Элтуз ихтиёрида мавжуд кўплаб аудиолардан бири, аудиони юборга | ELTUZ

Элтуз ихтиёрида мавжуд кўплаб аудиолардан бири, аудиони юборган шахсга кўра, май ойи ўрталарида ёзилган.
Унда Ўзбекистон мусулмонлари идораси ходими Аброр Абдуазимов (Аброр Мухтор Алий) никоҳидаги хотинларидан бири Муъмина эридан маҳридан кечиш эвазига талоқ талаб қилган.
Диний блогер Аброр Мухтор Алий аёлини ўласи қилиб калтаклаганига изоҳ бераркан қайнатаси кўзига тик қараб: “Қанақа тарбия қилсам, менинг ҳаққим бор!” дейди. Қайнатаси, унинг бу мавқеига эътироз билдираркан, мулла Аброр мабодо ўлдириб қўйса, у дунёда ўзи жавоб беришини айтади. “Исломда бунақа нарса йўқ” деган қайнатасига “Исломда бор... менинг қилган ишим хато бўлса, қўлимни қўяман, кесасиз” дейди Аброр Мухтор.
Ижтимоий тармоқларда юз минглаб фолловерларга эга диний блогер хотинини унинг рухсатисиз Мисрга кетиб қолгани, унинг рухсатисиз бошқа хотини уйига борганида айблайди.
Суҳбатга аралашган хотини Муъмина эса Аброрбекни туҳмат қилаётганликда айблайди.
Аввалроқ Муъминанинг онаси қизи Аброр Мухтор Алий қийноқларига чидай олмай, акасининг ёрдами билан Мисрга келганини айтганди.
Аброр Мухтор Алий шунингдек хотинини ўзаро аудиоларни Телеграм орқали “бегона эркакка” юборганликда айблайди. Хотини Муъмина эса “ўша бегона эркак бизнинг никоҳимизни ўқиётганида кафил бўлганми?” дея эътироз билдиради.
Бу диалогдан “бегона эркак”нинг хотини бор Аброр Мухтор Алийни, Ўзбекистон қонунларига хилоф равишда, Муъмина билан никоҳлаб қўйган, афтидан, бир мулла англашилади.
Бир неча йил муқаддам Ўзбекистон Президенти ЗАГСдан ўтмаган аёл ва эркакни никоҳлаб қўйган муллалар қонунга мувофиқ жазоланиши ҳақида огоҳлантирган эди.
Элтуз ихтиёрида бор аудиода Муъмина аёл кишини кўкартириб уриш мумкинми, деган саволига Аброр Мухтор Алий қиёмат куни ўзи жавоб беришини айтади.
Аудио ва ҳужжатларни тарқатишда давом этади. Кутинг.