«ДУО ВА ЗИКР»

2023-05-11 09:04:37 ​​ПРАВА ОЛИШДА ПУЛ БЕРИШ

@Shayx_Muxlislariuz САВОЛ:

Ассалому алайкум! Мен ҳайдовчилик гувоҳномаси ўқишни тугатдим, кейин имтиҳон топширдим. Имтиҳондан 3 марта ҳам ўтолмадим, кейин бир одам у одамга пул олиб берар экан пул берсам олсам бўладими?

ЖАВОБ:

– Ва алайкум ассалом! Топширолмасангиз ва пора эвазига сизга беришса қанақасига тўғри бўлади. Исломда пора билан иш битириш ҳаром. 
عَنْ أَبِي هُرَيْرَةَ رضي الله عنه ، قَالَ: لَعَنَ رَسُولُ اللهِ صلي الله عليه وسلم الرَّاشِيَ وَالْمُرْتَشِيَ فِي الْحُكْمِ. رَوَاهُ التِّرْمِذِيُّ وَأَحْمَدُ
Абу Ҳурайра розияллоҳу анҳудан ривоят қилинади:«Расулуллоҳ соллаллоҳу алайҳи васаллам ҳукмда пора берувчини ва пора олувчини лаънатладилар».Термизий ва Аҳмад ривоят қилишган. Валлоҳу аълам!


«Зикр аҳлидан сўранг» ҳайъати

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549

Манба Ochish/sharhlash

2023-05-09 10:58:29 КИШИ ЯХШИ КЎРГАНИ БИЛАНДИР!

Расулуллоҳ (соллаллоҳу алайҳи ва саллам) дуо қилсалар: “Эй Аллоҳим! Менга Ўз муҳаббатингни, Сенга муҳаббат қўйганлар муҳаббатини, муҳаббатингга муқарраб этувчилар муҳаббатини ризқ қилиб бер! Муҳаббатингни мен учун муздек сувдан ҳам маҳбуброқ айла!” дер эдилар.
Бир аъробий савол берди:
– Эй Аллоҳнинг Расули! Қиёмат қачон?
– Сен унга нима тайёрлаб қўйгансан? – сўрадилар у зот.
– Аллоҳга қасамки, мен унга намоз ҳам, рўза ҳам, бошқа каттароқ амал ҳам ҳозирлаганим йўқ. Аммо мен Аллоҳни ва Унинг Расулини яхши кўраман, – жавоб берди аъробий.
Расулуллоҳ (соллаллоҳу алайҳи ва саллам) табассум айладилар ва:
– Киши яхши кўргани биландур, – дедилар.

“Расулуллоҳ соллаллоҳу алайҳи ва саллам ҳаётидан лавҳалар” китобидан.

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549 Ochish/sharhlash

2023-05-09 08:15:17 Ochish/sharhlash

2023-05-09 08:15:08 ​​ОИЛАДА ЭР КЎП ЛАЪНАТЛАСА

@Shayx_Muxlislariuz САВОЛ:

Ассалому алайкум! Оилалиман, 4 нафар фарзандим бор, турмуш ўртоғим 5 вақт намоз ўқийдилар, лекин жуда дилозор, кўнгилни оғритадиган кўп гаплар айтадилар, ҳар бир гапларига сўкиниш гаплар аралаштирадилар, менга нисбатан ўта қўпол сўзларни айтадилар, пастга уриб ҳақоратомуз гапларни айтадилар. Мен аёл киши эканман, эримнинг ҳамма гапларига кўникишим шарт экан, бир неча бор шунақа қилманг деб айтаман. Безиллаб қолганман, кўчада арзимаган нарсаларга ҳам ўта асабийлашиб, уйда тўс тўполон қилиб ташлайдилар. Ўзим ва фарзандларим безиллаб турамиз. Ҳар чақирганларида сўкиш аралаштириб гапирадилар. Бировларни кўп мазах қиладилар, бир неча бор айтганман бу ёмон фазилатлигини, барбир характерни ўзгартириб бўлмас экан. Канални мунтазам кузатиб борадилар, уларга ҳадислардан мисол келтириб панд насиҳат қилсангиз, шояд, Аллоҳнинг гўзал калималари чиққан тиллари инсофга келса.

