Do‘stlik tumani hokimligi | Rasmiy kanali

21 май куни Тошкентда Ўзбекистон Қуролли кучлари ва куч ишлатувчи тузилмаларининг вакиллари, ҳарбий ўқув муассасаларининг курсантлари ҳамда спорт ҳаваскорлари ва профессионал спортчилар иштирокида  «Men g‘olib» ҳарбий-ватанпарварлик оммавий югуриш мусобақаси бўлиб ўтди.

Икки мингга яқин иштирокчилар эрта тонгда «Humo arena» спорт мажмуасининг ҳудудида, 3 км ва 10 км масофаларга югуриш учун тўпланди. Куч ишлатар тузилмаларининг ходимлари ва ҳарбий ўқув муассасаларининг курсантлари билан бир қаторда спорт югуриш клубларининг аъзолари ва ҳаваскор югурувчилар старт йўлакчасидан жой олишди.
Ушбу мусобақа Енгил атлетика федерацияси, бош ҳамкор – «Ўзбекнефтгаз» АЖ томонидан, Мудофаа вазирлиги, ФВВ, ИИВ, Давлат божхона қўмитаси, Миллий гвардия ва Тошкент шаҳар ҳокимияти кўмагида ташкил этилди.
Маросимнинг очилишида Ўзбекистон Триатлон федерациясининг раиси Виктор Маҳмудов оммавий югуриш мусобақасининг иштирокчиларига ўзининг табрик сўзларини етказди.

Таъкидлаш жоизки, «Men g‘olib» оммавий югуриш мусобақасини ўтказишда кўзланган энг муҳим мақсадларидан бири Қуролли кучлар ва куч ишлатувчи тузилмалар орасида дўстона спорт алоқаларини ривожлантириш, куч ишлатувчи идораларнинг вакиллари орасида энг спортсевар ва кучли жамоаларни аниқлаш ҳисобланади.

«Men g‘olib» жамоавий мусобақасида ғолибликни Ўзбекистон Республикаси Мудофаа вазирлиги қўлга киритди.

MediaKontentUz

Каналга аъзо бўлиш учун:

https://t.me/mediakontentuz

«Тарағай баҳори» фестивали бўлиб ўтди

«Хизматлар соҳасини ривожлантиришга оид қўшимча чора-тадбирлар тўғрисида»ги Президент қарори ижроси доирасида Қашқадарё вилояти Чироқчи туманида «Тарағай баҳори» фестивали ўзтказилди.

Ўтмиш сир-асрорларини ўзида мужассам этган қадим ва навқирон Тарағай қишлоғи тоғ ёнбағирларида бўлиб ўтган фестивалда очиқ осмон остида Чироқчининг кўҳна тарихидан садо берувчи музей ва ҳунармандчилик намуналари кўргазмаси, халқ ўйинлари, миллий таомлар намойиши (гастротуризм) ҳамда Ҳосила Раҳимова, Сардор Тоиров сингари таниқли санъаткорлар иштирокида концерт ташкил этилди.

Аҳамиятли томони шундаки, бундай фестивалнинг ҳар йили баҳор ойларида анъанавий тарзда ўтказилиши Тарағайнинг темурийлар даврига оид тарихини илмий асосда ўрганиш, мавжуд ёдгорликларни сақлаб қолиш, ҳудудда рекреацион, гастрономик ва ландшафт туризми, қолаверса, спелео-туризмни ривожлантириш, бу ерга келадиган маҳаллий ва хорижий сайёҳлар сонини кўпайтириш ва қишлоқ аҳли даромадларини ошириш учун қулай замин ҳозирлайди.