Biz va dunyo haqida (siz kutgan habarlar)

2022-02-18 08:22:43 #Juma_muborak

Musulmon ahli juma kunini intiqib kutadilar. Jumadan jumaga yetkazgani uchun shukrona aytadilar.

Aziz dindoshimiz, haftaning bu qutlugʻ kuni Sizga-da muborak boʻlsin. ALLOH yurtimizdan tinchlikni, osmonimizdan musaffolikni aritmasin.

Najot amal qilingan ilmdaligi, qalblar husnul xulq bilan zabt etilishini hamisha his qilib yashash nasib qilsin.

Kanalga qo'shilish @dunyo_va_biz Ochish/sharhlash

2022-01-21 20:12:08 Biz va dunyo haqida (siz kutgan habarlar) pinned «​Shu linkka kirib start bosing, kanalga a'zo bo'lib qo'ying, tekin pullarni qo'lga kiriting! Kanalga qo'shilish @dunyo_va_biz» Ochish/sharhlash

2022-01-21 20:09:06 #Диққат #Тарқатинг

Билмаганлар билиб олсин, билганлар бошқаларга ҳам етказиб, огоҳлантириб қўйсин

Ҳозирда ижтимоий тармоқларда Рамазон ойи 2022 йил, 2 апрель кунидан бошланиши, ҳадисларда ким инсонларга Рамазон ойи кириб келиш санасини биринчи бўлиб эслатса, дўзах олови ўша инсон учун ҳаром қилиниши ҳақидаги хабар тарқалмоқда.

Аслида, Пайғамбаримиз алайҳиссалом айтмаган гапларини тўқиш ёки тўқима ҳадисларни тарқатиш шариатимизда оғир гуноҳ саналади. Шундай экан, билмаганлар билиб олсин, билганлар бошқаларга ҳам етказиб, огоҳлантириб қўйсин. Бу ишни қилиб, тўқима ривоятларни тарқатиб юрганлар тавба қилишсин, оддий-асоссиз гапларни ҳадис деб тақатишни тўхтатишсин.

Ўзбекистон мусулмонлари идораси
Фатво ҳайъати.

@dunyo_va_biz Ochish/sharhlash

2022-01-13 15:54:29 ​Shu linkka kirib start bosing, kanalga a'zo bo'lib qo'ying, tekin pullarni qo'lga kiriting!

Kanalga qo'shilish @dunyo_va_biz Ochish/sharhlash

2021-10-29 19:21:06 #janoza #tasirli #sher

Janozangga yaxshilar kelsin

Kimdir erta,kimdir ketar kech,
So‘nggi kunni Alloh bilarkan.
Sira o‘ylab ko‘rganmisan hech,
Janozangga kimlar kelarkan?

Kim yetaklar so‘ygali tuya,
Kim yuzi oq,zaboni kuya,
O‘lganligi rostmikan deya,
Janozangga kimlar kelarkin ?

O‘limdan so‘ng pushaymon uvol,
Tirikmisan,demak quloq sol,
Jirkanmasdan yuvarmi g‘assol,
Janozangga kimlar kelarkin ?

To‘ldimikan savobli to‘rva?
Kim duoga qo‘l ochar zo‘rg‘a,
Xayolida ichay deb sho‘rva ,
Janozangga kimlar kelarkin ?

Kafan ichra yotadirsan jim,
Orzular yo‘q,afsuslar lim-lim,
Tobutingni ko‘tararkan kim,
Janozangga kimlar kelarkin ?

Bo‘lmasidan qiyomat qoyim,
Yurak bag‘ring iymonga to‘lsin.
Yaxshilarni do‘st ayla doim,
Janozangga yaxshilar kelsin.

Kanalga qo'shilish @dunyo_va_biz Ochish/sharhlash

2021-09-03 03:49:33 #juma_muborak

Bir darveshga "Xayrli Jumalar" deyishibdi.
U esa "Juma shundoq ham xayrli" debdi.
Keyin "Juma muborak" deyishibdi.
U esa "Juma shundoq ham muborak kun" debdi.
Unda nima deylik, sen ayt deb so‘rashibdi.
U "Jumaning xayri va barokati senga bo‘lsin" deng, degan ekan.

Jumaning xayri va barokati sizga bo‘lsin!

Kanalga qo'shilish @dunyo_va_biz Ochish/sharhlash

2021-08-13 21:39:53 #Nikoh #Hadis

Nikoh haqida 40 hadis

Nikohni halol, zinoni harom qilgan Alloh taologa cheksiz hamd bo‘lsin. Nikoh mening sunnatimdir, degan Rasulullohga bitmas-tuganmas salovat va salom bo‘lsin!

Nikoh, oila qurish Alloh taoloning insoniyat orasida joriy qilgan muqaddas qonunlaridan biri bo‘lib, nasl-nasabning davomiyligi, insonlar orasida qarindosh-urug‘chilik, mehr-oqibatni mukammal bo‘lishi kabi insoniyat uchun manfaatli maqsadlarga xizmat qiladi.

