(TSM) Pedagog kadrlar salohiyatini oshirish

2022-08-31 15:19:19 2022-2023 янги ўқув йилида умумий ўрта таълим муассасаларида “Биринчи қўнғироқ” тадбирларини ўтказиш учун намунавий сценарий

Xalq ta'limi Info Ochish/sharhlash

2022-08-31 15:19:19 ​​ Янги ўқув йилининг биринчи ўқиш куни “Мустақиллик дарс”лари қай тартибда ўтказилиши бўйича расмий кўрсатма берилди

Халқ таълими вазирлиги 2022-2023 ўқув йили республикамиздаги 10 130 та мактабларида “Билимлар куни”ни “Мустақиллик дарс”лари билан бошланишини маълум қилди. “Мустақиллик дарс”лари “Янги Ўзбекистонда эл азиз, инсон азиз” шиори остида ўтказилади.

Янги Ўзбекистонда эл азиз, инсон азиз” шиори остида ўтказиладиган Мустақиллик дарслари мактаб директори, директорнинг маънавий-маърифий ишлар бўйича ўринбосари, тарих, она тили ва адабиёти фанлари ўқитувчилари ҳамда синф раҳбарлари томонидан олиб борилади.

“Мустақиллик дарслари”да ўқувчиларга халқимизнинг 31 йил давомида эришган ютуқлари, Президентимиз ва Ҳукуматимиз томонидан амалга оширилаётган ислоҳотларнинг мазмун-моҳияти борасида кенг маълумотлар берилади.

Мазкур дарсларни ўқитиш учун Халқ таълими вазирлиги томонидан намунавий тақдимот, сценарий ва тавсиялардан фойдаланилади.

Xalq ta'limi Info Ochish/sharhlash

2022-08-31 15:16:09 #МУНОСАБАТ

Ижтимоий тармоқлар орқали 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир тарқалган хабарларга МУНОСАБАТ

Маълумки, Ўзбекистон Республикаси Вазирлар Маҳкамасининг 2022 йил 2 августдаги 425-сонли қарори билан Ҳукуматнинг 2021 йил 17 сентябрдаги 572-сонли қарорига киритилган тегишли ўзгартиришга кўра, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслиги белгиланган.

Жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолиниши белгиланган.

Ўзбекистон Республикасининг “Норматив-ҳуқуқий ҳужжатлар тўғрисида”ги қонунига асосан, норматив-ҳуқуқий ҳужжатлар орқага қайтиш кучига эга эмаслиги белгиланганлиги муносабати билан, 2022 йил март-май ойларида ўтказилган аттестация даврида 15 йиллик узлуксиз иш стажига эга бўлган олий малака тоифали ўқитувчиларнинг мавжуд тоифалари умрбод сақланиб қолинишини маълум қиламиз.

Қўшимча маълумот: Вазирлар Маҳкамасининг 2022 йил 2 августдаги 425-сон қарори билан белгиланган, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслик тартиби 2022 йил 2 августдан бошлаб амалиётга жорий этилади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-08-29 19:00:30 ​ 1-СИНФГА ОНЛАЙН ҚАБУЛ ЖАРАЁНИ 30 АВГУСТ КУНИ ЯКУНЛАНАДИ

Аввал хабар берилганидек, мактаб ўқувчиларини ўз вақтида "Президент совғаси" ва дарсликлар билан таъминлаш учун 2022-2023 ўқув йилининг 1-синфга қабул жараёнлари 2022 йил 30 август куни соат 18.00 да якунланишини маълум қиламиз.

Ҳурматли ота-оналар!

Агар сиз бугунги кунга қадар мактаб ёшига (7 ёш) етган фарзандингизни 1-синфга жойлаштиришмаган бўлсангиз, юқорида белгиланган вақтга қадар тезроқ буни амалга оширишингизни сўраймиз. Қабул масаласида 30 август 18.00 га қадар мурожаат этишингиз мумкин.

Барча мактаб раҳбарларидан, шу жумладан, нодавлат таълим ташкилотидан 2022-2023 ўқув йилида 1-синфга қабул қилинган барча ўқувчиларни adm.maktab.uz электрон платформасига киритиш жараёнини 30 август 18.00 га қадар якунлашлари сўралади.

Маълумот учун: бугунги кунга қадар республика бўйича 692 минг нафардан ортиқ болалар умумтаълим мактабларининг 1-синфига қабул қилинди.

Шунингдек, электрон қабул жараёнлари ўтказилаётган ҳудудудларда 105 минг нафардан ортиқ болалар my.maktab.uz платформаси орқали мактабларга онлайн тарзда қабул қилинди.