ЖАВОБ:

– Ва алайкум ассалом! Мусулмон одам бундай золим бўлмаслиги керак. 
عَنْ أَبِي الدَّرْدَاءِ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِنَّ اللَّعَّانِينَ لَا يَكُونُونَ شُهَدَاءَ وَلَا شُفَعَاءَ يَوْمَ الْقِيَامَةِ. رَوَاهُ مُسْلِمٌ وَأَبُو دَاوُدَ 
Абу Дардо розияллоҳу анҳудан ривоят қилинади:«Набий соллаллоҳу алайҳи васаллам:«Лаънатловчилар қиёмат куни гувоҳ ҳам, шафоатчи ҳам бўлмайдилар», дедилар».Муслим ва Абу Довуд ривоят қилганлар.Шарҳ: Бу дунёда одамларни лаънатлаб юрадиган одамлар у дунёда юқори мартабаларга эриша олмас эканлар. Ким у дунёда гувоҳлик ёки шафоатчилик каби олий мақомларга эришиш ниятида бўлса, зинҳор бировни лаънатламасин. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549

Манба Ochish/sharhlash

2023-05-04 16:35:16 ПАЙҒАМБАРЛАР ҚИЛГАН ДУОЛАР

Одам алайҳиссаломнинг дуолари:

رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ

«Эй, Раббимиз! Биз ўзимизга (ўзимиз) зулм қилдик. Агар бизни кечирмасанг ва бизга раҳм қилмасанг, биз, албатта, зиён кўрувчилардан бўлиб қолурмиз» (Аъроф, 23).

Айюб алайҳиссаломнинг дуолари:

أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ

«(Эй, Раббим!) Менга мусибат етди. Ўзинг раҳмлиларнинг раҳмлироғидирсан» (Анбиё, 83).

Нуҳ алайҳиссаломнинг дуолари:

رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا

«Эй, Раббим! Мени, ота-онамни, уйимга мўмин ҳолда кирган кишиларни ва барча мўмину мўминаларни мағфират этгин! Золимларга эса фақат ҳалокатни зиёда қилгин!»
(Нуҳ, 28).

Иброҳим алайҳиссаломнинг дуолари:

رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ

«Эй, Раббим! Мени ва зурриётимдан (кўп фарзандларимни) намозни баркамол адо этувчи қилгин! Эй, Раббимиз! Дуоимни қабул эт!» (Иброҳим, 40).

Юнус алайҳиссаломнинг дуолари:

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ

«Сендан ўзга илоҳ йўқдир. Сен (барча) нуқсонлардан покдирсан. Дарҳақиқат, мен (ўзимга) зулм қилувчилардан бўлдим» (Анбиё, 87).

Юсуф алайҳиссаломнинг дуолари:

فَاطِرَ السَّمَاوَاتِ وَالْأَرْضِ أَنْتَ وَلِيِّي فِي الدُّنْيَا وَالْآَخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ

«Эй, осмонлар ва Ерни ижод этган зот! Дунёю охиратда Ўзинг эгамдирсан. (Ажалим етганида) мусулмон ҳолимда вафот эттир ва мени солиҳлар (қатори)га қўшгин!» (Юсуф, 101).

Шуайб алайҳиссаломнинг дуолари:

عَلَى اللَّهِ تَوَكَّلْنَا رَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَأَنْتَ خَيْرُ الْفَاتِحِينَ

«Таваккулни Аллоҳга қилдик. Эй, Раббимиз! Биз билан қавмимиз ўртасида ҳаққоний ҳукм қил! Сен ҳукм қилувчиларнинг яхшисидирсан» (Аъроф, 83).

Мусо алайҳиссаломнинг дуолари:

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي

«Эй, Раббим! (Бу қийин вазифага) бағримни кенг қилгин ва ишимни осон қилгин ҳамда тилимдан тугунни (дудуқликни) ечиб юборгин» (Тоҳа, 25-27).