Islom faqihlarining umumiy fikri shuki: kimdaki shahvat zo‘rayib, zinoga giriftor bo‘lish xavfida qolsa, oila qurishga moliyaviy imkoniyati ham mavjud bo‘lsa, uning darhol uylanishi zarur bo‘ladi. Shahvati bor-u, biroq zino fitnasidan yiroq bo‘lsa, Hanafiy mazhabimiz olimlarining maslahatlariga ko‘ra, bunday insonning bemalol nafl ibodatlar qilish uchun yolg‘izlikni tanlashidan ko‘ra, oila qurishi baribir afzal va mustahab hisoblanadi. Sahobai kiromlarning qilgan ishlari va aytgan so‘zlariga diqqat qilinsa ham, shu fikr ma’qul ekani namoyon bo‘ladi:
Abdulloh ibn Mas’ud roziyallohu anhu shunday degan ekanlar: “Agar o‘n kun umrim qolib, uning oxirida vafot etishimni aniq bilsam va menda uylanish imkoniyati bo‘lsa, shu o‘n kun ichida ham fitnadan ehtiyot uchun uylanib olgan bo‘lar edim”.

Abdulloh ibn Abbos roziyallohu anhu Sa’id ibn Jubayrga aytgan ekan: “Oila qur, chunki bu ummatning yaxshilari ayoli ko‘plaridir”.
Imom Ahmad ibn Hanbal aytadilar: “Uylanmasdan bo‘ydoq, so‘qqabosh yurish Islomga to‘g‘ri keladigan ish emas. Kim seni xotin olishdan qaytarsa, u seni Islom yo‘lidan boshqasiga boshlayapti ekan”.
Demak, nikoh shariati islomiyada o‘ziga xos bir ibodat ekan. Janobi Rasululloh sollallohu alayhi va sallam ham juda ko‘plab o‘rinlarda ummatni oila qurishga chaqirgan, bo‘ydoq yurishdan qaytarganlar.
Ilmiy omonatdorlik yuzasidan, xalqimizga nikoh va oila qurish mavzusida aytilgan hadislardan qirqtasini jamlab, tarjima qilib, “arba’iyn” holida yetkazib berishga jazm qildik. Uni tayyorlashda mashhur hanafiy olimi Mulla Ali qori rahmatullohi alayhning “arba’iyn”i asos qilindi. Alloh taolo barchamizga manfaatli qilsin.

Bismillahir rohmanir rohiym

1-HADIS.
قال رسول الله صلي الله عليه و سلم: “يا معشر الشباب! من إستطاع منكم الباءة فليتزوج، فإنه اغض للبصر و احصن للفرج. و من لم يستطع فعليه بالصوم، فانه له وجاء”. رواه البخاري و مسلم

Rasululloh sollallohu alayhi va sallam aytdilar: “Hoy yigitlar jamoasi! Sizlardan kim oila harajatlariga qodir bo‘lsa uylansin. Chunki oila ko‘zni tiyuvchi, farjni (zinodan) saqlovchi (omil)dir. Kim qodir bo‘lmasa, unga ro‘za tutish lozimdir. Chunki ro‘za shahvatni sindiruvchidir”. Buxoriy va Muslim rivoyat qilganlar.

...33-HADIS.

قال رسول الله صلي الله عليه و سلم: “من براكة المرأة تبكيرها بالانثي”. رواه ابن عساكر

Rasululloh sollallohu alayhi va sallam aytdilar: “Birinchi farzandning qiz bo‘lishi xotinning barakasidandir”. Ibn Asokir rivoyat qilgan.

...35-HADIS.

قال رسول الله صلي الله عليه و سلم: “تزوجوا النساء فانهن يأتين بالمال”.رواه البزار و الخطيب

Rasululloh sollallohu alayhi va sallam aytdilar: “Xotin olinglar, chunki ular boylik keltiradi”. Bazzor va Xatib Bag‘dodiy rivoyat qilganlar.

Batafsil o'qish

Kanalga qo'shilish @dunyo_va_biz Ochish/sharhlash

2021-07-31 10:39:27 #ibratli #tarbiya

Shavkat Komilov : Onalarimizni borida qadriga yetaylik!

Kanalga qo'shilish @dunyo_va_biz Ochish/sharhlash

2021-07-19 23:01:00 #Qurbon #hayiti #muborak

Assalom alaykum va rohmatullohi va barokatuh

Barcha-barchani Iyd-Qurbon Hayiti bilan chin qalbimdan muborakbod etaman. Sog'lik salomatlik, oilaviy baxt, o'qish va ishlaringizda ulkan muvaffaqiyatlar tilab qolaman. Hamisha bayramona kayfiyat hamrohingiz bo'lsin, iymon e'tiqodimiz butun bo'lsin!