Қабул жараёнлари бўйича қўшимча маълумотларни @mymaktab_uz телеграмм канали ёки 71 203-07-04 телефон рақами орқали олишингиз мумкин.


@XTV_CHAT - Методик ёрдам олинг ва беринг

Халқ таълими ўқитувчилари ахборот хизматининг телеграм каналига уланиш учун


https://t.me/+ic9oRifRVJw0NGQy Ochish/sharhlash

2022-08-25 19:13:58 https://telegra.ph/USTOZLAR-MILLIY-FORUMI-08-25-5 Ochish/sharhlash

2022-08-25 07:10:53 Tumanlar kesimida o`rtacha ball. Ochish/sharhlash

2022-08-23 09:09:28 51,2% абитуриентлар 56,7 балл ҳам тўплай олмаган

ДТМнинг mandat.dtm.uz сайтидаги очиқ маълумотларга кўра, жорий йилда 1 млн 73 минг 821 нафар абитуриент тестга кирган.

Минг афсуслар бўлсинким, уларнинг 550 минг нафари (51,2%) ўтиш балининг энг қуйи чегараси бўлган 56,7 бални ҳам тўплай олмаган. Бу ярмидан кўпи дегани! Бу даҳшат! Даҳшат, ўртоқлар!

Ўтган йилги ҳолат билан солиштирганда аҳволимиз янада оғирлашган. Ўтган йили 36% абитуриентлар 56,7 балл ҳам тўплай олмаганди, жорий йилда бу кўрсаткич 51,2% га чиқди. Албатта, бунда мажбурий блокдаги осон саволларга бериладиган баллар миқдори камайтирилиб, мутахассислик фанига катта урғу берилгани ҳам сабаб бўлди.

2022 йилда энг ёмон кўрсаткич, худди ўтган йилда бўлганидек Тошкент вилоятида (55,9%), нисбатан яхшироқ натижа эса худди ўтган йилдагидек Тошкент шаҳрида (45,2%) қайд этилган (юқоридаги жадвалга қаранг).

Демак, Тошкент вилоятида халқ таълими даражаси бутун Республика бўйича энг ёмон.

9 та ҳудудда абитуриентларнинг 50 фоиздан кўпроғи 56,7 баллдан паст балл олишган. Фақат 5 тагина ҳудудда бу кўрсаткич 50 фоиздан камроқни ташкил қилган. Бу қайси ҳудудлар, деб ўйлайсиз? Албатта, бу ҳудудлар таълим даражаси бирмунча яхши бўлган — Тошкент шаҳри, Бухоро, Фарғона, Хоразм ва Самарқанд вилоятларидир. Лекин умумий олганда бу ерларда ҳам аҳвол хурсанд бўладиган ҳолатда эмас.

56,7 балл — бу тўплаш мумкин бўлган энг юқори 189 балнинг 30%и дегани. Яъни абитуриент ҳеч бўлмаса 30% билимга эга бўлса, ушбу кўрсаткични тўплай олади. 30% билим эса рейтинг тизимидан қиёс олсак, ҳатто 2 баҳо ҳам эмас! 1 баҳо десак тўғри бўлар балки.

Яъни 2 баҳога ўқиганлар ҳам тахминан 35-55% натижа кўрсата олиши керак (66 баллдан юқори).

Тасаввур қиляпсизми, яқин ўртада мактабларимизни тугатган абитуриентларнинг 51,2% фоизи, аниқроғи 550 минг ёшлар (балки орасида кам сонли ёши катталар ҳам бордир) тест топширилган фанларни 2 баҳога ҳам билишмайди

ЯРМИДАН КЎПИ!!!

(албатта, тест билимларни баҳолашнинг энг мақбул варианти эмас, аммо бу умуман бошқа масала)


@xushnudbek Ochish/sharhlash

2022-08-15 16:12:17 Xalqaro sertfikatlarga ustama to`lash yangi tartibi. Endilikda informatika, Fizika, Kimyo, Biologiya, Filologiya va boshqa fan o`qituvchilari ham xalqaro sertifikatga egaligi bo`yicha qo`shimcha ustama belgilanadi. Ochish/sharhlash

2022-08-13 13:49:50 Энди ўқувчилар ички тартиб ва одоб-ахлоқ қоидаларини бузган тақдирда уларнинг ота-онасини маъмурий жавобгарликка тортиш мумкин бўлади

Хабарингиз бўлса, Халқ таълими вазирлигининг 2022 йил 28 июлдаги 246-сонли буйруғи билан “Умумий ўрта таълим муассасаларининг ички тартиб ва одоб-ахлоқ қоидалари” янги таҳрирда тасдиқланди.