Муҳаммад соллаллоҳу алайҳи васалламнинг дуолари:

رَبَّنَا آَتِنَا فِي الدُّنْيَا حَسَنَةً وَفِي الْآَخِرَةِ حَسَنَةً وَقِنَا عَذَابَ النَّارِ

«Эй, Раббимиз, бизга бу дунёда ҳам яхшилик ато этгин, охиратда ҳам яхшилик (ато этгин) ва бизни дўзах азобидан асрагин», (Бақара, 201).

САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!!
------------------

УЙ ИЧИГА ҲАММОМ. Акам Уй ичига ҳаммом қурмоқчи. Қайсидир домла уй ичига ҳаммом қилмасликка чақирибди, ҳаммомда жинлар бўлади, уйда ҳаммоми бўлган бир келиннинг кўзига 2та катта эркак кўринибди. Биз нима қилайлик?
ЖАВОБНИ ЎҚИНГ https://t.me/Shayx_MuhammadSodiq_Muxlislari/15549 Ochish/sharhlash

2023-05-04 08:56:43 ТАВБА ҚИЛГУВЧИЛАР БОРМИ?

Эй, гуноҳларига тавба қилувчи, чекаётган надоматингдан бир натижа борми?!
Бу тойилиб адашганинг учун йиғлаб тавба қиляпсанми?!
Аламли иқобдан сақланишга ҳаракат қиляпсанми?!
Жазонинг қаттиқлигидан қўрқиб дир-дир қалтираяпсанми?!
Тавбани тилдагина айтиладиган сўз деб ўйлайсанми?
Тавба инсонни тозалайдиган бир доридир.
Юрагингни кирликлардан тозала, узр либосини кий, синиқлик ила безан ва тавба эшиги олдига бор.
Кунлар ўтиб кетди, гуноҳлар ёзиб қўйилди ва энди фақат ўтган ишларга чин юракдан надомат қилишгина фойда беради.
Банда нечоғли гуноҳкор бўлмасин, Раббининг раҳмат эшиги кенгдир. Бунга далил бўлувчи кўплаб оятлар келган:

أَلَمۡ يَعۡلَمُوٓاْ أَنَّ ٱللَّهَ هُوَ يَقۡبَلُ ٱلتَّوۡبَةَ عَنۡ عِبَادِهِۦ

“Улар Аллоҳгина Ўз бандаларининг тавбасини қабул қилишини билишмайдими?”
(Тавба сураси, 104-оят).

"Тавба" китобидан.

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549 Ochish/sharhlash

2023-05-04 08:37:25 Ochish/sharhlash

2023-05-04 08:37:11 Дунёдаги энг тотли нарса

Тасаввуф олимларидан бири Бишр раҳматуллоҳи алайҳ қуйидаги шеърни такрорлаб юришни яхши кўрар экан:

“Сенинг қулинг эканим – азизликка кифоя,
Менинг Роббим эканинг – обрўларга ниҳоя”.

Олимлардан бири: “Дунёдаги энг тотли нарсани татиб кўрмасдан ўтиб кетган кишилар дунё аҳлининг энг бечораҳоллари ҳисобланади”, – дебди.
Шунда унга: “Энг тотли нарса нима”, – дейишибди. У: “Аллоҳ таолони таниш дунёдаги энг тотли нарсадир”, – дея жавоб берган экан.

«Эътиқод дурдоналари» китобидан.

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549 Ochish/sharhlash

2023-05-04 08:37:02 ​​МЕН КОФИРМАНМИ

@Shayx_Muxlislariuz САВОЛ:

Ассалому алайкум! Устозлар менда 9 ойдан бери қўрқу бўлиб қолди, ҳатоки бу дарддан тўйганмдан ўзимни ўлдиргиман келяпти. Бу касалик бут санамларни Аллоҳга шерик қилгаларни учун кофирларни қалбга қўрқу солмиз Тоха сураси 124-оят. Мен буту санамларни Аллоҳга шерик қилмаганманман, лекин менда бу қўрқу нимага бўлиб қолди билолмаяпман. Мен кофирманми?

