e-kundalik

2023-01-09 22:18:59 Ochish/sharhlash

2023-01-06 20:03:03 Болажонлар айнан кичик ёшларда -муносабатлари ўта самимий бўлади назаримда, меҳрини ҳам, жаҳлини ҳам борлигича кўрсатишади. Шу видеодаги болачани ҳам ҳаракатларини роса завқланиб томоша қилдим .

Болаларнинг ойиси болаларни таътилидан фойдаланиб қариндошларни зиёрат қилиб келаман деб кетгандилар, бемалол ўзим қараб тураман болаларга дегандиму, кечга бориб роса билинаяпти ўрни . Шу видеони юбордим, "болача кичкинамизга роса ўхшар эканми" деб. Жилаб жилаб томоша қилади деб турибман . Эртага йўлга тушишига аминман кичкинасини соғиниб, тўғрида фақат биз соғиниб ўтирамизми

Одам қарийверса шунақа дипломатик йўллар билан ўз ишини битиришни ўрганар экан . Катта ўғлимга - ўрган студент дедим . Баъзида роса ит бола бўламанда ўзи ҳам Ochish/sharhlash

2022-12-31 22:57:43 Life hack
Эрта индин аксарият меҳмон кутса керак, шу сабаб тавсия илинсам.

Меҳмонни кўнглини олиш ва хурсанд қилишга ҳаракат қиламиз, лекин меҳмонга ёқаяптими, йўқми шуни аниқлаш мен учун доимо мураккаб иш . Ўзбекчилик андиша кучли, қандай ўзи деб сўрасангиз- хўмрайиб четкий деган жавоб оламиз . Италияликларга ўхшаб таом еганда бармоқларини ўпиб belissimo деганда, мезбон шақшайиб турган бўларди.

Яқинда бир янгилик кашф қилиб олдим, ёзги таътилда болаларнинг ойиси билан саёҳатдан турк чойи анжомларини олиб келгандик. Зиёратга келган дўстларимни меҳмон қилиб, якунда турк чой икром этдик. Турк ширинлиги- локумдан бир тишлам ва орқасидан чойдан бир ҳўплам деб ичиш процедурасини ҳам аста шипшидим, полвон бармоқлари билан бардакни назокат билан ушлаб чой ичиб бўлган дўстим : Меҳмондорчилик тарозининг бир палласида, бу чой бемалол иккинчи палласида деганди. Уша воқеадан кейин меҳмон келса якунда турк чойи икром этаяпмиз. Ҳозирча ҳамма Mama mia, belissimo, Gracia деб кетишяпти #тавсую Ochish/sharhlash

2022-12-31 17:23:49 Соат 14:00 га қадар зерикиб ўтирдик бир биримизга қараб, кейин дўстимни оилавий меҳмонга чақирдик болаларнинг ойиси билан. Ҳаёт қайнай бошлади хонадонда , кимдур чиройли кийимлар кийишга , кимдур дастурхон безашга банд . Қисқаси, Меҳмон – атойи Худо. У билан хонадонингга хурсандчилик, барака, тинчлик-хотиржамлик келади деганларига бугун яна бир амин бўлдим.

Грузиялик экспертимиз бор, шу кишининг бир гапи ақлимда қолган экан : Оила деганда биз, фақат жигарларимизни эмас, дўстларимиз ва уларнинг оила аъзоларини ҳам ҳисобга оламиз деганди.

P.S. Суратдаги болакай кенжамиз -Муҳаммад Содиқ Ochish/sharhlash

2022-12-31 13:01:44 ​​ Кичкина бир одатимни шу ерда баҳам кўриб кетсам, фойдали бўлса ўзлаштирарсизлар. 4-5 йилдан бери тугаётган йилнинг охирги кунлари йилни сарҳисоб қиламан, режалаштирилган ишларни қайсилари амалга ошди ва қайсилари амалга ошмади эринмай ёзиб чиқаман. Атайин қўлда ёзаман.

Йилдан йилга ўзим ҳам режадан фойдаланишни бошқалардан ўрганиб бораяпман, баъзи дўстларим ҳар куни ва баъзилари бир ойда бир режага қараб қўйишар экан, мен эса илгарилари йилнинг охирида қарар эдим ва шу сабаб балки аксари амалга ошмай қолар эди, худди расмдаги режа каби .

Аммо амалга ошмаса ҳам режа бўлиши тарафдориман, хонадонимизда имкон қадар бу ишни одатга айлантиришга ҳаракат қиламиз ва ҳаттоки дўконга чиксак ҳам маслаҳатлашиб, қоғозга тушириб ва сўнгра харидга кетамиз. (Баъзида ёзган қоғозимиз уйда қолиб кетсада - режа қилганимиздан хурсанд кетавераман ).

