Dugona

2022-07-18 10:09:01 Об-ҳаво қандай бўлишидан қатъий назар, яшашда давом этамиз

Денгизга сурворишга улгурмаган ва кўчага чиқмай уйда ўтиришни тасаввур қилолмайдиганлар учун жазирамадан сақланиш бўйича тавсиялар:

1. Кўпроқ сув ичинг. Жазирама об-ҳавода лимон ва ялпизли сув энг оптимал чанқоқбосди ичимлик ҳисобланади. Газли ва ширин ичимликлар эса аксинча, чанқоқни кучайтириши мумкин.
2. Табиий матолардан тикилган кенг ва енгил кийим кийинг.
3. Юзингизни намлантириб туриш учун спрей кўринишидаги мицелляр сувдан фойдаланинг. Оғир ёғли кремлар, тоналка ва декоратив косметикани имкон қадар кам ишлатинг.
4. Кун давомида салқин сув билан қулоқ солинчаги ва тирсак ички қисмини намлаб туринг.
5. Қуёшдан сақловчи воситалардан фойдаланинг. Кўчага чиқишдан олдин юз ва бўйин қисмига УФ-фильтрли крем суриш тавсия этилади. У терининг узоқ вақт соғлом ва ёш бўлиб қолишига ёрдам беради.

6. Кўчага чиқишдан олдин бош кийим, қуёшдан ҳимояловчи кўзойнак ва соябон билан қуролланинг Ochish/sharhlash

2022-07-14 12:39:39 Ochish/sharhlash

2022-07-14 09:53:32 Болалар майдончаси: ва

Сизларда қанақа билмадиму, мен бугун фарзандларим боғчага чиққанидан жуда хурсандман. Тан олинг, биз - болалар билан қандай вақт ўтказишни билмайдиган оналар авлодимиз. Яхшиямки “почемучка”, “разивашка”, болалар ўнайдиган ҳар хил майдончалар, робототехника ва инглиз тили курслари бор. Акс ҳолда, кўчалар жазавага тушган, аламзада ва бир уриб любойини пачағини чиқариб ташлашга тайёр аёллар билан тўларди. Ҳамма шунақа демоқчимасман, албатта. Агар кимдадир болалар билан вақтни мазмунли ўтказиш ва ўша пайтнинг ўзида ички хотиржамликни сақлаш бўйича тажриба бўлса, изоҳларда қайси седатив воситаларни қабул қилишини ёзсин)

Мен эса болалар майдончалари бўйича баъзи камтарона тажрибам билан бўлишмоқчиман. Тўғрироғи, фарзандларимни у ерга иложи борича камроқ олиб боришим ҳақида. Бунинг бир нечта сабаблари бор:
1. Савдо марказлари - истеъмолчилик жамиятининг моддий кўриниши, у ерда сизга доим ниманидир сотишга ҳаракат қилишади. Ҳаёт ортидан қуваётган ва дўкон айланиб вақтини ўтказаётган одамлар... Болаларни бу энергиядан узоқроқ тутишни хоҳлайман. Ёпиқ ўйингоҳда у қобиққа тушиб қолгандек, фантазияси чекланадигандек туюлади.

2. Доимий шовқин ва диққинафаслик. Минг бахилла кийиб кирганда ҳам улар ҳар хил микроблар макони бўлиб қолаверади.

3. Уч ёшгача бўлган бола лабиринт йўлларда кўпинча ўзи юра олмайди. Оналар эса уларни арғимчоқдан сирпаниб тушишга, батутда сакрашга мажбурлайди. Онадан узоқлашиш, нотаниш жойга тушиш бола руҳиятига салбий таъсир қилиши мумкин. Бу ёшда гўдак кўпроқ она меҳрини ҳис қилиши, у билан паркларда, табиат қўйнида сайр қилиш анча фойдали.