ЖАВОБ:

– Ва алайкум ассалом! Аллоҳга шерик қилмаган бўлсангиз кофир бўлмайсиз. Булар шайтоннинг васвасаси, сиз эътибор берманг. Ит сизга қараб хуриса эътибор қаратсангиз ёки уни жим қилишга уринсангиз баттар аккиллашини бошлайди. Ундан кўра итнинг эгасига мурожаат қилсангиз у бир сўз айтиб итни тинчлантиради, овозини ўчиради. Худди шунингдек шайтон ҳам Аллоҳнинг итидир. Сизга васваса қилса уни жимитишга ҳаракат қилсангиз баттар бўлаверади. Ундан кўра у итни эгаси Аллоҳ таолога мурожаат қилиб шайтондан панох беришини сўранг. Бошқа ҳеч нарсага аҳамият берманг.  «Роббиғфир варҳам ва анта хойрурроҳимиин»ни кўп ўқинг. Валлоҳу аълам!


«Зикр аҳлидан сўранг» ҳайъати

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549

Манба Ochish/sharhlash

2023-05-01 09:56:12 ​​ШИРК БЎЛИБ ҚОЛМАЙДИМИ

@Shayx_Muxlislariuz САВОЛ:

Ассалому алайкум! Бир биродаримиз сухбатида фарзандлари турмаганлиги сабабидан бир ёши улуғ қори додани хузурларига дуо олиш мақсадида борибдилар. Шунда қори дода "Симён пари" номли жин борлиги аниқ у фарзанд туғилганида уни бўғиб зиён беради деганлар. Шу тўғрисида мен ихтилоф қилиб бу нотўғри этиқод дедим ва шу саволни жўнатаяпмиз. Динимиз бу хақида нима дейди?

ЖАВОБ:

– Ва алайкум ассалом! Биз ҳамма нарсани Аллоҳдан деб иймон келтирганмиз. Доим бизни устимизда Аллоҳнинг тадбири бўлади. Банданинг иши шариатга мувофиқ барча сабабларини қилади ва натижани Аллоҳдан кутилади. Ана шундай тадбирлардан бири ҳадисда келгани каби янги туғилган чақалоқнинг ўнг қулоғига азон, чап қулоғига такбир айтишдир. Қори дода айтган «Симён пари» аслида «Умму Сибён» деб аталадиган жин ҳисобланади.Расулуллоҳ соллаллоҳу алайҳи васалламнинг ўзлари чақалоқларнинг қулоғига азон айтганлар.Абу Рофеъ розияллоҳу анҳудан ривоят қилинади:«Расулуллоҳ соллаллоҳу алайҳи васалламнинг Фотима розияллоҳу анҳо Ҳасан ибн Алини туққанида унинг қулоғига намознинг азонини айтаётганларини кўрдим».Абу Довуд ва Термизий ривоят қилганлар.Ушбу ҳадиси шарифга биноан, янги туғилган фарзанднинг ўнг қулоғига азон, чап қулоғига иқома айтмоқ мандубдир. Янги туғилган боланинг қулоғига кирган биринчи нарса Аллоҳнинг зикри бўлиши қандай ҳам яхши. Албатта, бу улуғ нарсанинг ўзига яраша баракаси бўлади.Бундан ташқари, боланинг қулоғига азон ва иқома айтишнинг яна бир ҳикмати бор.Ҳусайндан ривоят қилинади:«Расулуллоҳ соллаллоҳу алайҳи васаллам:«Кимнинг боласи туғилса-ю, унинг ўнг қулоғига азон, чап қулоғига иқома айтса, унга Умму Сибён зарар етказа олмас», дедилар». Абу Яъло ривоят қилган.«Умму Сибён» болаларга зиён етказадиган жин тоифасидир. Унинг қиладиган иши гўдакларга зарар етказишдан иборат. Аммо боланинг қулоғига азон ва такбир айтиб қўйилса, мазкур жин болага зарар етказа олмай қолади. Бунинг устига, азон ва такбир боланинг қалбига, бутун вужудига яхши таъсир қилишидан умидворлик ҳам бор. («Соғлом бола» китобидан). Валлоҳу аълам!


«Зикр аҳлидан сўранг» ҳайъати

ДЎСТЛАРИНГИЗГА ҲАМ УЛАШИНГ!!!

«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!! https://t.me/Shayx_MuhammadSodiq_Muxlislari/15549

Манба Ochish/sharhlash