Режа қилишни мен кўпроқ яхши ният қилишга ўхшатаман, интернетда кўзим тушганди “маблағингиз бўлмасада режани катта қилаверинг” деган постга, шу сабаб яқин дўстларимга анча йиллар режа қилишларини тарғиб қилиб келдим ва ҳатто бир дўстимизга ялингандай Туркияга сафарга бораман деб қоғозга ёзиб режага кирит, ажабмас бирор куни шунақа орзуинг борлигини билиб биз дўстлар ташкиллаштириб берамиз десам ҳам унамади, уй қуришим керак ва бошқа ҳаражатларим бор каби сабабларни кўрсатиб. Шунда билдим, орзуни ҳам ўлчаб ва қўрқиб қиладиганлар бор экан деб. Бизга қийин иш, Яратганга осон. Шу сабаб режаларни босиб босиб ёзаверинглар, айниқса молия қисмини , Бераман деса қулига, келтириб солар қўйнига бўлиб кетади баъзида.

Бир дўстимизнинг дадаси айтганидай, “Элники элга” ва шу сабаб шу жамиятдан манфаат олаяпмизми, албатта кўнгилли бўлиб қанақадур лойиҳаларни амалга оширишни ва жамиятга қайтаришни кўнглингизга тугинг ва имкон қадар амалга оширинг.

2023 йил баракали келсин барчамизга, режани бугундан қолдирманглар, ҳеч кимга қараманг, кўнгил ўзи айтади нима қилишни ва ёзишни. Босаверамиз . Ochish/sharhlash

2022-12-26 10:12:59 ​​ Менда бир стереотип бор экан, негадур чет элликлар (Европаликлар деб тушуниб кетаверамиз) ўзимиздай меҳмондўст бўлмайди, ҳаммаси уларда ҳисоб китобли, ишдан бошқа вақтларда бунақа меҳмон-меҳмон ўйнашмайди деган тасаввурда эканман. (адашган эканман ).

Ростини айтганда катта шаҳарларда (Тошкентни назарда тутаяпман бу ерда) ўзимиз ҳам чет элликдан фарқимиз йўқ, ошна-оғайни, қариндош уруққа муносабатимиз чет элликдан қолишмайди.

Мавзуга қайтсам, ҳисоб китоб масаласида ва иқтисод қилишда чет элликлар ростдан жуда тартибли, ҳаттоки баъзи ҳаракатларида бу иш яққол сезилиб туради. Aслида, шунақа бўлиш ҳам керак деб ўйлайман режа ва тартиб бўлиши молиявий хавфсизлигингизга ёрдам беради анча. Уйда болаларимиз гўштсиз макарон таом еб турганда, биз чойхонада тандир гўшт билан ўзбек меҳмондўстлигини кўрсатишимиз ҳолатлари ҳам барҳам топар бир кун ҳисоб китобни ва кибрни жойига қўйсак.

Декабрнинг 12-17 кунлари Латвиянинг Рига шаҳрида хизмат сафарида бўлдик, иш фаолиятимиз давомида шу давлат мутахассислар билан ҳамкорлик қилиб турганимиз учун, бизларнинг Латвияга келганимизни эшитиб бирма бир меҳмон қилишди. Суратда кўриб турганингиз 2 киши биз билан учрашгани машинада 2 соатлик йўлни босиб келгани мени озгина таъсирлантирди . Ўзимни уларнинг ўрнига қўйиб кўрдим, ээйййй Белуччи Жиззахга келибди дейишса ҳам бормасдим қор ёғиб турганда назаримда (2 соатлик йўлда Тошкент-Жиззах).
Якунда, ҳисоб китобни ўртага ташлаймиз десак, Сизлар бугун бизнинг меҳмон дейишди. Ичимда мендан кўпроқ ўзбек экансан дедим.

П.С. Столдаги шишалар сув идишлари, Латвиада бирор жойда сувни пластик идишда беришмас экан. Қойил қолдим шунисига ҳам. Ochish/sharhlash

2022-12-24 11:20:30 ​​Фейсбукда ёзилган постларимдан бири экан, шу ерда ҳам турсин.

Aндижонликларга ҳос одат шекилли, уша ерлик икки дўстларимда бир яхши одатни кашф қилдим, аслида биз ҳам шунақа гапиришга одатлансак яхши бўлади деган умид билан қайд этиб кетаяпман.

