгийўлда профилактика инспектори Фарғона ва Қашқадарёлик қурувчиларни жаримага солди

Ассалому алайкум Туз оға. Ишлар билан чарчамаябсизми?

Менинг ушбу мурожаатим Тошкент вилояти Янгийўл тумани Ватан маҳалласидан.

Хуллас, 2022 йил 20 июн куни яни бугун Янгийўл тумани Ватан маҳалласига вақтинча тайинланган ҳудуд профилактика инпектори (доимий профилактика инспектори К. Парпибоев ҳизмат сафарида экан) У. М. Эшбўриев Ватан маҳалласидаги хонадонлардан бирида ишлаётган Фарғона вилоятидан келган 4 нафар қурувчиларни кўриб қолади.

Улардан ҳужжатларини сўраб, суриштириб нима учун вақтинча пропискага қўймасдан ишлаяпсизлар деб, уларни ҳаммасини 15 км узоқликдаги Дарҳон маҳалласидаги ўзининг хизмат хонасига олиб боради.

Ҳар бири билан гаплашиб, ҳар бирингизга вақтинча пропискага қўймасдан ишлаётганинглар учун бир баравар иш ҳақи (300000) миқдорида жарима ёзаман, сизлар ишлаётган хонадон эгасига эса энг кам иш ҳақининг 10 баравари (3 миллион сўм) жарима протоколи ёзаман, дейди.

Шунингдек у ерда 5 та Қашқадарёлик қурувчилар ҳам бор эди.

Уларни ҳам шонли милициямиз инсон ўрнида кўришмаётган эди.

Инсон қадри учун деган сўзни шу ерда ўлганини билдим.

Ахир Ўзбекистон Республикаси Конституциясида ҲАР БИР ЎЗБЕКИСТОН РЕСПУБЛИКАСИ ФУҚАРОСИ ЎЗБЕКИСТОН РЕСПУБЛИКАСИ ҲУДУДИДА ЭРКИН ҲАРАКАТЛАНИШ ҲУҚУҚИГА ЭГА деб ёзиб қўйилган. (воқеа охири нима билан тугаганини айта олмайман)