Янги таҳрирдаги ички тартиб ва одоб-ахлоқ қоидаларига кўра таритиббузар ўқувчилар ота-онаси (уларнинг ўрнини босувчи шахслар)га нисбатан муассасага бириктирилган инспектор-психолог томонидан тегишли маъмурий жавобгарлик чораларини қўллаш мумкин бўлади.

Ўқувчи ички тартиб ва одоб-ахлоқ қоидаларига амал қилмаса уларга нисбатан қуйидаги таъсир чоралари қўлланилади:

ўқувчининг қоғоз ёки электрон кундалигига танбеҳ ёзиш;

қоида бузилиш ҳолатлари такроран кузатилганда, ўқувчини муассаса ички назорат рўйхатига олиш ва якка тартибда шуғулланиш;

ота-онаси (уларнинг ўрнини босувчи шахслар)ни муассасага таклиф қилиш, “Оила-маҳалла-таълим муассасаси” ҳамкорлиги жамоат кенгаши доирасида муҳокама қилиш;

фарзанди тарбиясига масъулиятсизлик билан ёндашаётган ота-оналар (уларнинг ўрнини босувчи шахслар)нинг иш жойига ёки маҳалла фуқаролар йиғинига маълумот юбориш;

ота-онаси (уларнинг ўрнини босувчи шахслар)га нисбатан муассасага бириктирилган инспектор-психолог томонидан тегишли маъмурий жавобгарлик чораларини қўллаш.

Эслатиб ўтамиз, эски таҳрирдаги ички тартиб ва одоб-ахлоқ қоидаларида тартиббузар ўқувчилар ота-онасининг иш жойига ёки маҳалла фуқаролар йиғинига маълумот юбориш ҳамда уларни маъмурий жавобгарликка тортиш каби жазо чоралари белгиланмаган эди.

Xalq ta'limi Info Ochish/sharhlash

2022-08-13 13:49:50 ​​#Ҳуқуқий_саводхонлик

Умумий ўрта таълим муассасасининг ички тартиб ва одоб-ахлоқ қоидалари қайта кўриб чиқилиб янги таҳрирда қабул қилинди

Маълумки, жорий йилнинг 11 май куни Президентнинг «Халқ таълимини ривожлантиришга оид қўшимча чора-тадбирлар тўғрисида»ги ПҚ-241-сонли қарори имзоланганди. Мазкур қарор билан Халқ таълими вазирлигига 2022 йил 1 августга қадар умумий ўрта таълим муассасасидаги ички тартиб ва одоб-ахлоқ қоидаларини қайта кўриб чиқиши вазифаси топширилганди.

Шу муносабат билан Халқ таълими вазирлигининг 2022 йил 28 июлдаги буйруғи билан умумий ўрта таълим муассасаларининг ички тартиб ва одоб-ахлоқ қоидаларини тасдиқлаш тўғрисидаги 246-сонли буйруғи имзоланди.

Мазкур буйруқ билан маънавий-маърифий фаолиятни ташкил қилишга қаратилган “Намунали мактаб директори”, “Намунали муаллим”, “Намунали ўқувчи” ва “Намунали ота-она” мезонлари ҳам тасдиқланди.

Янги таҳрирдаги "Умумий ўрта таълим муассасасидаги ички тартиб ва одоб-ахлоқ қоидалари"да умумий ўрта таълим муассасасида ходимлар ва ўқувчилар томонидан таълимга оид норматив-ҳуқуқий ҳужжатларда ва муассаса Уставида белгилаб қўйилган таълим жараёнида риоя этилиши шарт бўлган тартиб ва қоидалар ҳамда ўқувчилар ва ота-оналар учун белгиланган хулқ-атвор меъёрлари белгиланди.

Янги таҳрирдаги мазкур ҳужжатда ота-оналарга қўйиладиган талаблар ҳам белгиланиб, намунали ўқувчиларнинг ота-оналарини рағбатлантириш мақсадида маҳалла раислари билан биргаликда уларга “Миннатдорчилик хати”ни юбориш тизими жорий қилинди.

Халқ таълими вазирининг 246-сонли буйруғи билан вазирликнинг 2020 йил 28 майдаги (эски таҳрирдаги) “Умумий ўрта таълим муассасасининг ички тартиб ва одоб-ахлоқ қоидаларини тасдиқлаш тўғрисида”ги 131-сонли буйруғи ўз кучини йўқотди.

Xalq ta'limi Info Ochish/sharhlash