4-5 ёшда айнан очиқ ҳаводаги болалар майдончалари ижтимоий мослашув, тенгқурлари билан мулоқотга киришиш нуқтаи назаридан, бола учун қизиқ ва фойдали бўлади. Масалан, 7 ёшли ўғлим майдончага арғимчоқ учиш учун эмас, тенгдошлари билан “команда” тузиб, биргаликда ўйнаш учун боради. Лекин асосан, парклар, сув ҳавзалари, музейлар, яъни улар билан кўпроқ мулоқот қилиш мумкин бўлган жойларга олиб боришга ҳаракат қиламан. Сизда қандай? Ochish/sharhlash

2022-07-11 11:40:53 Нью-Йоркда мода ҳафталиги бўлиб ўтибди. Модасига ўт тушсин Ochish/sharhlash

2022-07-09 10:49:13 Ассалому алайкум!

Барчангизга Қурбон Ҳайити муборак бўлсин! Ochish/sharhlash

2022-07-07 12:43:52 Болаларга массаж керакми?

Сўнгги бир неча кун давомида ижтимоий тармоқларда болалар массажи билан боғлиқ видеотасвирлар муҳокамаси авж олди. Чилонзорлик кунг-фу устаси нокомпетент массажчининг ҳаракатларидан ҳар қандай совуққон одамнинг тепа сочи тикка бўлади.

Қоидаси бўйича бажарилмаган ҳар қандай массаж боланинг шахсий ҳудудига бостириб қириш билан баробар.
Боланинг табиий ҳолатига таъсир қилиш, кафтларини мажбуран очиш, нотаниш одам билан контакт болада стресни юзага келтириши мумкин.

Қуйидаги ҳолатларда массаж қатъиян ман қилинади:
1.5 ойликкача бўлган даврда
вазн етишмовчилигида (2-3 босқич гипотрофияси)

тери хасталикларида
юқори ҳароратда
респиратор инфекциялар вақтида
ҳар қандай ўткир ёки сурункали инфекциянинг авж олган вақтида
юрак, ўпка ва бошқа аъзолар хасталиклари мавжуд ҳолатда
эпилепсия мавжуд бўлганида
жарроҳлик аралашувидан сўнг бир ой давомида.

Ёдингизда тутинг: массаж вақтида боланинг йиғлаши ҳеч кимга фойда келтирмайди! Ochish/sharhlash

2022-07-06 12:33:00 Фарзандларни ўз вақтида қўйиб юбориш кераклиги ҳақида чуқур маънога эга мультфильм.

@uz24ladyuz Ochish/sharhlash

2022-07-06 09:52:30 “Ижтимоий тармоқларда тарқалган “уқалаш муолажаси” билан боғлиқ видеолавҳа барчамизда эътироз ва нафрат уйғотди. Чунки ушбу хатти-ҳаракатлар нафақат тиббиёт, балки инсонийлик туйғуларига ҳам ётдир.

Вазирликнинг бу каби ҳолатларга нисбатан позицияси аниқ ва қатъий: биз инсон ҳаёти ва саломатлигига хавф соладиган, қадр-қиммати ва шаънини топтовчи ҳар қандай хатти-ҳаракатга муросасиз муносабатдамиз.

Шунинг учун ҳам мазкур масала юзасидан ўрганиш натижалари ва хулосаларимизни, хусусан, уқалаш муолажасини бажарган шахснинг тегишли рухсатнома, сертификат, ижара шартномаси, физиотерапия йўналишида диплом ва малака тоифасига эга бўлмай фаолият юритганига доир фактларни ҳуқуқ-тартибот идораларига тақдим этамиз. Ишонамизки, тез орада ушбу ҳолат ўз ҳуқуқий баҳосини олади.

Шу ўринда, ота-оналардан тегишли лицензия, рухсатнома ва малакага эга бўлмаган кимсаларга фарзандларининг тақдири ва саломатлигини ишониб топширмасликларини, агар бундай ноқонуний хатти-ҳаракатларга дуч келса, дарҳол вазирликнинг 71-241-10-67 ёки 71-241-82-40 телефон рақамларига мурожаат қилишларини сўраймиз”.

