ГУНОҲЛАРИНГИЗНИНГ КЕЧИРИЛИШИНИ СЎРАБ ДУО ҚИЛИНГ Шайхул Исло | «ДУО ВА ЗИКР»
ГУНОҲЛАРИНГИЗНИНГ КЕЧИРИЛИШИНИ СЎРАБ ДУО ҚИЛИНГ
Шайхул Ислом Муҳаммад Тақий Усмоний ҳафизаҳуллоҳ ҳазратлари томонидан ҳаёт тарзи яхши томонга ўзгаришини истаганлар учун тайёрланган 40 кунлик вазифа:
Кунда бор-йўғи 10 дақиқа ажратиб, иншааллоҳ, бутун ҳаётимизга мазмун кириб буткул ўзгариши кафолатланади.
Муҳаммад Тақий Усмоний ҳафизаҳуллоҳ ҳазратлари буни кўплаб шогирд ва талабаларига тавсия қилганлар ва минглаб кишилар бунинг натижасини кўришган.
Бомдод намозини ўқиб бўлгач, биринчи қилинадиган нарса ўтириб, кунни қандай ўтказмоқчи бўлганингиз борасида Аллоҳ таолога сўз бериб, аҳдлашиш бўлсин.
Кун давомида қиладиган барча амалларни ибодатдан ҳам муҳим амал — Аллоҳнинг розилиги учун қилишга қасам ичасиз. Инсонлар билан гаплашган гапларингиз, еган таомингиз, уйқунгиз ва дам олишингиз, барча-барчаси, Аллоҳнинг розилиги учун бўлиши керак.
Хўп, қандай қилиб Аллоҳ розилиги учун ухлаш мумкин? Уйқу Аллоҳ таолонинг неъматларидан бир неъматдир ва бандалар бу неъмат учун шукр қиладилар. Аллоҳ таолонинг розилиги учун ухлаймиз, У Зотга узоқ ва кўп ибодат қила олиш учун дам олган бўламиз.
Мазкур қасамни ва аҳдлашувни Холиқимиз бўлмиш Аллоҳ таолога қилинг, қийин нарсаларни осонлаштириши учун Аллоҳ таолога дуо ва илтижо қилинг. Қийинчиликларни енгиллатувчи зот Аллоҳ таолодир. У Зотнинг ёрдами билан ҳар қандай қийинчиликни енгиш мумкин. Ҳавои нафс ҳам енгилади.
Куннинг охирида хуфтон намозидан кейин ёхуд ётишдан олдин яна қўлингизни кўтариб, хато ва гуноҳларингизнинг кечирилишини сўраб, дуо қилинг. Эртасига бомдодда яна шундай қасам ичинг.
Абдуллоҳ Раҳим
САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!
«ШАЙХ МУҲАММАД СОДИҚ МУҲАММАД ЮСУФ МУХЛИСЛАРИ» КАНАЛИГА АЪЗО БЎЛИШНИ УНУТМАНГ!!!
---------------------
МУҲАММАД ИСМЛИ БОЛАГА МУОМАЛА. #САВОЛ: Бир домлани Муҳаммад исми қўйилган болани уришса ёки қарғаса 4 мазҳабда кофир бўлади ва хотини талоқ бўлади деганини эшиттим. Шундай бўлиши мумкинми?
ЖАВОБНИ ЎҚИНГ https://t.me/Shayx_MuhammadSodiq_Muxlislari/19344
