Duob TV | Yangi O‘zbekiston

2022-08-31 05:40:56 Maktab darsliklarini olishda yuzaga keladigan muammolarni bartaraf etish uchun maxsus bot ishga tushirildi

O‘quv yilining boshida bir maktabdan boshqa maktabga o‘tish tufayli o‘quvchi sonining o‘zgarishi, ayrim holatlarda hattoki ta’lim tilini o‘zgartirishi holatlari ham kuzatiladi.

O‘quvchi soni o‘zgarishi maktabda mavjud bo‘lgan darslik fondini ham qayta taqsimlash zaruriyatini yuzaga keltiradi.

Ma’lumki, darsliklar har yili chop etilmaydi va chop etilgan yilda, maktab buyurtmasiga qarab taqsimlanadi. Maktab kontingenti o‘zgarishi o‘z-o‘zidan boshqa hududda saqlanayotgan darsliklarni qayta taqsimot qilishga va ehtiyoj yuzaga kelgan maktabga yetkazishga olib keladi.

Endi mana shunday yuzaga keladigan chalkashliklarni tezroq hal qilish uchun maxsus Telegramm-bot ishga tushirildi. Mazkur @bookedu_bot ga yo'llangan murojaat aniq qilib, maktab sonini, yuzaga kelgan masalani to'liq yozib qoldirish kerak.

Shu o‘rinda, ayrim manbalarda 3-, 6-, 7-, 10-sinf yangi darsliklarni o‘quv yili boshidan berilishi yoki berilmasligi bo‘yicha turli xabarlar yuzaga kelganligi bo'yicha ham tushuntirish berildi.

Prezidentning “2022-2026-yillarda Xalq ta’limini rivojlantirish bo‘yicha Milliy dastur”ga asosan darsliklarni xalqaro ekspertlar ishtirokida yaratish va bosqichma-bosqich joriy etish vazifasi belgilangan.

Farmonga asosan, 2022-yil yakuniga qadar darsliklarni yangilash vazifasida 4 ta sinfni qamrab olishi belgilangan. Bundan tashqari, 2022-yilda ingliz, nemis va rus tillaridan Kembridj, Klett nashriyotlari va Gersen nomidagi Rossiya Davlat Pedagogika universitetining yurtimiz ta’lim tizimi talablariga mos ravishda  mahalliylashtirilgan darsliklarini joriy qilish belgilangan.

Hozirga qadar, qator yangi darsliklar maktablarga chop etilib, o‘quvchilar uchun foydalanishga tayyor qilib qo‘yilgan. Bu borada 6-, 7- va 10-sinf darsliklarini yangilash jarayoni oktyabr oyi yakuniga qadar ta’minlanadi.

@duobtv1 Ochish/sharhlash

2022-08-31 05:38:15 Тўлов-контракт асосида ўқиш учун таълим кредитларини ажратиш тартиби

Таълим кредитлари таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон фуқароси бўлган талабаларга берилади.

Бунда, кредит олувчининг доимий даромад манбаига эга оила аъзолари (ота-онаси, ака-укаси, опа-синглиси, эри ёки хотини) ёки васийлари биргаликда кредит олувчи сифатида қатнашиши мумкин.

Таълим кредитининг асосий қарзи талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.

Таълим кредитини олиш учун Молия вазирлигининг расмий веб-сайтида эълон қилинган тижорат банкларига қуйидаги ҳужжатлар тақдим этилади:

ариза;
тўлов-контракт шартномаси ва унга илова қилинадиган ҳисоб варақаси/фактураси (мавжуд бўлганда). Шартномада ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;
таълим кредити қайтарилишининг таъминоти бўйича ҳужжат. Бунда “Ижтимоий ҳимоя ягона реестри”га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;
“Ижтимоий ҳимоя ягона реестри”га киритилганлигини тасдиқловчи маълумотнома (“Ижтимоий ҳимоя ягона реестри”га киритилган оилалар фарзандлари учун);
биргаликда кредит олувчига тегишли маълумот.

Ҳужжатлар 5 иш кунида кўриб чиқилади.

Таълим кредити шартномаси тўлов-контракт шартномасида кўрсатилган бир йиллик тўлов суммасига тенг миқдордаги суммага тузилади.

Таълим кредити кредит олувчига Марказий банкнинг асосий ставкаси миқдорида ажратилади.

Бунда, Марказий банкнинг асосий ставкаси пасайтирилган тақдирда, таълим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таълим кредити бўйича фоиз ставкаси ўзгаришсиз қолади.

Мазкур тартиб:

чет эл фуқаролари ва фуқаролиги бўлмаган шахсларга;
тижорат банклари томонидан Жамғарма маблағларидан ташқари бошқа манбалар ҳисобидан бериладиган таълим кредитларига нисбатан татбиқ этилмайди.

Табақалаштирилган тўлов-контрактни ва унинг минимал миқдорига тенг бир марталик бошқа тўловларни амалга ошириш учун таълим кредити ажратилмайди.

@duobtv1 Ochish/sharhlash

2022-08-31 05:37:16 Михаил Горбачёв 92 ёшида вафот этди.
@duobtv1 Ochish/sharhlash

2022-08-31 03:34:43 Aссалому алайкум. Чоршанба тонги муборак бўлсин

Соғ–саломат уйғотган Роббимизга хамдлар бўлсин!

Ҳамиша Аллоҳнинг панохида бўлинг

Сўнгги янгиликлар @duobtv1 Ochish/sharhlash

2022-08-30 04:36:57 Ўзбекистон Республикаси Президенти Шавкат Мирзиёевнинг Урганч шаҳрида Жалолиддин Мангуберди ҳайкалининг очилишига бағишланган тантанали маросимдаги нутқи

@duobtv1 Ochish/sharhlash

2022-08-30 04:35:12 Китоблик маҳалла раиси 60 ёшида талаба бўлди.

Қашқадарё вилояти Китоб тумани «Шарқ Юлдузи» маҳалла фуқаролар йиғини раиси Махфират Халилова 57,8 балл билан Ўзбекистон Миллий университети Жиззах филиали ижтимоий иш (фуқароларнинг ўз-ўзини бошқариш органлари) йўналиши бўйича 60 ёшида талаба бўлди.

@duobtv1 Ochish/sharhlash

2022-08-29 17:31:58 Фото: Деҳқонободда Ўзбекистон Мустақиллигининг 31 йиллигига бағишланган байрам тадбири бўлиб ўтмоқда

@duobtv1 Ochish/sharhlash