Б.Мусаев,
Соғлиқни сақлаш вазири. Ochish/sharhlash

2022-06-29 09:41:56 Ўғлимни мактабга қабул қилишди

Боғчага жойлаштириш бундан анча қийинроқ бўлган эди. Адашмасам, мактабга чиқадиган ўғлим ягона дарчада ҳали ҳам боғчага навбатда турибди)

Ҳа майли, бу муҳиммас.

My.maktab.uz сайтида амаллаб ариза топширдим, 3 кундан кейин аризам мактабга юборилгани ҳақида хабар келди. Ҳужжатларни топшириш учун навбатга ёзилдим.

Мактабга 1-синфга чиқадиган фарзандингиз ва ҳужжатлар билан
борасиз. Бошланғич синф ўқитувчиси бола билан суҳбатлашиб, мактабга тайёрлик даражасини текширади.

Қандай ҳужжатлар керак?
1. Ариза (мактабнинг ўзида тўлдириб берасиз)
2. 086 справка
3. Боланинг тиббий картаси
4. Паспортингиз нусхаси
5. Боланинг туғилганлик ҳақидаги гувоҳномаси нусхаси
6. 6та 3х4 расм (боланики)
7. Электрон аризани (яъни мактабга юборилганлик ҳолати ҳақидаги билдиришномани) принтерда чоп этиб, олиб боринг.

Болани ва ўзимни ортиқча қийнамаслик учун, уйимга энг яқин мактабни танладим.

@uz24ladyuz Ochish/sharhlash

2022-06-21 10:03:45 Тахтапулдаги инфекцион касалликлар шифохонаси - ҳаммаси сиз ўйлагандек қўрқинчли эмас

Сувчечак энг безарар, айниқса, кичик ёшдаги болаларда жуда енгил кечадиган касаллик деб қаралади. Бошида мен ҳам шу фикрда эдим.

4 ёшли фарзандимнинг юзидаги тошмалардан бу катта эҳтимол сувчечак бўлса керак, деган фикрда боғчага олиб бормадим. Лекин бу одатдагидек, сувли пуфакчалар эмас, йирингли яралар эди. Иситмаси 39 даражагача кўтарилиб, ҳатто овқат ҳам емай қўйди. Педиатр бироз иккиланиб сувчечак ташхисини қўйди ва иситма туширувчи препарат ҳамда кастелянка ёзиб берди.

Афсуски, вазият мен кутганимдан бошқачароқ тус олди. Якшанба куни эрталаб таниш врачларга телефон қилдим. Уларнинг ташхислари бир-биридан фарқ қилгани учун кўнглим бўлмай, Тахтапулдаги инфекционкага олиб бордим. У ерда “ҳар хил касал бор”лиги ҳақидаги шов-шувли афсоналарни сиз ҳам эшитгансиз. Қизимни кўриб, касалхонада ётишимиз ва антибиотик терапиясини олишимиз кераклигини айтишди. Дарвоқе, қизимга сувчечак ва иккиламчи инфекция ташхиси қўйилди.

Мана энди энг асосий нуқтага етиб келдик: больница деса кўпчиликнинг кўз ўнгида дори ҳиди анқиган коридорлар, тошдек қаттиқ каравот ва бемаза овқатлар гавдаланади. Менинг кўз олдимга эса, уйқусиз ўтган 4 тундан кейин тинч, иситмаси чиқмасдан ухлаган қизим келади. 2 суткадан кейин бизга рухсат беришди ва мен Тошкент шаҳридаги 1-сон юқумли касалликлар шифохонаси ходимларидан умримнинг охиригача миннатдорман.

Агар иситмаси тушмаётган болани шифхонада ёки уйда даволаш танлови турса, албатта иккинчисини танлашни тавсия қиламан. Чунки у ерда фарзандингиз профил шифокорлар назоратида бўлади, зарур анализлар топширилади, укол қилишга ҳамшира қидириб юрмайсиз. Лекин энг яхшиси фарзандларимиз умуман касал бўлмаслиги)

@uz24ladyuz Ochish/sharhlash