Кеча ҳамкасб дўстим Иноят опадан компьютер сичқончасини олиб ва ҳали қайтариб беришга улгурмаган эдим. Тонг пайти қуйидаги смс келаяпти "Aссалому алайкум, Ойбек ака. Mouse ни олдимми кеча?" Таржимаси mouse ни қачон қайтариб берасан? Ёки mouse ни ҳали ҳам бермадингку менга? Aслида шундай дейилиши керак, лекин эътибор қилинг мен олмадимми деб савол берувчи айб менда дегандай мени ҳижолат ҳолатдан сақлаяпти.

Яна бир бошқа ҳолат Фарҳод акамиз билан содир бўлганди яқинда. Учрашув пайтини тушликкача келишиб телефонда, бир неча кундан кейин телеграмда адашиб тушликдан кейинги вақтни кўрсатиб юборибман.
Қуйидагича жавоб келди : Ойбекжон, учрашув пайти тушликдан кейин эканми? Ёзмаган эканманда. одатда б*из*лар : Вой, ўзинг уша куни тушликкача деган эдингку укам!!! деб давоб берган бўлар эдик . Лекин акамиз мени ҳижолат ҳолатга қўймаслик учун авайлаб шунақа ўзларига олиб мурожаат қилаяптилар.

Эй қойил дейсизда. Суҳбатдошнинг кўнглига озор бермасликка бўлаётган ҳаракатдан ўзингизга ҳам сабоқ оласизда. Бошқа миллатларда шу каби одатларга ҳавас қилардим. Ўзимизда ҳам бор экан.
Муомала борасида ҳозирча мен учун ўрнак Aнжанликлар. :)

П.С. Яқиндан Марғилонликлар ҳам қўшилди муомала масаласида мен ўрнак оладиганлар рўйхатига. Ochish/sharhlash

2022-12-18 13:13:40 Фикр сўрашганда доимо мен учун ташқи тарафдан энг чиройли Истанбулдаги масжид бу Султонаҳмат ва ички тарафдан Aясофия.

Лекин бугун Aясофия масжидида ўқилган бомдод намозидан кейин, инсонни тўлқинлантирадиган ибодат ҳам шу ерда амалга оширилса керак Истанбулда деган фикрдаман ҳозирча.
Намоз адо этилгач ярим соатлар саловат айтилди ва жамоатга жушқинланиб менга қўшилинглар деб имом мурожаат этди. Камина ҳам имомга эргашди, бизда одатда унақа қилинмагани учунми, ўзимни футбол стадионида ҳаяжоланиб бақираётган мухлисга ўхшатдим.
Якунда 10 дақиқалар дуо қилинди, ҳаттоки нотинч мусулмон диёрларига ҳам тинчлик сўралди дуода.

Қисқаси,1 соатга яқин давом этган ибодатда роса ҳузурландим. Саловатнинг озроқ жойини шу ерда илинаяпман.

Йўлингиз Истанбулга тушса албатта саҳарда Aясофияга келишингизни тавсия қиламан. Ибодатни кузатиш ва иштирок этиш билан бирга баҳонада айланиб ҳам оласиз ва туристлар билан соатлаб навбатда туришсиз бу ишни амалга оширасиз.

Видео ҳамкасбим Тўлқин акадан, мен олд қаторларда Ochish/sharhlash

2022-12-18 02:51:58 Ochish/sharhlash

2022-12-16 06:28:23 Бир ёзгандим, биз фарзандларимизни болалигида кўпроқ яхши кўришимизга сабаблардан бири айнан шу даврда улар ҳиссиётларини ҳижолат бўлмасдан кўрсатишларидур деб. Меҳрларини ёки аразларини борлигича кўрсатишади, ишдан келганингизда Дадааааа деб югуриб келиб ёпишиб олишларни 7-8 ёшда қилишмайдида,

Қисқаси, сафарда эдим, 4 кундур кенжатойимиз (5 ёш) мени кўрмаган ва кеча роса сўрабди "Дада қачон келади деб. Тунда 23:30ларда Ойиси видео қўнғироқ билан гаплаштирганди. Муҳаммад Содиқ, сенга нима ўйинчоқ олиб келай десам, Дада келинг уйга деяпти . Ойиси : Дада, нима олиб келсин деб такроран сўраганда. Дада, ўзи келсин деб жавоб берганди, ичимда Оталар ҳис қиладиган бир хурсандчиликни ҳис қилдим.

Расмда, йиғлаш арафасида турган кенжамиз, суҳбатимиз сўнгида гапларини айта олмай, сўзлари бўғзига тиқилди ва томоғини ушлаб йиғлаб берди ҳам аслида.

Суҳбатимиз якунланиши билан илк ҳаёлимдан ўтган фикр : Яхши ҳам оиладан узоқда узоқ муддат қоладиган ўқиш ёки иш қарорларини қабул қилмаганман эди. Ochish/sharhlash