Kanalga qo'shilish @dunyo_va_biz Ochish/sharhlash

2021-07-19 21:03:13 #er #xotin #munosabat

AYOLNING ERIGA BEFARQLIGI

28 yoshdaman, uylanganimga 5 yil bo‘ldi. 2 nafar farzandim bor. Ayolim men bilan unchalik ishi yo‘q bo‘lib qolgan, jinsiy aloqaga umuman mayli qolmagan. Kasalligi yo‘q. O‘zidan so‘rasam, «Bu narsaga qiziqmayman», deydi. Mening esa hissiyotim kuchli, zino qilish katta gunohligini bilaman. Nima qilishim kerak, maslahat bersangiz.

JAVOB:
Alhamdulillah.

Darhaqiqat, har qanday muammoning yechimi uning sababini aniqlashdan boshlanishi kerak. Ayollardagi jinsiy maylsizlik sabablari turlicha bo‘lishi mumkin.

Jumladan:
- 1. Ayolning jinsiy shahvatga salbiy ta’sir etadigan biron fiziologik kasalliklarga yoki qand kasaliga chalingan bo‘lishi, tanosil a’zolarining yallig‘lanishi, jinsiy bezlar faoliyatining buzilishi.

- 2. Ruhiy holatining nosog‘lomligi. Bunga biron bir voqea-hodisadan qattiq ta’sirlanish yoki erning dag‘al muomalasi ham sababchi bo‘lishi mumkin.

- 3. Erning badan va libos tozaligiga beparvoligi, gigiyena odoblariga rioya qilmasligi. Bu ham ayolning jinsiy maylsizligiga sabab bo‘lishi mumkin

- 4. Ayolni nomunosib vaqtlarda jinsiy aloqaga chaqirish. Ayol qattiq horigan yoki biron narsadan chuqur qayg‘uga botgan vaqtlarda to‘shakka taklif qilish ham uning jinsiy shahvatiga salbiy ta’sir qiladi va jinsiy aloqadan sovishiga olib boradi.

- 5. Jinsiy yaqinlik qilishdan oldin ayolning shahvatini qo‘zg‘atishga olib boradigan ishlarni qilmaslik. Bu ham ayolning jinsiy maylsizligiga sabab bo‘ladi. Shuning uchun er avvalo ayoliga mayin so‘zlar so‘zlash, o‘pish va shahvatini qo‘zg‘atuvchi a’zolarini silash bilan uni jinsiy aloqaga hozirlashi lozim. Afsuski, ko‘pchilik erlar bunga e’tibor berishmaydi. Oqibatda, jinsiy jihatdan qonmagan ayol jinsiy aloqadan bezib qoladi.

- 6. Erning haddan tashqari jinsiy aloqaga moyilligi. Er ayolining jismoniy imkoniyatlari va hissiyotlari bilan hisoblashmagan holda jinsiy aloqaga mukkasidan ketishi ham ayolning jinsiy maylsizligiga sabab bo‘lishi mumkin. Albatta, yuqorida zikr qilingan sabablar bu boradagi umumiy sabablardir.

Siz yaxshisi muammoni ayolingizga ochiqcha aytib, birgalikda muammoning sababini aniqlashingiz va shunga ko‘ra uni muolaja qilishga harakat qilishingiz maqsadga muvofiqdir. Buning uchun ishonchli musulmon doktorlar maslahati bilan ayolingizning jinsiy maylini kuchaytiradigan dorilar yoki tabiiy giyohlar iste’mol qilishi ham foyda berishi mumkin.

Albatta, ayol kishi modomiki biron uzri bo‘lmasa, erining jinsiy istagini so‘zsiz qondirishi vojibdir. Ba’zan ayollar zimmalaridagi ushbu shar’iy vazifani bilmaganlari uchun, er-xotin o‘rtasidagi jinsiy munosabatlar ikki tomonning istak-xohishlariga bog‘liq degan o‘yda erlarining bu istaklarini qondirishga beparvo qaraydilar. Er kishi oilasining diniy ta’limiga javobgardir. Shuning uchun siz ayolingizga bu sohaga oid shar’iy hukmlarni o‘rgatishingiz, unga chiroyli so‘z va muomala bilan nasihat qilishingiz lozim. To‘shakka chaqirgan erining xohishini qondirmagan, balki bu ishdan bosh tortgan ayolning gunohi katta bo‘lishini unga yotig‘i bilan tushuntirish kerak.

Abu Hurayra roziyallohu anhudan rivoyat qilingan hadisda Rasululloh sollallohu alayhi va sallam shunday deydilar: «Agar er ayolini to‘shakka chaqirsa-yu, bosh tortsa, natijada er tunni ayolidan g‘azablanib o‘tkazsa, ayol to tong ottirgunga qadar farishtalar uni la’natlaydilar»

[Buxoriy (3237) va Muslim (1436) rivoyati]

Kanalga qo'shilish @dunyo_va_biz Ochish/sharhlash