Савол: Алиментни қандай даромаддан ушлаб қолиш мумкин эмас | Econamist Xorazm
Савол: Алиментни қандай даромаддан ушлаб қолиш мумкин эмас
Ходимнинг иш ҳақидан алиментни суд қарори билан " ташкилотлар ёки қарздорга – жисмоний шахсга иш ҳақи ёки унга тенглаштирилган бошқа тўловларни тўлайдиган бошқа шахслар томонидан ижро ҳужжатларини ижро этиш қоидалари "(рег. 2009 – йил 8-июлдаги 1980-сон, кейинги ўринларда-қоидалар). га асосан Алимент қарздорнинг Ўзбекистонда ҳам, ундан ташқарида ҳам олган пул ёки жисмоний кўринишидаги барча турдаги даромадлардан ушлаб қолинади.
Қарздорнинг иш ҳақидан ушлаб қолиш миқдорини солиқларни тўлашдан кейин қолган суммадан ҳисобланг (Қоидаларнинг 9-банди)
Суд қарорига кўра, алимент унга иш ҳақи ёки бошқа даромадларни тўлайдиган корхоналар томонидан ходимлардан ушлаб қолинади.
Ундирув қуйидаги пул суммаларига қаратилиши мумкин эмас:
майиб бўлганлик ёки соғлиққа бошқача тарзда шикаст етганлик, шунингдек боқувчисининг вафот этганлиги сабабли кўрилган зарарни тўлаш суммаларига;
хизмат мажбуриятларини бажариш чоғида майиб бўлган (яраланган, шикастланган, контузияга учраган) шахсларга ва мазкур шахслар ҳалок бўлган (вафот этган) тақдирда уларнинг оила аъзоларига тўланадиган суммаларга;
бола туғилганлиги муносабати билан тўланадиган суммаларга;
алимент мажбуриятлари бўйича тўланадиган суммаларга;
меҳнат шароити ноқулай ва ўзига хос бўлган ишлар учун тўланадиган суммаларга, шунингдек радиация таъсирига учраган шахсларга ва қонунчилик ҳужжатларида белгиланган бошқа ҳолларда тўланадиган суммаларга;
ҳомиладорлик ва туғиш бўйича тўланадиган нафақа суммаларига;
дафн этиш маросими учун бериладиган нафақа суммаларига;
қисман ҳақ тўланадиган таътил даврида болани парваришлаш учун тўланадиган суммаларга;
бола туғилиши, қариндошлар вафот этиши, никоҳ тузиш муносабати билан корхона, муассаса ёки ташкилот томонидан тўланадиган суммаларга;
хизмат сафари, бошқа жойга ишга ўтказилганлиги, қабул қилинганлиги ёки юборилганлиги муносабати билан тўланадиган суммаларга;
меҳнатга оид муносабатлар бекор қилинганда ишдан бўшатиш нафақаси тариқасида тўланадиган суммаларга.
@EconamistXorazm
