2020-10-11 05:49:50
1 курсга талабаликка тавсия этилганлар диққатига:
12-октябрдан танишув дарслари бошланади Мандат натижаларига кўра давлат гранти ҳамда тўлов-шартнома асосида
КУНДУЗГИ таълим шаклига талабаликка тавсия этилган Андижон давлат университети талабалари учун
2020 йилнинг 12 октябридан ТАНИШУВ дарслари бошланишини маълум қиламиз. Сиртқи таълимдаги талабалар учун кейинроқ ўтказилади.
Танишув дарслари таълим йўналишлари бўйича
3 кундан 12 кунгача ўтказилади.
Aнъанавий таълим шаклида бошланаётган ушбу дарс жараёнлари карантин қоидаларига тўлиқ амал қилган ҳолда,
аудиторияларнинг 50 фоиздан кўп қисмига талабаларни киритмасдан олиб борилади. Дарслар
кунига 2 парадан ортиқ бўлмайди. Паралар орасида талабаларга
10 дақиқалик танаффус берилади.
Талабалар турар жойларига талабалар жойлаштирилмайди. Бошқа вилоятлик талабалар
келишлари шарт эмас, улар учун махсус телеграм каналлар очилиб, керакли маълумотлар жойлаб борилади.
Танишув дарсларида 1-курс талабалари дарс жадвали, дарс берадиган ўқитувчи ва профессорлар билан таништирилади. Керакли дарсликлар ва фойдаланиладиган адабиётлар ҳақида маълумот берилади. Шунингдек, дарсларда олий таълим муассасаси талабаси мақоми, ўтиладиган дарслар, муҳим қоидалар, кредит-модул тизимида ўқиш тартиботлари тўлиқ тушунтирилади.
12-октябрда бошланадиган танишув дарслари орқали 1-курс талабаларига
масофавий (онлайн) таълим олиш кўникмаси шакллантирилади. Шунингдек,
керакли ҳужжатлар жамланмасини тақдим этиш бўйича тушунчалар берилади.
Танишув дарслари якунлангач, 1-курс талабалар ҳам бошқа курс талабалари сингари
ўқишни масофавий (онлайн) шаклда давом эттирадилар. Факультетлар
манзиллари ва йўналишлар дарс жадваллари қуйида танишишингиз мумкин.
Андижон давлат университети расмий телеграм каналиhttps://t.me/asu_uz
82 viewsEldorbek Jo’rayev, 02:49