ENGLISH WITH ELITH👩‍🏫

2022-06-30 11:17:23 Ochish/sharhlash

2022-06-30 11:17:23 Dunyoda hozirgi kungacha faoliyat yuritib kelayotgan eng qadimgi universitet muslima ayol tomonidan tashkil qilinganini bilasizmi?
UNESCO va Ginnesning Rekordlar kitobi e’tirof etgan bu universitet Marokashning Fes (Fos) shahrida joylashgan Al-Qarawiyyin universiteti bo’lib, u 859 yilda barpo etilgan. IX asrning o’rtalarida asli Tunislik bo’lgan Fatima bint Muhammad Al-Fihriya Al-Qurashiya (فاطمة بنت محمد الفهرية القرشية‎) va uning singlisi Maryam Marokashning Fes shahrida turmush qurib, shu yerda yashay boshlaganlar. Otalari vafotidan keyin qolgan meros hisobidan jamiyatga manfaatli bo’lishi uchun Al-Qarawiyyin masjidi va madrasa kompleksiga asos solishgan. Maryam xonim merosning o’z ulushidan 20.000 kishini sig’dira oladigan masjid qurdirgan bo’lsa, Fotima xonim ushbu masjidga tutashgan ta’lim markazini qurishga o’z sarmoyasi, vaqti va kuchini bag’ishlagan. Fotima xonim bu xayrli ishga ixlos bilan kirishib, qurilish davomida ro’za ham tutganlari haqida ma'lumotlar bor. Ba’zi manbalarga ko’ra ushbu markaz qurilishi 18 yil davom etgan. Avvaliga Qur’on maktabi va mo’jaz kutubxonadan boshlangan ushbu markaz, yillar davomida dunyoning eng mashhur ta’lim muassasasiga aylanib, har xil yo’nalishlar bo’yicha jahonning turli davlatlaridan kelgan tolibi ilmlarga oliy ma’lumot berib kelmoqda.

Manba:
https://www.guinnessworldrecords.com/world-records/oldest-university

https://www.bbc.com/travel /article/20180318-the-worlds-oldest-centre-of-learning Ochish/sharhlash

2022-06-30 09:20:32 Ochish/sharhlash